ಭಾರತದ ಮಾರುಕಟ್ಟೆಯಲ್ಲಿ ಏಸರ್ ನೈಟ್ರೋ 5 ಗೇಮಿಂಗ್ ಲ್ಯಾಪ್‌ಟಾಪ್ ಬಿಡುಗಡೆ!

ಹೌದು, ಏಸರ್‌ ಕಂಪೆನಿ ತನ್ನ ಹೊಸ ಏಸರ್‌ ನೈಟ್ರೋ 5 ಗೇಮಿಂಗ್ ಲ್ಯಾಪ್‌ಟಾಪ್ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಇನ್ನು ಈ ಲ್ಯಾಪ್‌ಟಾಪ್‌ ಇತ್ತೀಚಿನ 10 ನೇ ತಲೆಮಾರಿನ ಇಂಟೆಲ್ ಕೋರ್ ಎಚ್-ಸೀರಿಸ್ ಪ್ರೊಸೆಸರ್‌ಗಳನ್ನು ಒಳಗೊಂಡಿದೆ. ಇನ್ನು ಏಸರ್ ನೈಟ್ರೋ 5 ಲ್ಯಾಪ್‌ಟಾಪ್‌ ಕೋರ್I7 CPU ಮತ್ತು NVIDIA ಜೀಫೋರ್ಸ್ RTX2060 GPUವರೆಗೆ ಹೋಗುವ ಅನೇಕ ಸಂರಚನೆಗಳನ್ನ ಹೊಂದಿದೆ. ಇದಲ್ಲದೆ ಈ ಲ್ಯಾಪ್‌ಟಾಪ್‌ ಹೆಚ್ಚಿನ ರಿಫ್ರೆಶ್ ರೇಟ್‌ ಸ್ಕ್ರೀನ್‌ ಆಯ್ಕೆಯನ್ನ ಹೊಂದಿರಲಿವೆ ಎಂದು ಹೇಳಿದೆ.

ಏಸರ್ ನೈಟ್ರೊ 5 ಲ್ಯಾಪ್‌ಟಾಪ್‌ ನೀವು 15-ಇಂಚಿನ ಮತ್ತು 17-ಇಂಚಿನ ಸ್ಕ್ರೀನ್‌ ಪಡೆಯಬಹುದಾಗಿದೆ. ಇನ್ನು ಈ ಹೊಸ ಗೇಮಿಂಗ್ ಲ್ಯಾಪ್‌ಟಾಪ್‌ಗಳು ಹಿಂದಿನ ನೈಟ್ರೊ ಸರಣಿಯ ಲ್ಯಾಪ್‌ಟಾಪ್‌ಗಳ ‘ಗೇಮರ್' ಥೀಮ್ ಅನ್ನು ಉಳಿಸಿಕೊಂಡಿದೆ. ಇದಲ್ಲದೆ ಏಸರ್‌ ನೈಟ್ರೊ 5 ಲ್ಯಾಪ್‌ಟಾಪ್‌ 15-ಇಂಚಿನ ಮತ್ತು 17-ಇಂಚಿನ ಪರದೆಯ ಆಯ್ಕೆಗಳಲ್ಲಿ ವಿಂಡೋಸ್ 10 ಹೋಮ್‌ನ 64-ಬಿಟ್ ಆವೃತ್ತಿಯನ್ನು ಇನ್‌ಸ್ಟಾಲ್‌ ಮಾಡಲಾಗಿರುತ್ತದೆ ಎಂದು ಹೇಳಲಾಗ್ತಿದೆ. ಇದಲ್ಲದೆ ಈ ಡಿಸ್‌ಪ್ಲೇ 1,920x1,080 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಹೊಂದಿದೆ.

ಇದಲ್ಲದೆ ಈ ಡಿಸ್‌ಪ್ಲೇ IPS ಸ್ಕ್ರೀನ್‌ ವಿನ್ಯಾಸವನ್ನ ಹೊಂದಿದೆ. ಅಲ್ಲದೆ ಇದು ಸ್ಕ್ರೀನ್-ಟು-ಬಾಡಿ 80% ಅನುಪಾತವನ್ನು ಹೊಂದಿದೆ. 3ms ಕಡಿಮೆ ಲೇಟೆನ್ಸಿ ಹೊಂದಿರುವ ನೀವು 144Hz ರಿಫ್ರೆಶ್ ರೇಟ್‌ ಸ್ಕ್ರೀನ್‌ ಅನ್ನು ಒಳಗೊಂಡಿದೆ. ನೈಟ್ರೊ 5 ಅನ್ನು 10ನೇ ತಲೆಮಾರಿನ ಇಂಟೆಲ್ ಕೋರ್ I7 H-ಸೀರಿಸ್ ಪ್ರೊಸೆಸರ್ ಹೊಂದಿದೆ. ಅಲ್ಲದೆ ಇದು ಎರಡು ಸೋಡಿ IMM ಮಾಡ್ಯೂಲ್‌ಗಳನ್ನು ಬಳಸಿಕೊಂಡು 32GB RAM ಅನ್ನು ಹೊಂದಿದೆ. ಅಲ್ಲದೆ ಇದರಲ್ಲಿ RAID 0 ಟೆಕ್ನಾಲಜಿಯನ್ನ ನೀಡಲಾಗಿದ್ದು, ಡ್ಯುಯಲ್ m2 pcie ssd ಬೆಂಬಲವನ್ನು ಬೆಂಬಲಿಸುತ್ತದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ Wi-Fi 6, ಬ್ಲೂಟೂತ್ v5.0, ಒಂದು HDMI ಪೋರ್ಟ್, ಎರಡು ಯುಎಸ್‌ಬಿ 3.2 ಜನ್ 1 ಪೋರ್ಟ್‌, ಒಂದು ಯುಎಸ್‌ಬಿ ಟೈಪ್-ಸಿ ಪೋರ್ಟ್, ಒಂದು ಯುಎಸ್‌ಬಿ 3.2 ಜನ್ 2 ಪೋರ್ಟ್ ಅನ್ನು ಬೆಂಬಲಿಸಲಿದೆ.

ಇನ್ನು ಏಸರ್ ನೈಟ್ರೊ 5 ಲ್ಯಾಪ್‌ಟಾಪ್‌ 57.5Wh ಬ್ಯಾಟರಿ ಪ್ಯಾಕ್‌ಅಪ್‌ ಹೊಂದಿದ್ದು, ಕಂಪ್ಲಿಟ್‌ ಚಾರ್ಜಿಂಗ್‌ನಲ್ಲಿ 10 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಇದಲ್ಲದೆ 720p ರೆಸಲ್ಯೂಶನ್‌ ಹೊಂದಿರುವ ಎಚ್‌ಡಿ ವೆಬ್‌ಕ್ಯಾಮ್ ಅನ್ನು ಸಹ ಹೊಂದಿದೆ. ಇನ್ನು ಭಾರತದಲ್ಲಿ ಏಸರ್ ನೈಟ್ರೋ 5 ಬೆಲೆ ರೂ. 72,990 ಆಗಿದ್ದು. ಇದು ಲ್ಯಾಪ್‌ಟಾಪ್ ಏಸರ್ ಇಂಡಿಯಾ ವೆಬ್‌ಸೈಟ್, ಅಧಿಕೃತ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳು ಮತ್ತು ಚಿಲ್ಲರೆ ಮಾರಾಟ ಮಳಿಗೆಗಳಿಂದ ಖರೀದಿಸಲು ಲಭ್ಯವಿದೆ.