ದನಗಳಿಗೂ ಬಂತು ಫಿಟ್ನೆಸ್ ಟ್ರ್ಯಾಕರ್ !

ಸ್ಮಾರ್ಟ್ ವಾಚ್ ನಂತೆ ಕೆಲಸ:

ಇದು ಬಹಳ ಕುತೂಹಲಕಾರಿ ಎಂದು ನಿಮಗೆ ಅನ್ನಿಸಬಹುದು. ಆದರೆ ಕೆಲವು ಆಸ್ಟ್ರೇಲಿಯಾದ ವಿಜ್ಞಾನಿಗಳು ಹೊಸ ಫಿಟ್ನೆಸ್ ಟ್ರ್ಯಾಕರ್ ನ್ನು ದನಗಳಿಗಾಗಿ ತಯಾರಿಸಿದ್ದಾರೆ. ಇದು ಫಿಟ್ನೆಸ್ ಟ್ರ್ಯಾಕರ್ ಮಾತ್ರವೇ ಅಲ್ಲ ಬದಲಾಗಿ CNET ವರದಿ ಕೂಡ ನೀಡುತ್ತದೆ. ಸ್ಮಾರ್ಟ್ ವಾಚ್ ಗಳಿಂದ ಯಾವ ರೀತಿಯ ಡಾಟಾಗಳು ನಮಗೆ ಲಭ್ಯವಾಗುತ್ತದೆಯೋ ಅದೇ ರೀತಿಯ ವರದಿ ಇದರಲ್ಲೂ ಲಭ್ಯವಾಗುತ್ತದೆ.

ದನದ ಕಿವಿಗೆ ಅಳವಡಿಕೆ:

ಈ ಸ್ಮಾರ್ಟ್ ಇಯರ್ ಟ್ಯಾಗ್ ನ್ನು CSIRO (Commonwealth Scientific and Industrial Research Organisation)ವಿಜ್ಞಾನಿಗಳು ತಯಾರಿಸಿದ್ದು ಅದನ್ನು Ceres ಟ್ಯಾಗ್ ಎಂದು ಹೆಸರಿಸಲಾಗಿದೆ. ಇದರ ಪ್ರಮುಖ ಉದ್ದೇಶ ಅವರ ಹಸುಗಳನ್ನು ರೈತರು ಎಲ್ಲಿ ಹೋಗಿದೆ, ಎಲ್ಲಿ ಮೇಯುತ್ತಿದೆ ಎಂದು ಜಿಪಿಎಸ್ ಅನೇಬಲ್ ಆಗಿರುವ ಟ್ಯಾಗ್ ಮೂಲಕ ಕಂಡುಹಿಡಿಯಬಹುದಾಗಿದೆ.

ದನ ಮೇಯುವ ಸ್ಥಳ ತಿಳಿಸುತ್ತದೆ:

ಜಿಪಿಎಸ್ ಸೇರಿದಂತೆ ಕಿವಿಗೆ ಹೊಸ ಟ್ಯಾಗ್ ಹಾಕಿರುವ ದನಗಳಲ್ಲಿ ಆಕ್ಸಲರೋಮೀಟರ್ ಕೂಡ ಅಳವಡಿಸಲಾಗಿರುತ್ತದೆ. ಹಾಗಾಗಿ ದನಗಳ ಬಗ್ಗೆ ಯಾವುದೇ ಕೆಟ್ಟ ಚಟುವಟಿಕೆ ನಡೆದರೆ ಕೂಡಲೇ ಅದು ರೈತರಿಗೆ ತಿಳಿದುಬಿಡುತ್ತದೆ.

ಹಸುವಿಗೆ ಹುಷಾರಿಲ್ಲದೇ ಇರುವುದನ್ನೂ ತಿಳಿಸುತ್ತದೆ:

