ಏಸರ್‌ ಕಂಪೆನಿಯಿಂದ ಅತ್ಯಾಕರ್ಷಕ ಸ್ಮಾರ್ಟ್‌ಟಿವಿ ಲಾಂಚ್‌! ಏನಿದರ ವಿಶೇಷ!

ಜನಪ್ರಿಯ ಸ್ಮಾರ್ಟ್‌ಟಿವಿ ತಯಾರಕ ಕಂಪೆನಿಗಳಲ್ಲಿ ಏಸರ್‌ ಕಂಪೆನಿ ಕೂಡ ಒಂದಾಗಿದೆ. ಏಸರ್‌ ಕಂಪೆನಿ ತನ್ನ ಭಿನ್ನ ಮಾದರಿಯ ಸ್ಮಾರ್ಟ್‌ಟಿವಿಗಳ ಮೂಲಕ ಸೈ ಎನಿಸಿಕೊಂಡಿದೆ. ಇದೀಗ ಭಾರತದಲ್ಲಿ ಹೊಸ W ಸಿರೀಸ್‌ 4K ಅಲ್ಟ್ರಾ HD QLED ಸ್ಮಾರ್ಟ್ ಆಂಡ್ರಾಯ್ಡ್ ಟಿವಿಯನ್ನು ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್‌ಟಿವಿ ಎರಡು ಗಾತ್ರಗಳಲ್ಲಿ ಲಭ್ಯವಾಗಲಿದೆ.

ಹೌದು, ಏಸರ್‌ W ಸರಣಿ 4K ಅಲ್ಟ್ರಾ HD QLED ಸ್ಮಾರ್ಟ್ ಆಂಡ್ರಾಯ್ಡ್ ಟಿವಿ ಭಾರತಕ್ಕೆ ಎಂಟ್ರಿ ನೀಡಿದೆ. ಈ ಸರಣಿಯಲ್ಲಿ 55 ಇಂಚಿನ ಮತ್ತು 65 ಇಂಚಿನ ಎರಡು ಗಾತ್ರಗಳಲ್ಲಿ ಸ್ಮಾರ್ಟ್‌ಟಿವಿ ಲಭ್ಯವಾಗಲಿದೆ. ಇನ್ನು ಈ ಸರಣಿಯ ಸ್ಮಾರ್ಟ್‌ಟಿವಿಗಳು ಅಸಾಧಾರಣ ವೀಕ್ಷಣೆಯ ಅನುಭವವನ್ನು ನೀಡುವ ಅಡ್ವಾನ್ಸ್ಡ್‌ ಫೀಚರ್ಸ್‌ ಮತ್ತು ಟೆಕ್ನಾಲಜಿ ಶ್ರೇಣಿಯನ್ನು ಹೊಂದಿದೆ. ಇನ್ನುಳಿದಂತೆ ಈ ಸ್ಮಾರ್ಟ್‌ಟಿವಿ ಏನೆಲ್ಲಾ ಫೀಚರ್ಸ್‌ ಹೊಂದಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಏಸರ್ W ಸಿರೀಸ್‌ ಸ್ಮಾರ್ಟ್‌ಟಿವಿಯ ವಿಶೇಷತೆ ಎಂದರೆ QLED ಪ್ಯಾನೆಲ್‌ ಒಳಗೊಂಡಿರುವುದು. ಇದರಿಂದ ಸ್ಮಾರ್ಟ್‌ಟಿವಿಯಲ್ಲಿ ನಿಖರ ಮತ್ತು ರೋಮಾಂಚಕ ಬಣ್ಣಗಳನ್ನು ಖಚಿತಪಡಿಸುತ್ತದೆ. ಇದರಿಂದ ಸಿನಿಮಾ ಮತ್ತು ಸ್ಪೋರ್ಟ್ಸ್‌ ಪ್ರಿಯರಿಗೆ ಸ್ಮಾರ್ಟ್‌ಟಿವಿ ಉತ್ತಮ ಆಯ್ಕೆ ಎನಿಸಿಕೊಳ್ಳಲಿದೆ. ಇದರೊಂದಿಗೆ ಸ್ಮಾರ್ಟ್‌ಟಿವಿ ಡಿಸ್‌ಪ್ಲೇ ಸೂಪರ್ ಆಂಟಿ-ಗ್ಲೇರ್ ಟೆಕ್ನಾಲಜಿಯನ್ನು ಹೊಂದಿರುವುದರಿಂದ ಬ್ರೈಟ್‌ ಎನ್ವಿರಾನ್ಮೆಂಟ್ ಅನ್ನು ನೀಡಲಿದೆ.

ಇನ್ನು ಈ ಸ್ಮಾರ್ಟ್‌ಟಿವಿಯು ಸೊಗಸಾದ ಫ್ರೇಮ್‌ಲೆಸ್ ಅನ್ನು ಹೊಂದಿದ್ದು, ಎಡ್ಜ್-ಟು-ಎಡ್ಜ್ ಡಿಸ್‌ಪ್ಲೇಯನ್ನು ಒಳಗೊಂಡಿದೆ. ಸ್ಮಾರ್ಟ್‌ಟಿವಿ ಸಾಕಷ್ಟು ಮಾಡ್ರನ್‌ ಆಗಿದ್ದು, ಹೈ ಎಂಡ್‌ ವ್ಯೂ ಅನ್ನು ನೀಡಲಿದೆ. ಜೊತೆಗೆ ಇದು ಫುಲ್‌-ಮೋಶನ್‌ ಸ್ಲಿಮ್ ವಾಲ್ ಮೌಂಟ್‌ನೊಂದಿಗೆ ಬರಲಿದೆ. ಆದರಿಂದ ಇದನ್ನು ವಾಲ್‌ನಲ್ಲಿ ಭದ್ರವಾಗಿಡಬಹುದಾಗಿದೆ. ಇದು 30W ಆರಲ್ ಸೌಂಡ್ ಮತ್ತು ಡಾಲ್ಬಿ ಅಟ್ಮಾಸ್ ಬೆಂಬಲವನ್ನು ಪಡೆದಿರುವುದರಿಂದ ಪವರ್‌ಫುಲ್‌ ಸೌಂಡ್‌ ಸಿಸ್ಟಂ ಅನ್ನು ನೀಡಲಿದೆ.

