Xiaomi 14 Civi ಬಿಡುಗಡೆಗೆ ಡೇಟ್ ಫಿಕ್ಸ್! : Samsung, OnePlusನೊಂದಿಗೆ ಪೈಪೋಟಿಗೆ ಸಜ್ಜು

ಶೀಘ್ರದಲ್ಲೇ ಭಾರತದಲ್ಲಿ Xiaomi ಸ್ಮಾರ್ಟ್‌ಫೋನ್ ಬ್ರಾಂಡ್ ತನ್ನ ಲೇಟೆಸ್ಟ್ ಮೊಬೈಲ್‌ ಅನ್ನು ಲಾಂಚ್ ಮಾಡಲಿದೆ. ಈ ಮೊಬೈಲ್‌ಗೆ Xiaomi 14 Civi ಎಂದು ಹೆಸರಿಟ್ಟಿದ್ದು, ರಿಲೀಸ್‌ಗೂ ಮೊದಲೇ ಇದರ ಬಗ್ಗೆ ಒಂದಿಷ್ಟು ಮಾಹಿತಿಗಳನ್ನು ಕಂಪನಿ ತನ್ನ ಅಧಿಕೃತ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಂಡಿದೆ. ಚೀನಾದ ಸ್ಮಾರ್ಟ್‌ಫೋನ್ ಉತ್ಪಾದಕರು, ಭಾರತದಲ್ಲಿ ಈ ಮೊಬೈಲ್‌ ಬಿಡುಗಡೆ ಡೇಟ್‌ ಅನ್ನು ಖಚಿತಪಡಿಸಿದ್ದಾರೆ. ಇದೇ ಜೂನ್ 12ರಂದು Xiaomi 14 Civi ಗ್ರ್ಯಾಂಡ್‌ ಆಗಿ ಲೋಕಾರ್ಪಣೆಯಾಗಲಿದೆ.

Xiaomi 14 Civi ಮೊಬೈಲ್‌ನ ಕ್ಯಾಮೆರಾ ಅದ್ಭುತವಾಗಿದೆ. ಸಿನಿಮ್ಯಾಟಿಕ್ ಲುಕ್ ಅನುಭವವನ್ನು ನೀಡುವ ಬಗ್ಗೆ ಮಾಹಿತಿ ಹೊರ ಬಿದ್ದಿದೆ. ಈ ಸ್ಮಾರ್ಟ್‌ಫೋನ್ ಹಿಂಭಾಗದಲ್ಲಿ ವೃತ್ತಾಕಾರದ ಕ್ಯಾಮೆರಾ ಮಾಡ್ಯೂಲ್ ಅನ್ನು ನೀಡಲಾಗಿದ್ದು, ಅದರೊಳಗೆ ಲೈಕಾ ಆಪ್ಟಿಕ್ಸ್ (Leica Optics) ಅನ್ನು ಕಾಣಬಹುದು. ಕ್ರೂಸ್ ಬ್ಲೂ, ಮ್ಯಾಚಾ ಗ್ರೀನ್ ಮತ್ತು ಶ್ಯಾಡೋ ಬ್ಲ್ಯಾಕ್ ಎಂಬ ಮೂರು ಬಣ್ಣಗಳ ರೂಪಾಂತರಗಗಳಲ್ಲಿ ಈ ಮೊಬೈಲ್‌ ಪರಿಚಯವಾಗಲಿದೆ. Samsung, OnePlus ಸೇರಿದಂತೆ ಇತರೆ ಕಂಪನಿಗಳ ಸ್ಮಾರ್ಟ್‌ಫೋನ್‌ಗಳೊಂದಿಗೆ ಪ್ರತಿಸ್ಪರ್ಧಿಯಾಗಲಿದೆ.

ಪ್ರಮುಖ ಅಂಶಗಳು

• ಭಾರತದಲ್ಲಿ Xiaomi ಸ್ಮಾರ್ಟ್‌ಫೋನ್‌ ಬ್ರಾಂಡ್ ತನ್ನ ಲೇಟೆಸ್ಟ್ ಮೊಬೈಲ್‌ ಬಿಡುಗಡೆಗೊಳಿಸಲು ಸಜ್ಜಾಗಿದೆ.
• Xiaomi 14 Civi ಸ್ಮಾರ್ಟ್‌ಫೋನ್ ಜೂನ್ 12, 2024 ರಂದು ಗ್ರ್ಯಾಂಡ್‌ ಆಗಿ ಲಾಂಚ್ ಆಗಲಿದೆ.
• 120Hz ರಿಫ್ರೆಶ್ ದರದೊಂದಿಗೆ ಮೊಬೈಲ್‌ ಕ್ವಾಡ್-ಕರ್ವ್ಡ್ 1.5K AMOLED 120Hz ಡಿಸ್ಪ್ಲೇಯನ್ನು ಹೊಂದಿರಲಿದೆ.

