ಸ್ಯಾಮ್‌ಸಂಗ್‌ಗೇ ಸೆಡ್ಡು! Xiaomi MIX Flip ಫೋನ್ ಬಿಡುಗಡೆ: ಪ್ರಮುಖ ಕಾರಣವೇನು ಗೊತ್ತೇ?

Xiaomi MIX Flip Launched: ದಿ ವೇಟ್ ಈಸ್ ಓವರ್..! ಅಂತೂ ಇಂತೂ ಶಿಯೋಮಿಯ (Xiaomi) ಹೊಚ್ಚ ಹೊಸ ಫೋನ್ ಗ್ರ್ಯಾಂಡ್‌ ಎಂಟ್ರಿ ಕೊಟ್ಟಿದೆ. ಹೌದು, ಶಿಯೋಮಿ ಬ್ರ್ಯಾಂಡ್‌ ಚೀನಾದಲ್ಲಿ ನಡೆದ ಈವೆಂಟ್‌ನಲ್ಲಿ ತನ್ನ ಮಿಕ್ಸ್‌ ಫ್ಲಿಪ್ (Xiaomi MIX Flip) ಫೋಲ್ಡಬಲ್ ಫೋನ್‌ ಬಿಡುಗಡೆ ಮಾಡಿದೆ. ಇದು ಕಂಪನಿಯ ಮೊದಲ ಫ್ಲಿಪ್ ಫೋಲ್ಡಬಲ್ ಫೋನ್ ಆಗಿದೆ. ಶಿಯೋಮಿ ಮಿಕ್ಸ್‌ ಫ್ಲಿಪ್ ಫೋನ್ ಮಾರುಕಟ್ಟೆಯಲ್ಲಿನ Samsung Galaxy Z Flip 6, Vivo X Flip, Oppo Find N3 Flip 3 ಸೇರಿದಂತೆ ಇತರ ಸ್ಮಾರ್ಟ್​ಫೋನ್‌ಗಳಿಗೆ ಸೆಡ್ಡು ಹೊಡೆಯಲು ಸಿದ್ಧವಾಗಿದೆ.

ಫೋನ್‌ನ ದೊಡ್ಡ ವೈಶಿಷ್ಟ್ಯವೆಂದರೆ ಶಿಯೋಮಿ ಮಿಕ್ಸ್‌ ಫ್ಲಿಪ್ ದೊಡ್ಡ 4.01 ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಈ ವಿಭಾಗದಲ್ಲಿ ದೊಡ್ಡದಾಗಿದೆ. ಇದು ಎಲ್ಲಾ ಕಡೆಗಳಲ್ಲಿ ಒಂದೇ ರೀತಿಯ ಬೆಜೆಲ್‌ಗಳಿಂದ ಆವೃತವಾಗಿದೆ. ಕವರ್ ಡಿಸ್‌ಪ್ಲೇ 120Hz ರಿಫ್ರೆಶ್ ರೇಟ್, 1.5K ರೆಸಲ್ಯೂಶನ್ ಮತ್ತು 3000nits ಗರಿಷ್ಠ ಬ್ರೈಟ್‌ನೆಸ್‌ನೊಂದಿಗೆ ಬರುತ್ತದೆ. ಕಂಪನಿಯು ಕಣ್ಣಿನಿಂದ ರಕ್ಷಿಸಲು ಇದನ್ನು ಡ್ರಾಗನ್‌ ಕ್ರಿಸ್ಟಲ್ ಗ್ಲಾಸ್‌ನೊಂದಿಗೆ ಲೇಪಿಸಿದೆ.

ಹೆಚ್ಚುವರಿಯಾಗಿ, ಮುಂಭಾಗದ ಡಿಸ್‌ಪ್ಲೇಯಲ್ಲಿ ಮೀಸಲಾದ ಇಯರ್‌ಪೀಸ್ ಮತ್ತು ಮೇಲ್ಬಾಗದ ಅಂಚಿನ ಮೇಲೆ ಮೈಕ್ರೋಫೋನ್ ಸಹ ಇದೆ. ಇದು ಬಳಕೆದಾರರಿಗೆ ಫೋನ್ ತೆರೆಯದೆ ಕರೆಗಳನ್ನು ಮಾಡಲು ಅನುಮತಿಸುತ್ತದೆ. ಇದು ಸ್ಮಾರ್ಟ್ ವಿಭಾಗಗಳು, ಪೂರ್ಣ ಡಿಸ್‌ಪ್ಲೇಯ ಫೋಟೋಗ್ರಫಿ ಮತ್ತು ಇತರ ವೈಶಿಷ್ಟ್ಯಗಳೊಂದಿಗೆ ಪೂರ್ಣ ಗಾತ್ರದ ಕೀಬೋರ್ಡ್ ಅನ್ನು ಸಹ ಬೆಂಬಲಿಸುತ್ತದೆ.

