ಇನ್ನು 15 ದಿನಗಳ ಕಾಲ ಬರಿ 5 SMS !

By Varun

Updated: Saturday, August 18, 2012, 16:46 [IST]

ಈಗಾಗಲೇ ಈಶಾನ್ಯ ರಾಜ್ಯಗಳಲ್ಲಿನ ಜನರಿಗೆ ತಮ್ಮ ತಮ್ಮ ರಾಜ್ಯಗಳಿಗೆ ವಾಪಸ್ ಹೋಗುವಂತೆ ಎಚ್ಚರಿಕೆಯ ಮೆಸೇಜ್ ಬಂದು, ಪ್ರತಿನಿತ್ಯ ಸಾವಿರಾರು ಮಂದಿ ಟ್ರೈನ್ ನಲ್ಲಿ ವಾಪಸ್ ಹೋಗುತ್ತಿರುವ ಸುದ್ದಿಯನ್ನು ನೀವು ಬಲ್ಲಿರಿ.

ಇದರಿಂದ ಎಚ್ಚೆತ್ತು ಕೊಂಡಿರುವ ಕೇಂದ್ರ ಸರ್ಕಾರ, ಈ ರೀತಿಯ ಆತಂಕಕಾರಿ ಮೆಸೇಜುಗಳನ್ನು ತಡೆಗಟ್ಟಲು ಕ್ರಮ ಕೈಗೊಂಡಿದ್ದು, ಇವತ್ತಿನಿಂದ 15 ದಿನಗಳ ಕಾಲ ನೀವು ಪ್ರತಿದಿನ ಕೇವಲ 5 SMS ಅನ್ನು ಮಾತ್ರ ಕಳುಹಿಸಬಹುದಾಗಿದ್ದು, ಎಲ್ಲಾ ರೀತಿಯ ಸಾಮೂಹಿಕ SMS ಹಾಗು MMS ಗಳನ್ನೂ ನಿರ್ಬಂಧಿಸಿದೆ.

ಈಗಾಗಲೇ ಬೆಂಗಳೂರು, ಪೂನಾ, ಮುಂಬೈ ಸೇರಿದಂತೆ ದೇಶಾದ್ಯಂತ ಹಲವಾರು ನಗರಗಳಲ್ಲಿ ಗಲಭೆಗಳು ಆಗಿದ್ದು, ಇದನ್ನು ತಡೆಗಟ್ಟಿ ಪರಿಸ್ಥಿತಿಯನ್ನು ಹತೋಟಿಗೆ ತರಲು ಈ ಕ್ರಮ ಕೈಗೊಂಡಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

ಹಾಗಾಗಿ ನೀವು ಇನ್ನು 15 ದಿನಗಳ ಕಾಲ 5 SMS ಗಳನ್ನು ಜೋಪಾನವಾಗಿ ಬಳಸಿ. ಹಾಗೂ ನಿಮಗೆ ಮೆಸೇಜ್ ಮಾಡಬೇಕಾಗಿದ್ದರೆ way2sms.com ನಂತಹ ಉಚಿತ SMS ಕಳುಹಿಸುವ ವೆಬ್ಸೈಟ್ ಗಳಲ್ಲಿ ಖಾತೆ ತೆರೆದು ಅದರ ಸೇವೆ ಬಳಸಿಕೊಳ್ಳಬಹುದು.