ಜಿಯೋಗೆ ಶಾಕ್ ಕೊಟ್ಟ ಏರ್‌ಟೆಲ್‌..! ನೆಟ್‌ಫ್ಲಿಕ್ಸ್ ಫ್ರೀ.. ಪಡೆದುಕೊಳ್ಳುವುದು ಹೇಗೆ..?

ಅಮೆಜಾನ್ ಪ್ರೈಮ್ ಮಾದರಿ:

ಈಗಾಗಲೇ ತನ್ನ ಪೋಸ್ಟ್ ಪೇಯ್ಡ್ ಬಳಕೆದಾರರಿಗೆ ಒಂದು ವರ್ಷದಕ್ಕೆ ಉಚಿತವಾಗಿ ಅಮೆಜಾನ್ ಪ್ರೈಮ್ ವಿಡಿಯೋಗಳನ್ನು ನೋಡುವ ಅವಕಾಶವನ್ನು ಮಾಡಿಕೊಟ್ಟಿದೆ. ಇದೇ ಮಾದರಿಯಲ್ಲಿ ಸದ್ದು ಮಾಡುತ್ತಿರುವ ನೆಟ್‌ಫ್ಲಿಕ್ಸ್ ಅನ್ನು ನೀಡಲಿದೆ. ಇದರಲ್ಲಿ ನೀವು ಉಚಿತವಾಗಿ ವಿಡಿಯೋಗಳನ್ನು ನೋಡಬಹುದಾಗಿದೆ.

ಯಾರಿಗೆ..?

ಏರ್‌ಟೆಲ್‌ ಈ ಬಾರಿ ನೆಟ್‌ಫ್ಲಿಕ್ಸ್ ಸೇವೆಯನ್ನು ತನ್ನ ಪೋಸ್ಟ್‌ಪೇಯ್ಡ್ ಬಳಕೆದಾರರಿಗೆ ಮತ್ತು ವಿ ಫೈಬರ್ ಬಳಕೆದಾರರಿಗೆ ಮಾತ್ರವೇ ನೀಡುತ್ತಿದೆ. ಇದಲ್ಲದೇ ಮೂಲಗಳ ಪ್ರಕಾರ ಶೀಘ್ರವೇ ಪ್ರೀಪೇಯ್ಡ್ ಬಳಕೆದಾರರಿಗೂ ಈ ಆಫರ್ ಲಭ್ಯವಿರಲಿದೆ ಎನ್ನಲಾಗಿದೆ. ಆದರೆ ಮೊದಲಿಗೆ ಪೋಸ್ಟ್‌ಪೇಯ್ಡ್ ಮತ್ತು ವಿ-ಫೈಬರ್ ಹೋಂ ಬ್ರಾಡ್ ಬ್ಯಾಂಡ್ ಬಳಕೆದಾರರಿಗೆ ದೊರೆಯಲಿದೆ.

ಮೂರು ತಿಂಗಳು ಉಚಿತ:

ಏರ್‌ಟೆಲ್ ಪೋಸ್ಟ್‌ಪೇಯ್ಡ್ ಮತ್ತು ವಿ-ಫೈಬರ್ ಹೋಂ ಬ್ರಾಡ್ ಬ್ಯಾಂಡ್ ಬಳಕೆದಾರರಿಗೆ ನೆಟ್‌ಫ್ಲಿಕ್ಸ್ ಸೇವೆಯೂ ಮೊದಲ ಮೂರು ತಿಂಗಳು ಮಾತ್ರವೇ ಉಚಿತವಾಗಿ ದೊರೆಯಲಿದೆ ಎನ್ನಲಾಗಿದೆ. ಆದರೆ ಅಮೆಜಾನ್ ಪ್ರೈಮ್ ಒಂದು ವರ್ಷದ ಕಾಲ ಬಳಕೆಗೆ ದೊರೆಯಲಿದೆ.

ಎಲ್ಲಿ ನೋಡುವುದು?

ನೆಟ್‌ಫ್ಲಿಕ್ಸ್ ಅನ್ನು ಏರ್‌ಟೆಲ್‌ ಬಳಕೆದಾರರು ತನ್ನ ಮೈ ಏರ್‌ಟೆಲ್ ಆಪ್‌ನಲ್ಲಿ ನೋಡಬಹುದಾಗಿದೆ. ಇದರೊಂದಿಗೆ ಏರ್‌ಟೆಲ್ ವೆಬ್‌ ಸೈಟಿನಲ್ಲಿಯೂ ಬಳಕೆ ಮಾಡಿಕೊಳ್ಳಬಹುದಾಗಿದೆ. ಈ ಎರಡು ವೇದಿಕೆಯಲ್ಲಿ ನೆಟ್‌ಫ್ಲಿಕ್ಸ್ ವಿಡಿಯೋಗಳನ್ನು ನೋಡಿ ಆನಂದಿಸಬಹುದಾಗಿದೆ.

ಬಳಕೆದಾರರನ್ನು ಸೆಳೆಯಲು:

ಈಗಾಗಲೇ ಪ್ರೀಪೇಯ್ಡ್ ಮಾರುಕಟ್ಟೆಯನ್ನು ಬಿಟ್ಟು ಪೋಸ್ಟ್ ಪೇಯ್ಡ್ ಮಾರುಕಟ್ಟೆಗೆ ಕಡೆಗೆ ತನ್ನ ಗಮನವನ್ನು ಹರಿಸಿರುವ ಏರ್‌ಟೆಲ್‌. ಇಲ್ಲಿ ಹೆಚ್ಚಿನ ಬಳಕೆದಾರರನ್ನು ಸೆಳೆಯುವ ಸಲುವಾಗಿಯೇ ಈ ಮಾದರಿಯ ಆಫರ್ ಅನ್ನು ನೀಡಿದೆ. ಈಗಾಗಲೇ ಮಾರುಕಟ್ಟೆಯಲ್ಲಿ ನೆಟ್‌ಫ್ಲಿಕ್ಸ್‌ ಬೇಡಿಕೆಯೂ ಹೆಚ್ಚಾಗುತ್ತಿರುವುದು ಇದಕ್ಕೆ ಕಾರಣವಾಗಿದೆ.