ಇದೊರಂದಿಗೆ ಸ್ಮಾರ್ಟ್‌ಟಿವಿ 64 ಬಿಟ್ ಕ್ವಾಡ್-ಕೋರ್ ಪ್ರೊಸೆಸರ್‌ ಹೊಂದಿದ್ದು, ಆಂಡ್ರಾಯ್ಡ್‌ TV 11 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಹಾಗೆಯೇ 2GB RAM ಮತ್ತು 16GB ಇಂಟರ್‌ ಸ್ಟೋರೇಜ್‌ ಅನ್ನು ಹೊಂದಿದೆ. ಜೊತೆಗೆ ಸ್ಮಾರ್ಟ್‌ಟಿವಿ ಗೂಗಲ್‌ ಆ್ಯಪ್ಸ್‌, ಫಾರ್ ಫೀಲ್ಡ್ ಮೈಕ್, ಮೋಷನ್ ಸೆನ್ಸರ್ ಮತ್ತು ವಾಯ್ಸ್‌-ಕಂಟ್ರೋಲ್‌ ಸ್ಮಾರ್ಟ್ ರಿಮೋಟ್ ಅನ್ನು ಸಹ ಒಳಗೊಂಡಿದೆ.

ಇನ್ನು ಭಾರತದಲ್ಲಿ ಬಿಡುಗಡೆಯಾಗಿರುವ ಏಸರ್‌ W ಸರಣಿಯ 55 ಇಂಚಿನ ಮಾದರಿಯು 69,999ರೂ. ಬೆಲೆಯನ್ನು ಹೊಂದಿದೆ. ಅಲ್ಲದೆ 65 ಇಂಚಿನ ಮಾದರಿಯು 89,999ರೂ. ಬೆಲೆಯನ್ನು ಪಡೆದುಕೊಂಡಿದೆ. ಈ ಎರಡೂ ಸ್ಮಾರ್ಟ್‌ಟಿವಿಗಳು ಕೂಡ ಫ್ಲಿಪ್‌ಕಾರ್ಟ್‌ ಮತ್ತು ಅಮೆಜಾನ್‌.ಇನ್‌ ನಂತಹ ವಿವಿಧ ಇ-ಕಾಮರ್ಸ್‌ ಪ್ಲಾಟ್‌ಫಾರ್ಮ್‌ಗಳ ಮೂಲಕ ಖರೀದಿಗೆ ಲಭ್ಯವಾಗಲಿದೆ.

ಇದಲ್ಲದೆ ಇತ್ತೀಚಿಗೆ ಏಸರ್‌ ಕಂಪೆನಿ ಮೂರು ಹೊಸ ಲ್ಯಾಪ್‌ಟಾಪ್‌ಗಳನ್ನು ಅನಾವರಣಗೊಳಿಸಿದೆ. ಈ ಮೂರು ಲ್ಯಾಪ್‌ಟಾಪ್‌ಗಳು ಯುಎಸ್‌ಬಿ ಟೈಪ್-ಸಿ ಪೋರ್ಟ್, ಹೆಚ್‌ಡಿಎಂಐ 2.1 ಪೋರ್ಟ್‌ಗಳು ಮತ್ತು ವೈ-ಫೈ 6E ಕನೆಕ್ಟಿವಿಟಿಯನ್ನು ಬೆಂಬಲಿಸಲಿವೆ. ಇದಲ್ಲದೆ ಈ ಲ್ಯಾಪ್‌ಟಾಪ್‌ಗಳು HD ವೆಬ್‌ಕ್ಯಾಮ್, ಮೈಕ್ರೊಫೋನ್ ಮತ್ತು ಸ್ಟಿರಿಯೊ ಸ್ಪೀಕರ್‌ಗಳನ್ನು ಕೂಡ ಒಳಗೊಂಡಿವೆ. ಏಸರ್‌ ಕಂಪೆನಿ ಬಿಡುಗಡೆ ಮಾಡಿರುವ ಮೂರು ಲ್ಯಾಪ್‌ಟಾಪ್‌ಗಳಲ್ಲಿ ಏಸರ್‌ ಅಸ್ಪೈರ್‌ 3 (A314-36P) ಲ್ಯಾಪ್‌ಟಾಪ್‌ ಮತ್ತು ಏಸರ್‌ ಅಸ್ಪೈರ್‌ 3 (A314-36P)14 ಇಂಚಿನ ಫುಲ್‌ HD ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 1,920x1,080 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದಿದೆ. ಆದರೆ ಆಸ್ಪೈರ್ 3 (A315-510P) ಲ್ಯಾಪ್‌ಟಾಪ್‌ 15.6 ಇಂಚಿನ ಫುಲ್‌ ಹೆಚ್‌ಡಿ ಐಪಿಎಸ್‌ ಡಿಸ್‌ಪ್ಲೇಯನ್ನು ಪಡೆದಿದೆ.