ಶಿಯೋಮಿ ಭಾರತದ ನಂ.1 ಮೊಬೈಲ್ ಕಂಪೆನಿ ಆಗಿದ್ದೇಗೆ!?..ಭವಿಷ್ಯದಲ್ಲಿಯೂ ಮಣಿಸಲು ಸಾಧ್ಯವಿಲ್ಲವೇ?!

ಶೇ 25ರಷ್ಟು ಪಾಲು ಶಿಯೋಮಿಗೆ!!

ಕೌಂಟರ್‌ಪಾಯಿಂಟ್‌ ರಿಸರ್ಚ್‌ ಸಂಸ್ಥೆಯ ವರದಿ ಪ್ರಕಾರ, ಕಳೆದ ವರ್ಷ ಕೇವಲ ಶೇ 9ರಷ್ಟಿದ್ದ ಮಾರುಕಟ್ಟೆ ಪಾಲನ್ನು ಈ ವರ್ಷದ ನಾಲ್ಕನೇ ತ್ರೈಮಾಸಿಕದ ವೇಳೆಗೆ ಶೇ 25ರಷ್ಟಕ್ಕೆ ಹೆಚ್ಚಿಸಿಕೊಂಡಿದೆ. ಇದೇ ವೇಳೆ ಅಕ್ಟೋಬರ್‌ - ಡಿಸೆಂಬರ್‌ ತ್ರೈಮಾಸಿಕದಲ್ಲಿ ಸ್ಯಾಮ್ಸಂಗ್‌ನ ಮಾರುಕಟ್ಟೆ ಪಾಲು ಶೇ 24 ರಿಂದ ಶೇ 23ಕ್ಕೆ ಇಳಿಕೆಯಾಗಿದೆ.!!

ಬಜೆಟ್ ಫೋನ್‌ಗಳಿಂದ ಹೆಸರು!!

ಭಾರತದ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಶಿಯೋಮಿ ಈ ಪರಿ ಹೆಸರು ಗಳಿಸಲು ಕಾರಣವೇ ಬಜೆಟ್ ಫೋನ್‌ಗಳು. ಶಿಯೋಮಿಯ ರೆಡ್‌ಮಿ ನೋಟ್ 4 ಸ್ಮಾರ್ಟ್‌ಫೋನ್ ಭಾರತದಲ್ಲಿಯೇ ಅತ್ಯಂತ ಹೆಚ್ಚು ಸೇಲ್ ಆದ ಸ್ಮಾರ್ಟ್‌ಫೋನ್ ಎಂಬ ಹೆಸರುಗಳಿಸಿದ್ದು ಇದಕ್ಕೊಂದು ಉದಾಹರಣೆ!!

ಆನ್‌ಲೈನ್ ಮಾರುಕಟ್ಟೆ ಪ್ರಭಾವ!!

ಶಿಯೋಮಿ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಭಾರತದಲ್ಲಿ ನಂಬರ್ ಒನ್ ಆಗಲು ಕಾರಣ ಆನ್‌ಲೈನ್ ಮಾರುಕಟ್ಟೆ ಪ್ರಭಾವ ಎನ್ನಲಾಗಿದೆ. ಅತ್ಯಂತ ಕಡಿಮೆ ಬೆಲೆಯಲ್ಲಿ ಆನ್‌ಲೈನ್ ಮಾರುಕಟ್ಟೆಯ ಮೂಲಕ ಜನರನ್ನು ತಲುಪಿದ ಶಿಯೋಮಿ ಗ್ರಾಹಕರ ಆಕಾಂಕ್ಷೆಗಳನ್ನು ಪೂರೈಸಿತು.!!

ಆಕ್ರಮಣಕಾರಿ ಬೆಲೆ ನೀತಿ ಕಾರಣ!!

ಶಿಯೋಮಿ ತನ್ನ ಆಕ್ರಮಣಕಾರಿ ಬೆಲೆ ನೀತಿ, ಪರಿಣಾಮಕಾರಿಯಾದ ವಿಸ್ತರಣಾ ನೀತಿಯಿಂದ ತನ್ನ ವಹಿವಾಟನ್ನು ಗಮನಾರ್ಹವಾಗಿ ಹೆಚ್ಚಿಸಿಕೊಂಡಿದೆ. ಇದರಿಂದಾಗಿಯೇ ದೀರ್ಘಕಾಲದಿಂದ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿದ್ದ ಸ್ಯಾಮ್ಸಂಗ್‌ ಹಿಂದಿಕ್ಕಲು ಸಾಧ್ಯವಾಗಿದೆ' ಎಂದು ಕೌಂಟರ್‌ಪಾಯಿಂಟ್‌ನ ಸಂಶೋಧನಾ ನಿರ್ದೇಶಕ ತರುಣ್ ‍ಪಾಠಕ್ ಹೇಳಿದ್ದಾರೆ.

6 ವರ್ಷದ ನಂತರ ಎರಡನೇ ಸ್ಥಾನಕ್ಕೆ!!

ಚೀನಾದ ಮೊಬೈಲ್‌ ತಯಾರಿಕಾ ಸಂಸ್ಥೆ ಶಿಯೋಮಿ, ದಕ್ಷಿಣ ಕೊರಿಯಾದ ಸ್ಯಾಮ್ಸಂಗ್‌ ಹಿಂದಿಕ್ಕಿ ದೇಶದ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಮೊದಲ ಸ್ಥಾನಕ್ಕೇರಿದೆ ಎಂದು ಹಲವು ವರದಿಗಳಲ್ಲಿ ಹೇಳಲಾಗಿದೆ. ಆದರೆ, ತಾನು ಈಗಲೂ ಭಾರತದಲ್ಲಿ ಮಾರಾಟವಾಗುವ ಸ್ಮಾರ್ಟ್‌ಫೋನ್‌ಗಲ್ಲಿ ಮೊದಲ ಸ್ಥಾನದಲ್ಲಿಯೇ ಇರುವುದಾಗಿ ಸ್ಯಾಮ್ಸಂಗ್‌ ಹೇಳಿಕೊಂಡಿದೆ.!!

ಯಾವುದೇ Xiaomi ಫೋನ್‌ಗಳಲ್ಲಿ Multi Window Screen ಬಳಕೆ ಹೇಗೆ?

ಭವಿಷ್ಯದ ದಿಗ್ಗಜ ಶಿಯೋಮಿ?

ಮೊದಲೇ ಹೇಳಿದಂತೆ ಶಿಯೋಮಿ ಈಗಾಗಲೇ ಭಾರತದಲ್ಲಿ ಅತ್ಯಂತ ಜನಪ್ರಿಯ ಬ್ರ್ಯಾಂಡ್ ಆಗಿ ಹೊರಹೊಮ್ಮಿದೆ. ಮೊಬೈಲ್ ಬ್ಯಾಟರಿ ಸ್ಪೋಟದಂತಹ ಕೆಲವು ಘಟನೆಗಳು ಜರುಗಿದರೂ ಸಹ ಸ್ಮಾರ್ಟ್‌ಫೋನ್ ಪ್ರಿಯರನ್ನು ಸೆಳೆಯುವಲ್ಲಿ ಕಂಪೆನಿ ಸಫಲವಾಗಿದೆ.ಹಾಗಾಗಿ, ಇನ್ನು ಸ್ವಲ್ಪ ವರ್ಷಗಳ ಕಾಲ ಶಿಯೋಮಿಯನ್ನು ಹಿಡಿಯಲು ಯಾರಿಗೂ ಸಾಧ್ಯವಿಲ್ಲ ಎನ್ನಬಹುದು.!!