ಸ್ಮಾರ್ಟ್‌ಫೋನ್‌ ಕುರಿತ ಸತ್ಯಗಳು ಬಯಲು

ಫೋನ್‌ ಏರೊಪ್ಲೇನ್ ಮೋಡ್ ಆನ್‌

ಹಲವು ಜನರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿನ ಫ್ಲೈಟ್‌ ಮೋಡ್‌ ಫೀಚರ್‌ ಅನ್ನು ವಿಮಾನದಲ್ಲಿ ಹೋಗುವವರು ಮಾತ್ರ ಬಳಸಬೇಕು ಎಂದುಕೊಂಡಿದ್ದಾರೆ. ಆದರೆ ಈ ಫೀಚರ್‌ ಫೋನ್‌ಗೆ ಯಾವಾಗ ನೆಟ್‌ವರ್ಕ್‌ ಸಿಗುವುದಿಲ್ಲವೋ ಅಂತಹ ಸಂಧರ್ಭದಲ್ಲಿ ಫ್ಲೈಟ್‌ ಮೋಡ್‌ ಇಟ್ಟರೆ ಫೋನ್‌ ಬ್ಯಾಟರಿ ಪವರ್‌ ಉಳಿತಾಯ ಮಾಡಬಹುದಾಗಿದೆ.

ಮೊಬೈಲ್‌ ಫೋನ್‌ಗಳು ಪೆಟ್ರೋಲ್‌ ಬ್ಯಾಂಕ್‌ ಹತ್ತಿರ

ಕೆಲವು ಪೆಟ್ರೋಲ್‌ ಬ್ಯಾಂಕ್‌ಗಳು ನಿಮ್ಮ ಮೊಬೈಲ್‌ ಫೋನ್‌ ಸ್ವಿಚ್‌ ಆಫ್ ಮಾಡಿ ಎಂಬ ನಾಮಫಲಕ ಹೊಂದಿರುತ್ತವೆ. ಕಾರಣ ಪೆಟ್ರೋಲ್‌ ಹೆಚ್ಚು ಉರಿಯುವ ಅಂಶಗಳನ್ನು ಹೊಂದಿದ್ದು, ಕಿಡಿಯಿಂದ ಬೆಂಕಿ ಹತ್ತಿಕೊಳ್ಳಬಹುದು. ಆದರೆ ಮೊಬೈಲ್‌ನಿಂದ ಮಾತ್ರ ಅಲ್ಲ. ಆದರೂ ಸಹ ನೀವು ನಿಯಮ ಪಾಲಿಸುವುದು ಒಳ್ಳೆಯದು, ಕೆಲವೊಮ್ಮೆ ಮೊಬೈಲ್‌ ಬಿದ್ದರೆ ಕಿಡಿಯೂ ಸಹ ಬೆಂಕಿ ಉರಿಯಲು ಕಾರಣವಾಗಿಬಿಡುತ್ತದೆ.

ಅಧಿಕವಾಗಿ ಫೋನ್‌ ಚಾರ್ಜ್‌ ಮಾಡುವುದು

ರಾತ್ರಿ ಇಡಿ ಫೋನ್‌ ಚಾರ್ಜ್‌ಗೆ ಹಾಕುವುದು ಮೊಬೈಲ್‌ ಫೋನ್‌ ಕೆಡಲು ಕಾರಣವಾಗುತ್ತದೆ ಎಂಬ ಹಲವು ವಿಷಯಗಳನ್ನು ಕೇಳಿರಬಹುದು. ಆದರೆ ಫೋನ್‌ ಸಂಪೂರ್ಣ ಚಾರ್ಜ್‌ ಆದಮೇಲೆ ಸ್ವಯಂ ಚಾರ್ಜಿಂಗ್‌ ಅನ್ನು ನಿಲ್ಲಿಸುತ್ತದೆ. ಆದರೆ ನೀವು ರಾತ್ರಿ ವೇಳೆ ಮೊಬೈಲ್‌ ಚಾರ್ಜ್‌ಗೆ ಹಾಕಿದನಂತರ ಮೊಬೈಲ್‌ ನೋಡದಿರುವುದರಿಂದ ಕೆಲವೊಮ್ಮೆ ವಿದ್ಯುತ್‌ ಸಾಕೆಟ್‌ನಿಂದಾಗಿ ನಿಮ್ಮ ಮೊಬೈಲ್‌ ಹಾಳಾಗಬಹುದು.

ಇನ್‌ಕಾಗ್ನಿಟೊ ಮೋಡ್‌

ನೀವು ಅಜ್ಞಾತ ಮೋಡ್‌ನಲ್ಲಿ ಇಂಟರ್ನೆಟ್‌ ಬ್ರೌಸಿಂಗ್ ಇತಿಹಾಸ ಇರಿಸಿದರೆ ಅದು ಯಾರಿಗೂ ತಿಳಿಯುವುದಿಲ್ಲ ಎಂದು ತಿಳಿದಿರಬಹುದು. ಆದರೆ ನೀವು ಇಂಟರ್ನೆಟ್‌ ಬಳಸಿದ ಬ್ರೌಸಿಂಗ್‌ ಡೇಟಾವನ್ನು ಸರ್ಕಾರಿ ಮತ್ತು ಕಾನೂನು ಸಂಸ್ಥೆಗಳು ಬಳಸಿ ಆಕ್ಸೆಸ್‌ಮಾಡಬಹುದಾಗಿದೆ.

ಚಾರ್ಜಿಂಗ್‌ ಮಾಡುವ ವೇಳೆ ಮಾತನಾಡಬೇಡಿ

ಚಾರ್ಜಿಂಗ್‌ ಮಾಡುವ ವೇಳೆ ಫೋನ್‌ನಲ್ಲಿ ಮಾತನಾಡಬಾರದು ಎನ್ನುವ ವಿಷಯ ಕೇಳಿರಬಹುದು. ಹೌದು, ಫೋನ್‌ ಚಾರ್ಜಿಂಗ್‌ ಆಗುವ ವೇಳೆ ಮಾತನಾಡುವಾಗ ಫೋನ್‌ ಬ್ಲಾಸ್ಟ್‌ ಆಗಬಹುದು, ಫೋನ್‌ ಬ್ಯಾಟರಿ ಕಳಪೆಯಾಗಿದ್ದಲ್ಲಿ ಮಾತ್ರ. ಉತ್ತಮ ಕಂಪನಿಗಳ ಹಾಗೂ ಸರ್ಕಾರ ಅನುಮತಿಸಿದ ಬ್ಯಾಟರಿಗಳು ಇಂತಹ ಸಮಸ್ಯೆ ತರಲಾರವು.

ಗಿಜ್‌ಬಾಟ್‌