ದೇಶಕ್ಕೆ BPO ಕೆಲಸ ಇನ್ನು 10 ವರ್ಷ ಮಾತ್ರ :ವರದಿ

By Varun

Updated: Thursday, March 22, 2012, 11:44 [IST]

ದೇಶಕ್ಕೆ BPO ಕೆಲಸ ಇನ್ನು 10 ವರ್ಷ ಮಾತ್ರ :ವರದಿ

ಜಗತ್ತಿನೆಲ್ಲೆಡೆ ಆರ್ಥಿಕ ಪರಿಸ್ಥಿತಿ ಹದಗೆಟ್ಟಿದೆ. ಅದರಲ್ಲೂ ಐಟಿ ಹಾಗು ಹೊರಗುತ್ತಿಗೆ ಕೆಲಸಕ್ಕೆ ಹೊಡೆತ ಬಿದ್ದಿರುವುದು ಕಳವಳಕಾರಿ ವಿಷಯವೇ. ಭಾರತಕ್ಕೆ ಗಮನಾರ್ಹ ವಿದೇಶೀ ವಿನಿಮಯ ತಂದುಕೊಡುವ ಐಟಿ ಹಾಗು ಹೊರಗುತ್ತಿಗೆ ಆಧಾರಿತ ಸೇವೆಗಳ ಕೆಲಸಗಳೂ ಕಡಿಮೆಯಾಗಿವೆ.

ಗಾಯದ ಮೇಲೆ ತುಪ್ಪ ಸುರಿದಂತೆ ಅಮೇರಿಕಾ ಮೂಲದ ಸಲಹಾ ಮತ್ತು ಸಂಶೋಧನಾ ಸಂಸ್ಥೆ ಹ್ಯಾಕೆಟ್ ಮಾಡಿರುವ ವರದಿಯ ಪ್ರಕಾರ ಇನ್ನು 8 -10 ವರ್ಷಗಳಲ್ಲಿ ಭಾರತಕ್ಕೆ ಬರುತ್ತಿರುವ ಹೊರಗುತ್ತಿಗೆ ಕೆಲಸ ಕೊನೆಗೊಳ್ಳಲಿದೆ ಎಂದು ತಿಳಿಸಿದೆ.

ಏಕೆಂದರೆ ಭಾರತಕ್ಕೆ ಹೊರಗುತ್ತಿಗೆಯಾಗುತ್ತಿರುವ ವಿಶ್ವದ 40 % ಕೆಲಸ 2014 ರ ವೇಳೆಗೆ ಕಡಿಮೆಯಾಗಲಿದ್ದು, ಇನ್ನು 10 ವರ್ಷಗಳಲ್ಲಿ ಅಮೇರಿಕಾ ಹಾಗು ಯುರೋಪ್ ಕಂಪನಿಗಳು ಹೊರಗುತ್ತಿಗೆ ಕೊಡಲು ಕೆಲಸವೇ ಇರುವುದಿಲ್ಲವಾದರಿಂದ ಭಾರತಕ್ಕೆ ಹೊಡೆತ ಬೀಳಲಿದೆ ಎಂದು ಎಚ್ಚರಿಸಿದೆ.