ಆಪಲ್ ಐಪ್ಯಾಡ್ ಗೆ ಸೆಡ್ಡು ಹೊಡೆಯವ ಪ್ಯಾಡ್ ಮಾರುಕಟ್ಟೆಗೆ..! ಬೆಲೆ ಕೇಳಿದ್ರೆ ಶಾಕ್..!

ವಿಶೇಷತೆಗಳು

ಆಂಡ್ರಾಯ್ಡ್ ನಲ್ಲಿ ಕಾರ್ಯನಿರ್ವಹಿಸುವ ಶಿಯೋಮಿ Mi ಪ್ಯಾಡ್ 4ನಲ್ಲಿ MIUI 9 ಕಾಣಬಹುದಾಗಿದ್ದು, ಶೀಘ್ರವೇ ಆಪ್ ಡೇಟ್ ಸಹ ಪಡೆದುಕೊಳ್ಳಲಿದೆ. ಇದಲ್ಲದೇ ಆಕ್ಟಾ ಕೋರ್ ಕ್ವಾಲ್ಕಮ್ ಸ್ನಾಪ್ ಡ್ರಾಗನ್ 660 ಪ್ರೋಸೆಸರ್ ಸಹ ಕಾಣಬಹುದಾಗಿದೆ. ಇದರಿಂದಾಗಿ ಈ ಟಾಪ್ ವೇಗವಾಗಿ ಕಾರ್ಯನಿರ್ವಹಿಸಲಿದೆ.

ಡಿಸ್ ಪ್ಲೇ

Mi ಪ್ಯಾಡ್ 4ನಲ್ಲಿ 8 ಇಂಚಿನ ಡಿಸ್ ಪ್ಲೇಯನ್ನು ಕಾಣಬಹುದಾಗಿದ್ದು, ಇದು FHD ಗುಣಮಟ್ಟದ ಡಿಸ್ ಪ್ಲೇಯಾಗಿದೆ. ಇದಲ್ಲಿ ಗೇಮ್ ಆಡುವ ಅನುಭವ ಮತ್ತು ವಿಡಿಯೋ ನೋಡುವ ಅನುಭವವು ಉತ್ತಮವಾಗಿಯೇ ಇದೆ ಎನ್ನಬಹುದು. 16:10 ಅನುಪಾತದಲ್ಲಿ ಇರುವ ಡಿಸ್ ಪ್ಲೇಯನ್ನು Mi ಪ್ಯಾಡ್ 4ನಲ್ಲಿನಲ್ಲಿ ಕಾಣಬಹುದು.

ಕ್ಯಾಮೆರಾ

Mi ಪ್ಯಾಡ್ 4ನಲ್ಲಿ ಉತ್ತಮ ಗುಣಮಟ್ಟದ 13 MP ಕ್ಯಾಮೆರಾವನ್ನು ನೀಡಲಾಗಿದ್ದು, ಇದು HDR ಮೋಡ್ ನಲ್ಲಿ ಫೋಟೋಗಳನ್ನು ಕ್ಲಿಕ್ ಮಾಡಲು ಶಕ್ತವಾಗಿದೆ. ಇದೇ ಮಾದರಿಯಲ್ಲಿ ಮುಂಭಾಗದಲ್ಲಿ 5 MP ಕ್ಯಾಮೆರಾವನ್ನು ನೀಡಲಾಗಿದೆ. ಇದು ಉತ್ತಮ ಗುಣಮಟ್ಟದ ಫೋಟೊಗಳನ್ನು ಸೆರೆಹಿಡಿಯಲು ಶಕ್ತವಾಗಿದೆ.

ಎರಡು ಆವೃತ್ತಿಯಲ್ಲಿ ಮಾರಾಟ

ಚೀನಾ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡಿರುವ ಶಿಯೋಮಿ Mi ಪ್ಯಾಡ್ 4 ಎರಡು ಆವೃತ್ತಿಯಲ್ಲಿ ಮಾರಾಟವಾಗಲಿದೆ. 3 GB RAM ಮತ್ತು 32 GB ಇಂಟರ್ನಲ್ ಮೆಮೊರಿಯೊಂದಿಗೆ ಒಂದು ಆವೃತ್ತಿ, ಮತ್ತೊಂದು ಆವೃತ್ತಿ 4 GB RAM ಮತ್ತು 64 GB ಇಂಟರ್ನಲ್ ಮೆಮೊರಿಯೊಂದಿಗೆ ಮಾರಾಟವಾಗುತ್ತಿದೆ. ಇದಲ್ಲದೇ ಇನ್ ಬಿಲ್ಟ್ WiFi ಮತ್ತು LTE ಆವೃತ್ತಿ ಸಹ ಲಭ್ಯವಿದೆ.

ಬೆಲೆಗಳು

ಶಿಯೋಮಿ Mi ಪ್ಯಾಡ್ 4 ಮೂರು ಮಾದರಿಯಲ್ಲಿ ಮಾರಾಟವಾಗಲಿದೆ. 3 GB RAM ಮತ್ತು 32 GB ಇಂಟರ್ನಲ್ ಮೆಮೊರಿಯ ಇನ್ ಬಿಲ್ಟ್ WiFi ಆಯ್ಕೆಯ ಹೊಂದಿರುವ Mi ಪ್ಯಾಡ್ 4 ರೂ.11,500ಕ್ಕೆ ಮಾರಾಟವಾಗಲಿದೆ. ಇದೇ ಮಾದರಿಯಲ್ಲಿ 4 GB RAM ಮತ್ತು 64 GB ಇಂಟರ್ನಲ್ ಮೆಮೊರಿಯ ಆವೃತ್ತಿ ರೂ. 14,600ಕ್ಕೆ ದೊರೆಯಲಿದೆ. 4 GB RAM ಮತ್ತು 64 GB ಇಂಟರ್ನಲ್ ಮೆಮೊರಿಯೊಂದಿಗೆ ಇನ್ ಬಿಲ್ಟ್ WiFi ಮತ್ತು LTE ಆಯ್ಕೆಯೂ ರೂ.15,600ಕ್ಕೆ ಮಾರಾಟವಾಗುತ್ತಿದೆ.