ಎಚ್ಚರ..! ಆನ್ ಲೈನ್ ನಲ್ಲಿ ಶಿಯೋಮಿ ಫೋನ್ ಮಾರಾಟದ ಹೆಸರಿನಲ್ಲಿ ಉಂಡೆ ನಾಮ...!

ವೈರಲ್ ಆಗಿದೆ:

ದೇಶಿಯ ಮಾರುಕಟ್ಟೆಯಲ್ಲಿ ಶಿಯೋಮಿ ಫೇಮಸ್ ಆಗಿರುವುದನ್ನು ಹ್ಯಾಕರ್ ತಮ್ಮ ಲಾಭಕ್ಕೆ ಬಳಕೆ ಮಾಡಿಕೊಳ್ಳುತ್ತಿದ್ದು, ರೂ.13899ಕ್ಕೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿರುವ ರೆಡ್ಮಿ 6 ಪ್ರೋ ಸ್ಮಾರ್ಟ್ ಫೋನ್ ಅನ್ನು ರೂ.499ಕ್ಕೆ ಲಭ್ಯ ಎನ್ನುವ ಪೋಸ್ಟ್ ವೊಂದು ಫೇಸ್ ಬುಕ್ ನಲ್ಲಿ ವೈರಲ್ ಆಗುತ್ತಿದೆ. ಇದನ್ನು ನೋಡಿದ ಹಲವು ಮಂದಿ ವಂಚನೆಯ ಜಾಲಕ್ಕೆ ತಮಗೆ ತಿಳಿಯದಂತೆ ಸಿಲುಕುತ್ತಿದ್ದಾರೆ.

ಹ್ಯಾಕರ್ಸ್ ತವರು:

ಇಂತಹ ನಂಬಲದಾಗದ ಆಫರ್ ನೀಡುವ ವೆಬ್ಸೈಟ್ಗಳು ಗ್ರಾಹಕರ ಡೇಟಾಗಳನ್ನು ಕದಿಯುವ ಹ್ಯಾಕರ್ಸ್ ಗಳ ತವರು ಎನ್ನಲಾಗಿದೆ.ಈ ರೀತಿಯ ಸುಳ್ಳಿನ ಲಿಂಕ್ಗಳನ್ನು ಹರಿಬಿಡುವ ಹ್ಯಾಕರ್ಸ್, ಮೊಬೈಲ್ ಖರೀದಿಸಲು ಬರುವವರ ಹೆಸರು, ಪಾಸ್ವರ್ಡ್ಗಳು, ವೈಯುಕ್ತಿ ಮಾಹಿತಿ, ಕೆಡಿಟ್ ಕಾರ್ಡ್ ವಿವರಗಳು ಮತ್ತು ಸೂಕ್ಷ್ಮ ಮಾಹಿತಿಗಳನ್ನು ಖದಿಯುತ್ತಾರೆ. ನಿಮ್ಮ ‍ಬ್ಯಾಂಕ್ ಖಾತೆಯನ್ನು ಹ್ಯಾಕ್ ಮಾಡಿ ಹಣ ಲಾಪಟಾಯಿಸುತ್ತಾರೆ.

ನಕಲಿ:

ಶಿಯೋಮಿಯ ಅಧಿಕೃತ ವೆಬ್ ಸೈಟ್ ಮಾದರಿಯಲ್ಲಿಯೇ ಕಾಣಿಸಿಕೊಳ್ಳೂವ ನಕಲಿ ವೆಬ್ ಸೈಟ್ ಗಳು ಅಧಿಕೃತ ಕಂಪನಿ ವೆಬ್ಸೈಟ್ಗಳ ರೀತಿಯಲ್ಲೇ ಲೊಗೊ ಕ್ರಿಯೆಟ್ ಮಾಡಿಕೊಂಡು ಭರ್ಜರಿ ಆಫರ್ ನೀಡುತ್ತವೆ. ಆದರೆ ಪರಿಶೀಲಿಸದೇ ಇಲ್ಲಿ ವಸ್ತುಗಳನ್ನು ಖರೀದಿಸಲು ಮುಂದಾದರೆ ನಿಮ್ಮ ಖಾತೆಗೆ ಕನ್ನ ಬೀಳುವುದು ಖಚಿತ, ನಕಲಿ ವೆಬ್ ಸೈಟಿನಲ್ಲಿ ನಿಮ್ಮ ಮಾಹಿತಿಯನ್ನು ದಾಖಲು ಮಾಡಿದರೆ ನಿವೇ ಹ್ಯಾಕರ್ ಗಳಿಗೆ ಆಹ್ವಾನ ನೀಡಿದಂತೆ.

ಸಾಧ್ಯವಿಲ್ಲ;

ಎಲ್ಲಿಯೂ ಸಹ ಇಷ್ಟು ಕಡಿಮೆ ಬೆಲೆಗೆ ಸ್ಮಾರ್ಟ್ ಫೋನ್ ಗಳನ್ನು ಮಾರಾಟ ಮಾಡಲು ಸಾಧ್ಯವಿಲ್ಲ. ಹಿನ್ನಲೆಯಲ್ಲಿ ನೀವು ಮೋಸದ ಜಾಲಕ್ಕೆ ಸಿಲುಕದೆ ಇದ್ದರೆ ಒಳ್ಳೆಯದು. ಸ್ಮಾರ್ಟ್ ಫೋನ್ ಖರೀದಿಸುವುದಾದರೆ ಅಮೆಜಾನ್ ಇಲ್ಲವೇ ಫ್ಲಿಪ್ ಕಾರ್ಟ್ ನಂತಹ ಅಧಿಕೃತ ತಾಣದಿಂದ ಖರೀದಿ ಮಾಡುವುದು ಉತ್ತಮ. ಇಲ್ಲವಾದರೆ ನಷ್ಟಕ್ಕೆ ಗುರಿಯಾಗಬೇಕಾಗುತ್ತದೆ