ಇದು ವಿಶ್ವದ ಮೊದಲ 5G ಮತ್ತು 10GB RAM ಸ್ಮಾರ್ಟ್‌ಫೋನ್!..ಬೆಲೆ ಎಷ್ಟು?

ಶಿಯೋಮಿ ಮಿ ಮಿಕ್ಸ್ 3!

ವಿಶ್ವದ ಮೊದಲ 5G ತಂತ್ರಜ್ಞಾನ ಹಾಗೂ 10GB RAM ಹೊಂದಿರುವ ಸ್ಮಾರ್ಟ್‌ಪೋನ್ ಆಗಿ ಶಿಯೋಮಿ ಕಂಪೆನಿ ಶಿಯೋಮಿ ಮಿ ಮಿಕ್ಸ್ 3 ಸ್ಮಾರ್ಟ್‌ಫೋನ್ ಹೊರಹೊಮ್ಮಲಿದೆ. ಶಿಯೋಮಿ ಕಂಪೆನಿ ಈ ಬಗ್ಗೆ ಅಧಿಕೃತ ಪ್ರಕಟಣೆಯನ್ನು ಹೊರಡಿಸಿರುವುದಲ್ಲದೇ, ಮಿ ಮಿಕ್ಸ್ 3 ಸ್ಮಾರ್ಟ್‌ಫೋನ್ ಹೇಗಿರಲಿದೆ ಎಂಬ ವಿಡಿಯೋವನ್ನು ಸಹ ಬಿಡುಗಡೆ ಮಾಡಿ ಕುತೋಹಲ ಮೂಡಿಸಿದೆ.

ಡಿಸ್‌ಪ್ಲೇ ಮತ್ತು ವಿನ್ಯಾಸ

ಶಿಯೋಮಿ ಮಿ ಮಿಕ್ಸ್ 3 ಸ್ಮಾರ್ಟ್‌ಫೋನ್ 1080x2340 ಪಿಕ್ಸೆಲ್ ರೆಸಲ್ಯೂಶನ್‌ ಸಾಮರ್ಥ್ಯದ 19.5:9ರ ಆಕಾರ ಅನುಪಾತದ ಡಿಸ್‌ಪ್ಲೇಯನ್ನು ಹೊಂದಿರಲಿದೆ ಎಂದು ಗಿಜ್‌ಚೈನಾ ರಿಪೋರ್ಟ್ ಹೇಳಿದೆ. ನೋಚ್ ಡಿಸ್‌ಪ್ಲೇ, ಬೆಜೆಲ್ ಲೆಸ್‌ ಡಿಸೈನ್ ಹೊಂದಿರಲಿರುವ ಸ್ಮಾರ್ಟ್‌ಫೋನ್ 6 ಇಂಚಿನ ಡಿಸ್‌ಪ್ಲೇ ಹೊಂದಿರಲಿದೆ ಎಂದು ವರದಿಯಲ್ಲಿ ಸ್ಪಷ್ಟಪಡಿಸಲಾಗಿದೆ.

ಪ್ರೊಸೆಸರ್ ಯಾವುದು?

5G ತಂತ್ರಜ್ಞಾನ ಹಾಗೂ 10GB RAM ಹೊತ್ತು ಮಾರುಕಟ್ಟೆಗೆ ಕಾಲಿಡುತ್ತಿರುವ ಶಿಯೋಮಿ ಮಿ ಮಿಕ್ಸ್ 3 ಸ್ಮಾರ್ಟ್‌ಫೋನಿನಲ್ಲಿ ಸ್ನ್ಯಾಪ್‌ಡ್ರಾಗನ್ 845 Soc ಚಿಪ್‌ಸೆಟ್ ಅನ್ನು ಹೊಂದಿರಲಿದೆ ಎಂದು ಹೇಳಲಾಗಿದೆ. ಆದರೆ, 5G ತಂತ್ರಜ್ಞಾನ ಹಾಗೂ 10GB RAMಗೆ ಸ್ನ್ಯಾಪ್‌ಡ್ರಾಗನ್ 845 Soc ಹೇಗೆ ಸಪೋರ್ಟ್ ಆಗಲಿದೆ ಎಂಬುದರ ಮಾಹಿತಿ ಈವರೆಗೂ ಸಿಕ್ಕಿಲ್ಲ.

ಇತರೆ ಏನೆಲ್ಲಾ ಫೀಚರ್ಸ್?

5G ತಂತ್ರಜ್ಞಾನ ಹಾಗೂ 10GB RAM ಸ್ಮಾರ್ಟ್‌ಪೊನಿನಲ್ಲಿ ಇರುವ ವಿಶೇಷ ಫೀಚರ್ಸ್‌ಗಳಾದರೆ, ಫಿಂಗರ್‌ಪ್ರಿಂಟ್ ಬದಲಿಗೆ ಅತ್ಯುನ್ನತ ಫೇಸ್‌ಲಾಕ್ ತಂತ್ರಜ್ಞಾನ, 19.5:9ರ ಆಕಾರ ಅನುಪಾತದ ಡಿಸ್‌ಪ್ಲೇ ಹಾಗೂ ಸ್ಮಾರ್ಟ್‌ಪೋನಿನ ಕ್ಯಾಮೆರಾಗಳ ಬಗ್ಗೆ ಕೂಡ ಶಿಯೋಮಿ ನಿರೀಕ್ಷೆ ಹುಟ್ಟಿಸಿದೆ. ಆದರೆ, ಈ ಬಗ್ಗೆ ಯಾವುದೇ ಮಾಹಿತಿಯನ್ನು ಸಹ ಬಿಡದೆ ಕಾಪಾಡಿಕೊಂಡಿದೆ.

ಸ್ಮಾರ್ಟ್‌ಪೋನ್ ಬೆಲೆ ಎಷ್ಟು?

ಗಿಜ್‌ಚೈನಾ ವೆಬ್‌ಸೈಟ್ ವರದಿ ಮಾಡಿರುವಂತೆ, 6 ಜಿಬಿ RAM + 128 ಜಿಬಿ ರೂಪಾಂತರ ಮಿ ಮಿಕ್ಸ್ 3 ಸ್ಮಾರ್ಟ್‌ಫೋನ್ ಬೆಲೆ $ 510 (ರೂ .37,500 ಅಂದಾಜು) ಪ್ರಾರಂಭವಾಗಲಿದೆ ಎಂದು ಹೇಳಿದೆ. 8GB RAM + 128GB ರೂಪಾಂತರಕ್ಕಾಗಿ $ 600 (ರೂ. 44,200 ಅಂದಾಜು.) ಎಂದು ಹೇಳಿದ್ದು, 10 ಜಿಬಿ RAM ರೂಪಾಂತರದ ಬೆಲೆ ಬಗ್ಗೆ ಈ ವರೆಗೂ ಏನೂ ತಿಳಿದುಬಂದಿಲ್ಲ.