ಭಾರತದಲ್ಲಿ ಅಂತಿಮವಾಗಿ Xiaomi 17 Ultra ಬಿಡುಗಡೆ: ಇಲ್ಲಿದೆ ಫುಲ್ ಡೀಟೇಲ್ಸ್!

ಟೆಕ್ ದೈತ್ಯ Xiaomi ಕಂಪೆನಿಯ ಅತ್ಯಂತ ಪ್ರೀಮಿಯಂ ಫ್ಲ್ಯಾಗ್‌ಶಿಪ್ ಸ್ಮಾರ್ಟ್‌ಫೋನ್ Xiaomi 17 Ultra ಇಂದು (ಮಾರ್ಚ್ 11) ಭಾರತದಲ್ಲಿ ಬಿಡುಗಡೆಯಾಗಿದೆ. ಲೈಕಾದ 1-ಇಂಚಿನ LOFIC ಸಂವೇದಕವನ್ನು ಹೊಂದಿರುವ ವಿಶ್ವದ ಮೊದಲ ಫೋನ್ ಎಂಬ ಹೆಗ್ಗಳಿಕೆಯೊಂದಿಗೆ, ಅತ್ಯಾಧುನಿಕ ಕ್ಯಾಮೆರಾ ತಂತ್ರಜ್ಞಾನ, ಶಕ್ತಿಶಾಲಿ Snapdragon 8 Elite Gen 5 ಪ್ರೊಸೆಸರ್ ಮತ್ತು ದೊಡ್ಡ ಪ್ರೀಮಿಯಂ ಡಿಸ್‌ಪ್ಲೇ ಸೇರಿದಂತೆ ಹಲವು ಪ್ರಮುಖ ಅಪ್‌ಗ್ರೇಡ್‌ಗಳೊಂದಿಗೆ ಈ ಸ್ಮಾರ್ಟ್‌ಫೋನ್ ಮಾರುಕಟ್ಟೆಗೆ ಬಂದಿದೆ. ಇದೇ ವೇಳೆ ಕಂಪನಿ Xiaomi 17 ಮಾದರಿಯನ್ನೂ ಬಿಡುಗಡೆ ಮಾಡಿದೆ.

Xiaomi 17 Ultra : ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ Xiaomi 17 Ultra ಸ್ಮಾರ್ಟ್‌ಫೋನ್ ಬೆಲೆ ₹1,39,999 ಆಗಿದೆ. ಈ ಫೋನ್ 16GB RAM ಮತ್ತು 512GB ಇಂಟರ್ನಲ್ ಸ್ಟೋರೇಜ್‌ನ ಒಂದೇ ಸ್ಟೋರೇಜ್ ಆಯ್ಕೆಯಲ್ಲಿ ಲಭ್ಯವಿದೆ. SBI ಕ್ರೆಡಿಟ್ ಕಾರ್ಡ್ ಮೂಲಕ ಖರೀದಿಸಿದರೆ ಗ್ರಾಹಕರು ₹10,000 ರಷ್ಟು ಬ್ಯಾಂಕ್ ಡಿಸ್ಕೌಂಟ್ ಪಡೆಯುವ ಅವಕಾಶವಿದೆ. ಜೊತೆಗೆ Early Bird ಆಫರ್ (ಮಾರ್ಚ್ 13ರಿಂದ ಮಾರ್ಚ್ 17ರವರೆಗೆ) ಅವಧಿಯಲ್ಲಿ ಗ್ರಾಹಕರು ₹19,999 ಮೌಲ್ಯದ Xiaomi Professional Photography Kit Pro ಅನ್ನು ಉಚಿತವಾಗಿ ಪಡೆಯಬಹುದು. ಇನ್ನು ಈ ಫೋನ್ ಮಾರ್ಚ್ 18ರಿಂದ Amazon ಹಾಗೂ Xiaomi ಇಂಡಿಯಾ ಆನ್‌ಲೈನ್ ಸ್ಟೋರ್‌ ಮೂಲಕ ಸಾಮಾನ್ಯ ಮಾರಾಟಕ್ಕೆ ಬರಲಿದೆ ಮತ್ತು Black ಮತ್ತು White ಬಣ್ಣಗಳಲ್ಲಿ ಲಭ್ಯವಾಗಲಿದೆ.