CIRO ವೆಬ್ ಸೈಟ್ ಮಾಹಿತಿ ನೀಡುವಂತೆ ಈ ಹೊಸ ತಂತ್ರಜ್ಞಾನದ ಮೂಲಕ ಅಂದರೆ ದನದ ಕಿವಿಗಳಿಗೆ ಹಾಕುವ ಹೊಸ ಟ್ಯಾಗ್ ನ ಮೂಲಕ ಇದು ಗ್ರಾಹಕರಿಗೆ ಸ್ಮಾರ್ಟ್ ವಾಚ್ ನಂತೆಯೇ ಕಾರ್ಯ ನಿರ್ವಹಿಸುತ್ತದೆ. ರೈತರ ದನಗಳು ಎಲ್ಲಿ ಹುಲ್ಲನ್ನು ಮೇಯುತ್ತಿದೆ? ಒಂದು ವೇಳೆ ದನಕರುಗಳು ತಪ್ಪಿಸಿಕೊಂಡಿದ್ದರೆ, ಕಳುವಾದರೆ ಟ್ರ್ಯಾಕ್ ಮಾಡಲು ಅನುಕೂಲ ಮಾಡುತ್ತದೆ. ಅಷ್ಟೇ ಯಾಕೆ ಕೆಲವು ನಡೆಯಬಾರದ ಘಟನೆಗಳು ಪ್ರಾಣಿಗಳಲ್ಲಿ ನಡೆಯುತ್ತಿದ್ದರೆ ಕೂಡ ತಿಳಿಸುತ್ತದೆ . ಜೊತೆಗೆ ಪ್ರಾಣಿಗಳಿಗೆ ಗಾಯವಾದರೆ ಅಥವಾ ಅದು ಹೆರಿಗೆ ನೋವು ಅನುಭವಿಸಲು ಪ್ರಾರಂಭಿಸಿದರೆ ಇತ್ಯಾದಿಗಳ ಸೂಚನೆಯನ್ನು ಕೂಡ ಈ ಟ್ಯಾಗ್ ನೀಡುತ್ತದೆ.

ಒಂದು ದನದ ಆಯಸ್ಸಿಗಿಂತ ಹೆಚ್ಚು ವರ್ಷ ಬಾಳಿಕೆ:

ಆಸ್ಟ್ರೇಲಿಯಾದ ವಾತಾವರಣದಲ್ಲಿ ಒಂದು ದನವು ಬದುಕುಳಿಯುವ ಸಮಯಕ್ಕಿಂತ ಹೆಚ್ಚಿನ ಆಯಸ್ಸನ್ನು ಈ ಟ್ಯಾಗ್ ಹೊಂದಿರುತ್ತದೆ ಎಂದು ತಿಳಿಸಲಾಗಿದೆ. CSIRO ಮತ್ತು Ceres ಟ್ಯಾಗ್ ಎರಡೂ ಕೂಡ

ಫ್ಯೂಚರ್ ಪ್ಲಾನ್:

ಬೇರೆಬೇರೆ ವೇರಿಯಂಟ್ ನ ಟ್ಯಾಗ್ ಗಳನ್ನು ಭವಿಷ್ಯದಲ್ಲಿ ಬಿಡುಗಡೆಗೊಳಿಸಲು ಪ್ಲಾನ್ ಮಾಡುತ್ತಿದೆ. ಕೆಲವು ಗಾತ್ರದಲ್ಲಿ ಚಿಕ್ಕದಾಗಿದ್ದು ಕಡಿಮೆ ತೂಕದ್ದು ಕೂಡ ಆಗಿರಬಹುದು. ಟೆಂಪರೇಚರ್ ಸೆನ್ಸರ್ ನ್ನು ಕೂಡ ಅಳವಡಿಸಿ ರೈತರಿಗೆ ಪ್ರಾರಂಭಿಕ ಹಂತದ ಸೂಚನೆ ನೀಡುವುದು ಸೇರಿದಂತೆ ಹಲವು ವೈಶಿಷ್ಟ್ಯತೆಗಳನ್ನು ಇದರಲ್ಲಿ ಸೇರಿಸುವುದಕ್ಕೆ ಕಂಪೆನಿ ಚಿಂತನೆ ನಡೆಸುತ್ತಿದೆ.

ಆದರೆ ಇದು ಆಸ್ಟ್ರೇಲಿಯಾಕ್ಕೆ ಮಾತ್ರ ಸೀಮಿತವೇ ಅಥವಾ ಇತರೆ ದೇಶಗಳಲ್ಲೂ ಬರಲಿದೆಯಾ ಎಂಬ ಬಗ್ಗೆ ಇನ್ನೂ ತಿಳಿದಿಲ್ಲ. ಅದರಲ್ಲಿ ಭಾರತವೂ ಕೂಡ ಈ ತಂತ್ರಜ್ಞಾನಕ್ಕೆ ಕಾತರವಾಗಿರುವುದರಲ್ಲಿ ಸಂಶಯವಿಲ್ಲ. ಏನಂತೀರಿ ಕಮೆಂಟ್ ಮಾಡಿ ತಿಳಿಸಿ..