ಜಿಯೋಗೆ ಎಚ್ಚರಿಕೆ ಸಂದೇಶ: ಏರ್‌ಟೆಲ್‌ನಿಂದ ಬಿಗ್ ಡೇಟಾ ಆಫರ್....!

ರೂ.149 ಪ್ಲಾನ್:

ಈಗಾಗಲೇ ಮಾರುಕಟ್ಟೆಯಲ್ಲಿ ರೂ.149 ಪ್ಲಾನ್ ಸಾಕಷ್ಟು ದೊಡ್ಡ ಪ್ರಮಾಣದಲ್ಲಿ ಲಾಭವನ್ನು ಪಡೆದುಕೊಳ್ಳಲಿದೆ. ಇದುವರೆಗೂ 28 ದಿನಗಳ ಅವಧಿಯಲ್ಲಿ ನಿತ್ಯ 1.4 GB ಡೇಟಾವನ್ನು ಮಾತ್ರವೇ ದೊರೆಯುತಿತ್ತು. ಆದರೆ ಇನ್ನು ಮುಂದೆ ನಿತ್ಯ 2 GB ಡೇಟಾವನ್ನು ಬಳಕೆದಾರರಿಗೆ ನೀಡಲು ಮುಂದಾಗಿದೆ. ಈ ಮೂಲಕ ಜಿಯೋಗೆ ದೊಡ್ಡಮಟ್ಟದಲ್ಲಿ ಸೆಡ್ಡು ಹೊಡೆದಿದೆ.

ಎರಡನೇ ಬಾರಿ:

ಈ ಹಿಂದೆಯೂ ಏರ್‌ಟೆಲ್ ರೂ.149 ಪ್ಲಾನ್ ಅನ್ನು ಬದಲಾವಣೆಯನ್ನು ಮಾಡಿತ್ತು. ಮೊದಲು ಕೇವಲ ನಿತ್ಯ 1GB ಡೇಟಾವನ್ನು ಮಾತ್ರವೇ ನೀಡಲಾಗುತಿತ್ತು. ಆದರೆ ನಂತರದಲ್ಲಿ 1.4 GB ಡೇಟಾವನ್ನು ನಿತ್ಯ ನೀಡಲು ಶುರು ಮಾಡಿತು. ಇದಾದ ನಂತರದಲ್ಲಿ ಈಗ ನಿತ್ಯ 2GB ಡೇಟಾವನ್ನು ನೀಡಲು ಮುಂದಾಗಿದೆ.

ರೂ.399 ಪ್ಲಾನ್:

ಇದು ಸಹ ಏರ್‌ಟೆಲ್ ಬಿಡುಗಡೆ ಮಾಡಿರುವ ಪ್ಲಾನ್ ಗಳಲ್ಲಿ ಬೆಸ್ಟ್ ಪ್ಲಾನ್ ಎನ್ನಲಾಗಿದ್ದು, ಇದರಲ್ಲಿ ಬಳಕೆದಾರರಿಗೆ ಇದುವರಿಗೆ ನಿತ್ಯ 2 GB ಡೇಟಾವನ್ನು ಬಳಕೆಗೆ ನೀಡಲಾಗುತಿತ್ತು. ಆದರೆ ಸದ್ಯ ಇದರಲ್ಲಿ ಬದಲಾವಣೆಯನ್ನು ಮಾಡಲಾಗಿದ್ದು, ನಿತ್ಯ 2.4GB ಡೇಟಾವನ್ನು ಬಳಕೆಗೆ ನೀಡಲಿದೆ. ಇದರಿಂದಾಗಿ ಏರ್‌ಟೆಲ್ ಬಳಕೆದಾರರು ಸಾಕಷ್ಟು ಲಾಭ ಮಾಡಿಕೊಳ್ಳಬಹುದು.

ಜಿಯೋಗೆ ಎಚ್ಚರಿಕೆ:

ಈಗ ಟೆಲಿಕಾಂ ಮಾರುಕಟ್ಟೆಯಲ್ಲಿ ದೊಡ್ಡ ಪ್ರಮಾಣದಲ್ಲಿ ಬೆಳವಣಿಗೆಯನ್ನು ಸಾಧಿಸುತ್ತಿದ್ದು, ಈ ಹಿನ್ನೆಲೆಯಲ್ಲಿ ಮತ್ತೆ ಮಾರುಕಟ್ಟೆಯಲ್ಲಿ ತನ್ನ ಬಳಕೆದಾರರ ಸಂಖ್ಯೆಯನ್ನು ಏರಿಕೆ ಮಾಡಿಕೊಳ್ಳುವ ಸಲುವಾಗಿ ಜಿಯೋಗೆ ಎಚ್ಚರಿಕೆಯ ಸಂದೇಶವನ್ನು ರವಾನಿಸಲು ಈ ಪ್ಲಾನ್ ನಲ್ಲಿ ಬದಲಾವಣೆಯನ್ನು ಮಾಡಿದೆ ಎನ್ನಲಾಗಿದೆ.