ತುಂಬಾ ಹಗುರವಾದ ಡಿಸ್‌ಪ್ಲೇ

ಫೋನ್ 6.86 ಇಂಚಿನ ಮುಖ್ಯ ಡಿಸ್‌ಪ್ಲೇಯನ್ನು ಹೊಂದಿದೆ. ಇಅದರ ರೆಸಲ್ಯೂಶನ್, ರಿಫ್ರೆಶ್ ದರ ಮತ್ತು ಗರಿಷ್ಠ ಬ್ರೈಟ್‌ನೆಸ್‌ ಕವರ್ ಡಿಸ್‌ಪ್ಲೇಯಂತೆಯೇ ಇರುತ್ತದೆ. ಫೋನ್‌ ಪವರ್ ಬಟನ್ ಸೈಡ್-ಮೌಂಟೆಡ್ ಫಿಂಗ‌ಪ್ರಿಂಟ್ ಸ್ಕ್ಯಾನ‌ರ್ ಆಗಿಯೂ ಕಾರ್ಯನಿರ್ವಹಿಸುತ್ತದೆ. ಇದು ಸಾಕಷ್ಟು ಹಗುರವಾಗಿದೆ ಮತ್ತು ಕೇವಲ 192 ಗ್ರಾಂ ತೂಕವಿದೆ. ಮಡಿಸಿದಾಗ, ಇದರ ದಪ್ಪವು 15.99 ಮಿಮೀ ಆಗುತ್ತದೆ. ಓಪನ್ ಮಾಡಿದಾಗ ಇದರ ದಪ್ಪವು 7.8 ಮಿಮೀ ಆಗುತ್ತದೆ.

ಸೆಲ್ಪಿಗಾಗಿ 32 ಮೆಗಾಪಿಕ್ಸೆಲ್ ಕ್ಯಾಮೆರಾ

ಕ್ಯಾಮೆರಾದ ಬಗ್ಗೆ ಹೇಳುವುದಾದರೆ, ಶಿಯೋಮಿ ಮಿಕ್ಸ್‌ ಫ್ಲಿಪ್‌ ಫೋನ್ ಹಿಂಭಾಗದಲ್ಲಿ ಲೈಕಾ ಬ್ರಾಂಡ್ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದು OIS ನೊಂದಿಗೆ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಸಂವೇದಕವನ್ನು ಮತ್ತು 2x ಜೂಮ್‌ನೊಂದಿಗೆ 50 ಮೆಗಾಪಿಕ್ಸೆಲ್ ತೇಲುವ ಟೆಲಿಫೋಟೋ ಕ್ಯಾಮೆರಾವನ್ನು ಒಳಗೊಂಡಿದೆ. ಇಂಟರ್ನಲ್ ಡಿಸ್‌ಪ್ಲೇಯು 32 ಮೆಗಾಪಿಕ್ಸೆಲ್ ಸೆಲ್ಪಿ ಕ್ಯಾಮೆರಾವನ್ನು ಪಂಚ್-ಹೋಲ್ ಕಟೌಟ್‌ನಲ್ಲಿ ಇರಿಸಲಾಗಿದೆ. ಫೋನ್ ಮಾಸ್ಟರ್ ಪೋಟ್ರೇಟ್ ಮೋಡ್ ಜೊತೆಗೆ ನಾಲ್ಕು ಫೋಕಲ್ ಲೆಂತ್‌ಗಳಲ್ಲಿ ಶೂಟ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.

ಬ್ಯಾಟರಿ ಮತ್ತು ಪ್ರೊಸೆಸರ್ ಎಲ್ಲಾ ಸೂಪರ್

ಶಿಯೋಮಿ ಮಿಕ್ಸ್‌ ಫ್ಲಿಪ್ ಫೋನ್ Snapdragon 8 Gen 3 ಪ್ರೊಸೆಸರ್‌ ಅನ್ನು ಹೊಂದಿದೆ. ಇದು 16GB LPDDR5 RAM ಮತ್ತು 1TB UFS 4.0 ಸ್ಟೋರೇಜ್‌ನೊಂದಿಗೆ ಬರುತ್ತದೆ. ಇದು 3D VC ಚೇಂಬ‌ರ್ ಅನ್ನು ಹೊಂದಿದೆ. ಫ್ಲಿಪ್ ಫೋನ್ 4780mAh ಸಾಮರ್ಥ್ಯದ ಬ್ಯಾಟರಿಯನ್ನು 67W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಪ್ಯಾಕ್ ಮಾಡುತ್ತದೆ. ಸಾಫ್ಟ್‌ವೇರ್‌ಗೆ ಸಂಬಂಧಿಸಿದಂತೆ, ಈ ಫೋನ್ ಹೈಪರ್‌ಒಎಸ್ ಆಧಾರಿತ ಆಂಡ್ರಾಯ್ಡ್ 14ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಶಿಯೋಮಿ ಮಿಕ್ಸ್‌ ಫ್ಲಿಪ್ ಬೆಲೆ ಎಷ್ಟು?

ಶಿಯೋಮಿ ಮಿಕ್ಸ್‌ ಫ್ಲಿಪ್ ಅನ್ನು ಬಿಳಿ, ನೇರಳೆ ಮತ್ತು ಕಪ್ಪು ಬಣ್ಣಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಇದರ 12GB + 256GB ಸ್ಟೋರೇಜ್‌ನ ಬೆಲೆ ಸುಮಾರು 69,085 ರೂ. (CNY 5,999) ಇದೆ. 12GB + 512GB ಸ್ಟೋರೇಜ್‌ ಮಾದರಿಯು ಸುಮಾರು 74,845 ರೂ. (CNY 6,499) ಮತ್ತು ಟಾಪ್ ಎಂಡ್ 19GB+1TB22GB ಮಾದರಿಯ ಬೆಲೆ 84,060 ರೂ. (CNY 7,299) ರೂ. ಆಗಿದೆ. ಈ ಫೋನ್ ಜುಲೈ 23 ರಿಂದ ಖರೀದಿಗೆ ಲಭ್ಯವಿರುತ್ತದೆ.