ಪ್ರತಿದಿನ ಮಾರಾಟವಾದ 'ರೆಡ್‌ಮಿ ನೋಟ್ 8' ಫೋನ್‌ಗಳ ಸಂಖ್ಯೆ ತಲೆತಿರುಗಿಸುತ್ತಿದೆ!

ಹೌದು, ಪ್ರತಿದಿನ 33,333 ಸಾವಿರದಷ್ಟು (30 ದಿನಗಳಲ್ಲಿ 1 ಮಿಲಿಯನ್) ಶಿಯೋಮಿ ರೆಡ್‌ಮಿ ನೋಟ್ 8 ಮತ್ತು ರೆಡ್‌ಮಿ ನೋಟ್ 8 ಪ್ರೊ ಸ್ಮಾರ್ಟ್‌ಫೋನ್‌ಗಳು ಮಾರಾಟವಾಗಿರುವ ಬಗ್ಗೆ ಶಿಯೋಮಿ ಮಾಹಿತಿ ನೀಡಿದ್ದು, ದೇಶದಲ್ಲಿ ಇದೇ ಮೊದಲ ಬಾರಿಗೆ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಒಂದು ಈ ಪರಿ ಮಾರಾಟವಾಗಿದೆ ಎಂದು ಹೇಳಲಾಗಿದೆ. ಕೇವಲ 10,000 ರೂಪಾಯಿಗಳಿಂದ ಶುರುವಾಗಿ ಗ್ರಾಹಕರ ನಿದ್ದೆಗೆಡಿಸಿದ್ದ ಶಿಯೋಮಿ ರೆಡ್‌ಮಿ ನೋಟ್ 8 ಮತ್ತು ರೆಡ್‌ಮಿ ನೋಟ್ 8 ಪ್ರೊ ಎರಡೂ ಸ್ಮಾರ್ಟ್‌ಫೋನ್‌ಗಳಿಗೆ ಭಾರತೀಯರು ಮನಸೋತಿರುವುದು ಖಚಿತವಾಗಿದೆ.

4 ಜಿಬಿ RAM + 64 ಜಿಬಿ ಸಂಗ್ರಹ ಮಾದರಿಯ ರೆಡ್ಮಿ ನೋಟ್ 8 ಬೆಲೆ 9,999 ರೂ.ಗಳಾದರೆ, 6 ಜಿಬಿ RAM + 128 ಜಿಬಿ ಮಾದರಿಯ ರೆಡ್ಮಿ ನೋಟ್ 8 ಬೆಲೆ ಕೇವಲ 12,999 ರೂ.ಗಳಾಗಿವೆ. ಹಾಗೆಯೇ, 6 ಜಿಬಿ RAM + 64 ಜಿಬಿ ಮೆಮೊರಿ ಮಾದರಿಯ ರೆಡ್ಮಿ ನೋಟ್ 8 ಪ್ರೊ 14,999 ರೂ., 6 ಜಿಬಿ RAM + 128 ಜಿಬಿ ಮಾದರಿಯ ಬೆಲೆ 15,999 ರೂ. ಮತ್ತು 8 ಜಿಬಿ RAM+ 128 ಜಿಬಿ ಸಂಗ್ರಹ ಮಾದರಿದ ಹೈ ಎಂಡ್ ಫೋನಿನ ಬೆಲೆ ಕೇವಲ 17,999 ರೂ.ಗಳಾಗಿವೆ. ಇನ್ನು ಕಳೆದ ಅಕ್ಟೋಬರ್ 21 ರಿಂದಲೇ ದೇಶದಲ್ಲಿ ಎಲ್ಲಾ ಮಾದರಿ ಫೋನ್‌ಗಳು ಮಾರಾಟಕ್ಕೆ ಬಂದಿವೆ.

ರೆಡ್‌ಮಿ ನೋಟ್ 8 ಮತ್ತು ರೆಡ್‌ಮಿ ನೋಟ್ 8 ಪ್ರೊ ಎರಡೂ ಫೋನ್‌ಗಳು ಶಕ್ತಿಯುತವಾದ ಪ್ರೊಸೆಸರ್, ನಾಲ್ಕು ಹಿಂಬದಿಯ ಕ್ಯಾಮೆರಾಗಳು ಸೇರಿದಂತೆ ಹಲವು ವಿಶೇಷ ಫೀಚರ್ಸ್ ಹೊತ್ತು ಮೊಬೈಲ್ ಮಾರುಕಟ್ಟೆಗೆ ಕಾಲಿಟ್ಟಿವೆ. ರೆಡ್‌ಮಿ ನೋಟ್ 8 ಪ್ರೊ 64 ಎಂಪಿ ಕ್ವಾಡ್-ಕ್ಯಾಮೆರಾ ಸೆಟಪ್‌ನೊಂದಿಗೆ ಬಂದಿರುವ ವಿಶ್ವದ ಮೊದಲ ಫೋನ್ ಎಂಬ ಹೆಗ್ಗಳಿಕೆಯನ್ನು ಸಹ ಪಡೆದಿದೆ. ಹಾಗಾಗಿ, ನೀವು ಕೂಡ ಕಡಿಮೆ ಬೆಲೆಯಲ್ಲಿ ಹೆಚ್ಚು ಫೀಚರ್ಸ್ ಹೊಂದಿರುವ ಸ್ಮಾರ್ಟ್‌ಫೋನ್ ಖರೀದಿಸಬೇಕು ಎಂದರೆ ಈ ಎರಡೂ ಫೋನ್‌ಗಳು ನಿಮ್ಮ ಮೊದಲ ಆಯ್ಕೆಯಾಗಬಹುದು.

ದೊಡ್ಡ ಆವೃತ್ತಿಯೊಂದಿಗೆ ಪ್ರಾರಂಭವಾಗುವ ನೋಟ್ 8 ಪ್ರೊ ಸ್ಮಾರ್ಟ್‌ಫೋನ್ 6.53-ಇಂಚಿನ ಪೂರ್ಣ-ಎಚ್‌ಡಿ + (1080x2340 ಪಿಕ್ಸೆಲ್‌ಗಳು) ಪರದೆಯನ್ನು ಹೊಂದಿದೆ. 19.5: 9 ಆಕಾರ ಅನುಪಾತ, ವಾಟರ್‌ಡ್ರಾ -ಶೈಲಿಯ ನಾಚ್ ಮತ್ತು ಗೊರಿಲ್ಲಾ ಗ್ಲಾಸ್ 5 ಅನ್ನು ಮುಂಭಾಗ ಮತ್ತು ಹಿಂಭಾಗದಲ್ಲಿ ಪ್ಯಾಕ್ ಮಾಡುತ್ತದೆ. ಶಿಯೋಮಿ ರೆಡ್ಮಿ ನೋಟ್ 8 6.39-ಇಂಚಿನ ಪೂರ್ಣ-ಎಚ್‌ಡಿ + (1080x2340 ಪಿಕ್ಸೆಲ್‌ಗಳು) ಪರದೆ ಹೊಂದಿದೆ, 90 ಪ್ರತಿಶತದಷ್ಟು ಸ್ಕ್ರೀನ್-ಟು -ಬಾಡಿ ಅನುಪಾತ ಮತ್ತು ವಾಟರ್ ಡ್ರಾಪ್ ಶೈಲಿಯ ನಾಚ್ ಅಪ್ ಫ್ರಂಟ್ ಲುಕ್ ಹೊಂದಿದೆ.