ಈ ಸುದ್ದಿ ಕೇಳಿದ್ರೆ ಬ್ಯಾಟರಿ ಚಾಲಿತ ಕಾರು ಖರೀದಿಗೆ ಕ್ಯೂ ನಿಲ್ಲುವುದು ಪಕ್ಕಾ!!

ಕೇವಲ 20 ನಿಮಿಷ ಸಾಕು!

ಸದ್ಯ ಭಾರತದಲ್ಲಿರುವ ಈಗಿನ ತಂತ್ರಜ್ಞಾನ ಬಳಸಿಕೊಂಡು ಬ್ಯಾಟರಿ ಚಾಲಿತ ಕಾರುಗಳನ್ನು ಪೂರ್ಣ ಪ್ರಮಾಣದಲ್ಲಿ ಚಾರ್ಜ್ ಮಾಡಲು 24 ಗಂಟೆ ಬೇಕು. ಆದರೆ, ವೇಗದ ಚಾರ್ಜರ್‌ಗಳನ್ನು ಬಳಿಸಿದಲ್ಲಿ 20 ನಿಮಿಷದಲ್ಲಿ ಶೇ 80ರಷ್ಟು ಚಾರ್ಜ್‌ ಮಾಡಬಹುದಾಗಿದೆ. ಈ ವೇಗದ ಚಾರ್ಜರ್‌ಗಳು ಶೀಘ್ರವೇ ಭಾರತದ ಮಾರುಕಟ್ಟೆಗೆ ಎಂಟ್ರಿ ನೀಡಲು ತಯಾರಾಗಿವೆ.

ತಂತ್ರಜ್ಞಾನದ ಆಯ್ಕೆಯಲ್ಲಿ ಸರ್ಕಾರ!

ಅಂತರರಾಷ್ಟ್ರೀಯ ಮಟ್ಟದಲ್ಲಿ ಈಗಾಗಲೇ ವೇಗದ ಚಾರ್ಜಿಂಗ್ ತಂತ್ರಜ್ಞಾನ ಜಾರಿಗೆ ಬಂದಿದೆ.ಯುರೋಪಿಯನ್ ಕಂಬೈಂಡ್ ಚಾರ್ಜಿಂಗ್ ವ್ಯವಸ್ಥೆ ಮತ್ತು ಚಡೆಮೊ ಎಂಬ ತಂತ್ರಜ್ಞಾಗಳು ಭಾರತದಲ್ಲಿನ ಅವಕಾಶದತ್ತ ನೋಡುತ್ತಿವೆ. ಈ ತಂತ್ರಜ್ಞಾನಗಳನ್ನು ಒಂದನ್ನು ಅಳವಡಿಸಿಕೊಳ್ಳಲು ಸರ್ಕಾರ ಹಾಗೂ ಕಾರು ತಯಾರಕರು ಚಿಂತನೆ ನಡೆಸಿವೆ ಎಂದು ಮೂಲಗಳು ತಿಳಿಸಿವೆ.

ಬ್ಯಾಟರಿ ಚಾಲಿತ ವಾಹನ ಪರ್ವ!

ಬ್ಯಾಟರಿ ಚಾಲಿತ ವಾಹನಗಳ ಪರ್ವ ಆರಂಭವಾಗಲು ಈಗಾಗಲೇ ವೇದಿಕೆ ಸಿದ್ಧಗೊಳ್ಳುತ್ತಿದೆ. ತೆರಿಗೆ ಇಳಿಸುವ ಜೊತೆಗೆ ಸಹಾಯಧನವನ್ನು ನೀಡುತ್ತಿರುವ ಸರ್ಕಾರ ವೇಗದ ಚಾರ್ಜರ್ ತಂತ್ರಜ್ಞಾನದ ಮೊರೆಹೋಗಿದೆ. ಹಾಗಾಗಿ, 20 ನಿಮಿಷದಲ್ಲಿ ಶೇ 80ರಷ್ಟು ಚಾರ್ಜ್‌ ಮಾಡಬಹುದಾಗಿದ ತಂತ್ರಜ್ಞಾನ ಸಹಾಯದಿಂದ ಬ್ಯಾಟರಿ ಚಾಲಿತ ವಾಹನ ಪರ್ವ ಶುರುವಾಗಲಿದೆ.

ಸಮಸ್ಯೆ ಕೂಡ ಇದೆ.!

ಬ್ಯಾಟರಿ ಚಾಲಿತ ವಾಹನಗಳಲ್ಲಿ ಬಹುಮುಖ್ಯವಾದ ಬ್ಯಾಟರಿ ಪ್ಯಾಕ್‌ಗಳು ಮತ್ತು ಇಂಧನ ಕೋಶಗಳು ದುಬಾರಿಯಾಗಿರುವುದು ಇದಕ್ಕೆ ಕಾರಣವಾಗಿದೆ. ಒಂದು ವಾಹನದ ಒಟ್ಟು ತಯಾರಿಕಾ ವೆಚ್ಚದಲ್ಲಿ ಇವುಗಳ ಪಾಲೇ ಶೇ 80ರಷ್ಟು ಇರುವುದರಿಂದ ಇವುಗಳ ಬೆಲೆ ಗಗನಕ್ಕೇರಿವೆ. ಹಾಗಾಗಿ, ವೇಗದ ಚಾರ್ಜರ್‌ಗಳ ಬೆಲೆ ಕೂಡ ಹೆಚ್ಚಿರುವುದು ಸ್ಪಷ್ಟವಾಗಿದೆ.

ದೇಶದಲ್ಲೇ ತಯಾರು?

ಬ್ಯಾಟರಿ ಚಾಲಿತ ವಾಹನಗಳ ಇಂಧನ ಕೋಶಗಳು ದುಬಾರಿಯಾಗಿರುವುದರಿಂದ, ಇವುಗಳನ್ನು ದೇಶೀಯವಾಗಿ ಉತ್ಪಾದಿಸುವ ಮೂಲಕವೂ ಬ್ಯಾಟರಿ ಚಾಲಿತ ವಾಹನಗಳ ಬೆಲೆ ಇಳಿಕೆ ಸಾಧ್ಯ ಎಂಬ ಅಭಿಪ್ರಾಯವೂ ವ್ಯಕ್ತವಾಗಿದೆ. ಒಂದು ವೇಳೆ ಸರ್ಕಾರ ಇದಕ್ಕೆ ಮನಸ್ಸು ಮಾಡಿದರೆ, ನಾವು ನೀವೆಲ್ಲಾ ಬ್ಯಾಟರಿ ಚಾಲಿತ ಕಾರನ್ನು ಖರೀದಿಸಲು ಕ್ಯೂ ನಿಲ್ಲುವುದು ಪಕ್ಕಾ.!