Xiaomi 14 Civi ನಿರೀಕ್ಷಿತ ವೈಶಿಷ್ಟ್ಯಗಳು

ಈ ಮೊಬೈಲ್ ಕ್ವಾಡ್-ಕರ್ವ್ಡ್ 1.5K AMOLED 120Hz ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಗೊರಿಲ್ಲಾ ಗ್ಲಾಸ್ ವಿಕ್ಟಸ್ 2 ರಕ್ಷಣೆ ಮತ್ತು 120Hz ರಿಫ್ರೆಶ್ ದರದೊಂದಿಗೆ ಲಭ್ಯವಾಗಲಿದೆ. Xiaomi 14 Civi ಮುಂಭಾಗದಲ್ಲಿ 32MP ಪ್ರೈಮರಿ + 32MP ಅಲ್ಟ್ರಾವೈಡ್ ಕ್ಯಾಮೆರಾ, ಡ್ಯುಯಲ್ ಸೆಲ್ಫಿ ಕ್ಯಾಮೆರಾಗಳನ್ನು ಹೊಂದಿದೆ. ಹ್ಯಾಂಡ್‌ಸೆಟ್ ಸ್ಟಿರಿಯೊ ಸ್ಪೀಕರ್‌ಗಳು, ಲೋಹದ ಚೌಕಟ್ಟನ್ನು ಹೊಂದಿದ್ದು, 7.6 ಎಂಎಂ ದಪ್ಪವಾಗಿರುತ್ತದೆ. ಕಾರ್ಯಕ್ಷಮತೆಗೆ ಸಂಬಂಧಿಸಿದಂತೆ Snapdragon 8s Gen 3 ಚಿಪ್‌ಸೆಟ್‌ನಿಂದ ಚಾಲಿತವಾಗಿದ್ದು, Xiaomi Hyper OSನಲ್ಲಿ ರನ್ ಆಗುತ್ತದೆ.

12GB RAM, 4,700mAh ಬ್ಯಾಟರಿ ಬ್ಯಾಕಪ್

ಈ ಮೊಬೈಲ್ ತ್ರಿಬಲ್ ಕ್ಯಾಮೆರಾ ಸೆಟಪ್ ಜೊತೆಗೆ, 50MP ಪ್ರೈಮರಿ ಕ್ಯಾಮೆರಾದೊಂದಿಗೆ 50MP ಟೆಲಿಫೋಟೋ ಲೆನ್ಸ್ ಮತ್ತು 12MP ಅಲ್ಟ್ರಾವೈಡ್ ಲೆನ್ಸ್ ಅನ್ನು ನೀಡಲಾಗಿದೆ. ಈ ಸ್ಮಾರ್ಟ್‌ಫೋನ್ ಮುಂಭಾಗದಲ್ಲಿ 32MP ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ ನೀಡಲಾಗಿದೆ. ಅಲ್ಲದೆ ಮೊಬೈಲ್ 67W ಚಾರ್ಜಿಂಗ್‌ನೊಂದಿಗೆ 4,700mAh ಬ್ಯಾಟರಿ ಬ್ಯಾಕಪ್ ಪಡೆಯಬಹುದು. ಈ ಮೊಬೈಲ್ ಸಂಪರ್ಕಕ್ಕಾಗಿ ಹ್ಯಾಂಡ್‌ಸೆಟ್ Wi-Fi 6, ಬ್ಲೂಟೂತ್ 5.4, NFC ಮತ್ತು ಚಾರ್ಜಿಂಗ್ ಮತ್ತು ಡೇಟಾ ವರ್ಗಾವಣೆಗಾಗಿ USB ಟೈಪ್-C ಪೋರ್ಟ್ ಅನ್ನು ಪಡೆಯಬಹುದು. 12GB ವರೆಗೆ LPDDR5X RAM ಮತ್ತು 512GB UFS 4.0 ಸ್ಟೋರೇಜ್ ಹೊಂದಿದೆ.

ಭಾರತದಲ್ಲಿ Xiaomi 14 Civi ಬೆಲೆ ಎಷ್ಟು?

ಪ್ರಸ್ತುತ ತಿಳಿದುಬಂದಿರುವ ಮಾಹಿತಿ ಪ್ರಕಾರ, ಈ ಮೊಬೈಲ್‌ನ ಬೆಲೆ (2,999 ಯುವಾನ್) ಸುಮಾರು 35,000 ರೂ.ಗಳಿಗೆ ನಿರೀಕ್ಷಿಸಬಹುದು. ಮುಂದಿನ ತಿಂಗಳು ಅಂದ್ರೆ, ಜೂನ್‌ನಲ್ಲಿ ಬಿಡುಗಡೆಯಾಗಲಿರುವ Xiaomi 14 ಸರಣಿಯ ಎಲ್ಲಾ ಹ್ಯಾಂಡ್‌ಸೆಟ್‌ಗಳನ್ನು ಸುಮಾರು 50,000 ರೂ.ಗಳಿಗಿಂತ ಕಡಿಮೆ ಬೆಲೆಗೆ ಲಾಂಚ್ ಮಾಡಬಹುದು ಎಂದು ಹೇಳಲಾಗಿದೆ. Xiaomi ಕಂಪನಿಯ ಈ ನೂತನ ಮೊಬೈಲ್ ಈಗಾಗಲೇ ಭಾರತದ ಮರುಕಟ್ಟೆಯಲ್ಲಿರುವ Samsung Galaxy S23, iQOO 12 5G ಮತ್ತು OnePlus 12R ಸ್ಮಾರ್ಟ್‌ಫೋನ್‌ಗಳೊಂದಿಗೆ ಪೈಪೋಟಿ ನಡೆಸುವ ಸಾಧ್ಯತೆಗಳಿವೆ.