Xiaomi 17 Ultra : ಪ್ರಮುಖ ವೈಶಿಷ್ಟ್ಯಗಳು
Xiaomi 17 Ultra ಫೋನ್ 6.9-ಇಂಚಿನ Xiaomi HyperRGB (1,200x2,608 ಪಿಕ್ಸೆಲ್‌ಗಳು) OLED ಡಿಸ್ಪ್ಲೇಯನ್ನು ಹೊಂದಿದ್ದು, ಈ ಡಿಸ್‌ಪ್ಲೆಯು 120Hz ವರೆಗೆ ರಿಫ್ರೆಶ್ ರೇಟ್, 300Hz ವರೆಗೆ ಟಚ್ ಸ್ಯಾಂಪ್ಲಿಂಗ್ ರೇಟ್, 3,500 nits ವರೆಗೆ ಗರಿಷ್ಠ ಹೊಳಪು, DCI-P3 ಬಣ್ಣದ ಗ್ಯಾಮಟ್, HDR+ ವಿಷಯ ಬೆಂಬಲ, ಡಾಲ್ಬಿ ವಿಷನ್ ಮತ್ತು Xiaomi ಶೀಲ್ಡ್ ಗ್ಲಾಸ್ 3.0 ರಕ್ಷಣೆಯನ್ನು ಹೊಂದಿದೆ. ಪರದೆಯು ವೆಟ್ ಟಚ್ ತಂತ್ರಜ್ಞಾನವನ್ನು ಸಹ ಒಳಗೊಂಡಿದೆ, ಇದುಕೈಗಳು ಒದ್ದೆಯಾಗಿದ್ದರೂ ಫೋನ್ ಸುಲಭವಾಗಿ ಫೋನ್ ಬಳಸಲು ಅನುವು ಮಾಡಿಕೊಡುತ್ತದೆ. ಇದು TÜV ರೈನ್‌ಲ್ಯಾಂಡ್ ಲೋ ಬ್ಲೂ ಲೈಟ್, ಫ್ಲಿಕರ್ ಫ್ರೀ ಮತ್ತು ಸರ್ಕಾಡಿಯನ್ ಫ್ರೆಂಡ್ಲಿ ಪ್ರಮಾಣೀಕರಣಗಳೊಂದಿಗೆ ಬರುತ್ತದೆ, ಅಂದರೆ ಕಣ್ಣಿಗೆ ಕಡಿಮೆ ಒತ್ತಡ ನೀಡುವಂತೆ ವಿನ್ಯಾಸಗೊಳಿಸಲಾಗಿದೆ.

ಕಾರ್ಯಕ್ಷಮತೆಗಾಗಿ ಈ ಫೋನ್‌ನಲ್ಲಿ ಅತ್ಯಾಧುನಿಕ Snapdragon 8 Elite Gen 5 ಪ್ರೊಸೆಸರ್ ನೀಡಲಾಗಿದೆ. 3nm ತಂತ್ರಜ್ಞಾನದಲ್ಲಿ ನಿರ್ಮಿತವಾಗಿರುವ ಈ ಚಿಪ್‌ಸೆಟ್ 4.6GHz ಗರಿಷ್ಠ ಕ್ಲಾಕ್ ವೇಗವನ್ನು ನೀಡುವ ಎರಡು ಕಾರ್ಯಕ್ಷಮತೆಯ ಕೋರ್‌ಗಳು ಮತ್ತು 3.62GHz ನಲ್ಲಿ ಆರು ದಕ್ಷತೆಯ ಕೋರ್‌ಗಳನ್ನು ಒಳಗೊಂಡಿದೆ. ಅಡ್ರಿನೊ GPU ಮತ್ತು Qualcomm AI ಎಂಜಿನ್ ಅನ್ನು ಸಹ ಒಳಗೊಂಡಿರುವ ಈ ಫೋನ್‌ನಲ್ಲಿ 16GB LPDDR5X RAM ಹಾಗೂ 512GB UFS 4.1 ಸ್ಟೋರೇಜ್ ನೀಡಲಾಗಿದೆ. ಇದರಿಂದ ಹೈಎಂಡ್ ಗೇಮಿಂಗ್, ಮಲ್ಟಿಟಾಸ್ಕಿಂಗ್ ಮತ್ತು AI ಆಧಾರಿತ ಕಾರ್ಯಗಳು ಅತ್ಯಂತ ವೇಗವಾಗಿ ನಡೆಯುವ ಭರವಸೆ ತಂದಿದೆ. ಜೊತೆಗೆ ಈ ಫೋನ್ IP68 ರೇಟಿಂಗ್ ಹೊಂದಿದ್ದು, ನೀರು ಮತ್ತು ಧೂಳಿನಿಂದ ಅತ್ಯುತ್ತಮ ರಕ್ಷಣೆ ನೀಡುತ್ತದೆ.

