ದೇಶದಲ್ಲಿ ಶೇ.70 ರಷ್ಟು ವಿದ್ಯಾರ್ಥಿ‌ಗಳ ಕೈಯಲ್ಲಿ ಸ್ಮಾರ್ಟ್‌ಫೋನ್‌

ದೇಶದಲ್ಲಿ ಶೇ.70 ರಷ್ಟು ವಿದ್ಯಾರ್ಥಿ‌ಗಳ ಕೈಯಲ್ಲಿ ಸ್ಮಾರ್ಟ್‌ಫೋನ್‌

ದೇಶದಲ್ಲಿ ಶೇ.70 ರಷ್ಟು ಮಕ್ಕಳು ಸ್ಮಾರ್ಟ್‌‌ಫೋನ್‌ ಬಳಕೆ ಮಾಡುತ್ತಿದ್ದಾರೆ ನೂತನ ಸಮೀಕ್ಷೆ ತಿಳಿಸಿದೆ. ಸಾಫ್ಟ್‌ವೇರ್‌ ಕಂಪೆನಿ ಟಿಸಿಎಸ್‌ ಈ ಸಮೀಕ್ಷೆ ನಡೆಸಿದ್ದು, ಮಹಾನಗರಗಳಲ್ಲಿ ಶೇ. 58.50, ಸಣ್ಣ ನಗರಗಳಲ್ಲಿ ಶೇ. 59.36 ವಿದ್ಯಾರ್ಥಿ‌ಗಳು ಸ್ಮಾರ್ಟ್‌ಫೋನ್‌ ಬಳಕೆ ಮಾಡುತ್ತಿದ್ದಾರೆ ಸಮೀಕ್ಷೆ ತಿಳಿಸಿದೆ.

ವೊಡಾಫೋನ್‌2ಜಿ ಇಂಟರ್‌ನೆಟ್‌ ಬೆಲೆ ಕಡಿತ

ವೊಡಾಫೋನ್‌ 2ಜಿ ಇಂಟರ್‌ನೆಟ್‌ ಸೇವೆಯ ಬೆಲೆಯನ್ನು ಕಡಿತಗೊಳಿಸಿದೆ. ಈ ಹಿಂದೆ 10 KB ಹತ್ತು ಪೈಸೆಗ ಇದ್ದರೆ, ಈಗ 2 ಪೈಸೆಯಲ್ಲಿ 10KB ಡೇಟಾವನ್ನು ಬಳಕೆ ಮಾಡಬಹುದಾಗಿದೆ.ಕರ್ನಾಟಕ,ಉತ್ತರ ಪ್ರದೇಶ,ಮಧ್ಯಪ್ರದೇಶ ಗ್ರಾಹಕರಿಗೆ ಈ ಸೇವೆ ಲಭ್ಯವಾಗಲಿದೆ.

ಆಕ್ಸ್‌ಫರ್ಡ್‌ ಇಂಗ್ಲಿಷ್‌ ಶಬ್ಧಕೋಶಕ್ಕೆ ಟ್ವೀಟ್‌ ಪದ ಸೇರ್ಪಡೆ

ಆಕ್ಸ್‌ಫರ್ಡ್‌ ಇಂಗ್ಲಿಷ್‌ ಶಬ್ಧಕೋಶಕ್ಕೆ ಟ್ವೀಟ್‌ ಪದ ಇಂದು ಅಧಿಕೃತವಾಗಿ ಸೇರ್ಪಡೆಗೊಂಡಿದೆ. ಆಕ್ಸ್‌ಫರ್ಡ್‌ ಡಿಕ್ಷನರಿಯಲ್ಲಿ ಹೊಸ ಪದ ಸೇರಿಸಬೇಕಿದ್ದರೆ ಆ ಪದ 10 ವರ್ಷ‌ ಹಳೇಯದಾಗಿರಬೇಕು ಎಂಬ ನಿಯಮವಿದೆ. ಆದರೆ ನಿಯಮವನ್ನು ಈ ಸಂದರ್ಭ‌ಲ್ಲಿ ಬ್ರೇಕ್‌ ಮಾಡಿ ಟ್ವೀಟ್‌ ಪದವನ್ನು ಸೇರಿಸಲಾಗಿದೆ.

ಇನ್ಸ್‌ಟಾಗ್ರಾಮ್‌ನಲ್ಲಿ ವೀಡಿಯೋ ಸೌಲಭ್ಯ!

ಪ್ರಸಿದ್ದ ಫೋಟೋ ಶೇರಿಂಗ್‌ ಸೋಶಿಯಲ್‌ ನೆಟ್‌ವರ್ಕ್‌ ಇನ್ಸ್‌ಟಾಗ್ರಾಮ್‌ನಲ್ಲಿ ವೀಡಿಯೋ ಸೌಲಭ್ಯವನ್ನು ಫೇಸ್‌ಬುಕ್‌ನೀಡಲಿದೆ ಎನ್ನುವ ರೂಮರ್‌ ಸುದ್ದಿ ಹರಿದಾಡತೊಡಗಿದೆ. 5 ರಿಂದ 10 ಸೆಕೆಂಡ್‌‌ಗಳಿರುವ ವೀಡಿಯೋವನ್ನು ಇನ್ಸ್‌ಟಾಗ್ರಾಮ್‌ನಲ್ಲಿ ಅಪ್‌ಲೋಡ್‌ ಮಾಡುವಂತ ಹೊಸ ವಿಶೇಷತೆಯನ್ನು ಸದ್ಯದಲ್ಲೇ ಬಳಕೆದಾರರಿಗೆ ನೀಡಲಿದೆ ಎನ್ನುವ ಸುದ್ದಿ ಈಗ ಮಾಧ್ಯಮದಲ್ಲಿ ಹರಿದಾಡತೊಡಗಿದೆ.