ಕ್ಯಾಮೆರಾ ವಿಭಾಗವೇ ಈ Xiaomi 17 Ultra ಫೋನ್‌ನ ಪ್ರಮುಖ ಹೈಲೈಟ್ ಆಗಿದೆ. ಜೊತೆಗೆ ಅಭಿವೃದ್ಧಿಪಡಿಸಿದ ಟ್ರಿಪಲ್ ರಿಯರ್ ಕ್ಯಾಮೆರಾ ವ್ಯವಸ್ಥೆಯನ್ನು Xiaomi ನೀಡಿದೆ. ಇದರಲ್ಲಿ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ 1-ಇಂಚಿನ ದೊಡ್ಡ ಸೆನ್ಸರ್‌ನೊಂದಿಗೆ ಬರುತ್ತದೆ.ಲೈಕಾದ 1-ಇಂಚಿನ LOFIC ಸಂವೇದಕವನ್ನು ಹೊಂದಿರುವ ವಿಶ್ವದ ಮೊದಲ ಫೋನ್ ಇದಾಗಿದ್ದು, ಇದರಿಂದ ಕಡಿಮೆ ಬೆಳಕಿನಲ್ಲಿಯೂ ಸ್ಪಷ್ಟ ಮತ್ತು ನೈಸರ್ಗಿಕ ಫೋಟೋಗಳನ್ನು ಪಡೆಯಬಹುದು. ಜೊತೆಗೆ 200 ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾ 120x ಡಿಜಿಟಲ್ ಜೂಮ್ ಬೆಂಬಲಿಸುತ್ತದೆ. ಇದಲ್ಲದೆ 50 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ವಿಶಾಲ ದೃಶ್ಯವನ್ನು ಸೆರೆಹಿಡಿಯಲು ಸಹಾಯ ಮಾಡುತ್ತದೆ. ಸೆಲ್ಫಿ ಮತ್ತು ವಿಡಿಯೋ ಕಾಲ್‌ಗಳಿಗೆ ಮುಂಭಾಗದಲ್ಲಿ 50 ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ. ಈ ಫೋನ್ ಮೂಲಕ 8K ವಿಡಿಯೋ ರೆಕಾರ್ಡಿಂಗ್ ಸಹ ಮಾಡಬಹುದು.

ಬ್ಯಾಟರಿ ವಿಚಾರದಲ್ಲಿ Xiaomi 17 Ultra ಶಕ್ತಿಶಾಲಿ 6,000mAh ಬ್ಯಾಟರಿ ಹೊಂದಿದೆ. ಇದು 90W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲಿಸುತ್ತದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, Wi-Fi 7, Bluetooth 6, NFC ಮತ್ತು NavIC ಸೇರಿವೆ. ಭದ್ರತೆಗೆ ಅಲ್ಟ್ರಾಸೋನಿಕ್ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್ ಹಾಗೂ AI Face Lock ವ್ಯವಸ್ಥೆ ಹಾಗೂ ಇ-ದಿಕ್ಸೂಚಿ ಮತ್ತು IR ಬ್ಲಾಸ್ಟರ್ ಅನ್ನು ನೀಡಲಾಗಿದೆ. ಫೋನ್ 162.9x77.6x8.29mm ಅಳತೆ ಮತ್ತು ಸುಮಾರು 219g ತೂಗುತ್ತದೆ. ಒಟ್ಟಿನಲ್ಲಿ, ಪ್ರೀಮಿಯಂ ಕ್ಯಾಮೆರಾ ವ್ಯವಸ್ಥೆ, ಶಕ್ತಿಶಾಲಿ ಪ್ರೊಸೆಸರ್ ಮತ್ತು ದೊಡ್ಡ ಬ್ಯಾಟರಿಯೊಂದಿಗೆ Xiaomi 17 Ultra ಭಾರತದಲ್ಲಿ ಫ್ಲ್ಯಾಗ್‌ಶಿಪ್ ಸ್ಮಾರ್ಟ್‌ಫೋನ್ ವಿಭಾಗದಲ್ಲಿ ಗಮನ ಸೆಳೆಯುವ ಸಾಧನವಾಗಲಿದೆ. ವಿಶೇಷವಾಗಿ ಫೋಟೋಗ್ರಫಿ ಪ್ರಿಯರು ಮತ್ತು ಹೈಎಂಡ್ ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಇದು ಆಕರ್ಷಕ ಆಯ್ಕೆಯಾಗಬಹುದು.