ಇಂದಿನಿಂದ ಅಲ್ಕಾಟೆಲ್ V3 5G ಸರಣಿ ಸೇಲ್: ಆರಂಭಿಕ ಕೊಡುಗೆಯ ಬೆಲೆ 11,999 ರೂ.!

ಕಳೆದ ವಾರ ಭಾರತದಲ್ಲಿ ಬಿಡುಗಡೆಯಾಗಿರುವ ಅಲ್ಕಾಟೆಲ್ V3 ಸರಣಿಯ 5G ಸ್ಮಾರ್ಟ್‌ಫೋನ್‌ಗಳು ಇಂದಿನಿಂದ ಮೊದಲ ಬಾರಿಗೆ ಮಾರಾಟಕ್ಕೆ ಬಂದಿವೆ. ಅಲ್ಕಾಟೆಲ್ V3 ಸರಣಿಯಲ್ಲಿ ಪರಿಚಯಿಸಲಾಗಿರುವ V3 ಕ್ಲಾಸಿಕ್, V3 ಪ್ರೊ ಮತ್ತು V3 ಅಲ್ಟ್ರಾ ಮೂರು ಫೋನ್‌ಗಳು ಇಂದು (ಜೂನ್ 2) ಮಧ್ಯಾಹ್ನ 12 ಗಂಟೆಯಿಂದ ಫ್ಲಿಪ್‌ಕಾರ್ಟ್‌ನಲ್ಲಿ ಮೊದಲ ಮಾರಾಟಕ್ಕೆ ಲಭ್ಯವಾಗುತ್ತಿವೆ. ಹೊಸ ಅಲ್ಕಾಟೆಲ್ V3 ಅಲ್ಟ್ರಾ, V3 ಪ್ರೊ ಮತ್ತು V3 ಕ್ಲಾಸಿಕ್ 5G ಮುರು ಫೋನ್‌ಗಳು ಮೀಡಿಯಾಟೆಕ್ ಡೈಮೆನ್ಸಿಟಿ 6300 SoC ಪ್ರೊಸೆಸರ್‌ನ್ನು ಬಳಸುತ್ತವೆ ಮತ್ತು 8GB ವರೆಗೆ LPDDR4X RAM ಹೊಂದಿವೆ. ಈ ಫೋನ್‌ಗಳ ಆರಂಭಿಕ ಬೆಲೆ 12,999 ರೂ. ಆಗಿದ್ದು, ಕೊಡುಗೆಯ ಬೆಲೆಯಾಗಿ 11,999 ರೂ. ಆರಂಭಿಕ ಬೆಲೆಯಲ್ಲಿ ಖರೀದಿಗೆ ಲಭ್ಯವಾಗುತ್ತಿವೆ. ಈ ಮೂರು ಫೋನ್‌ಗಲ ಬೆಲೆ, ಫೀಚರ್ಸ್ ಮತ್ತು ಕೊಡುಗೆಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಅಲ್ಕಾಟೆಲ್ V3 5G ಸರಣಿ ಫೋನ್‌ಗಳು: ಭಾರತದಲ್ಲಿ ಬೆಲೆ ಮತ್ತು ಕೊಡುಗೆಗಳು
ಅಲ್ಕಾಟೆಲ್ V3 ಕ್ಲಾಸಿಕ್ 5G: 4GB + 128GB: ರೂ. 12,999 ಹಾಗೂ 6GB + 128GB: ರೂ. 14,999 : ಲಭ್ಯವಿರುವ ಬಣ್ಣಗಳು: ಕಾಸ್ಮಿಕ್ ಗ್ರೇ ಮತ್ತು ಹ್ಯಾಲೊ ವೈಟ್.
ಅಲ್ಕಾಟೆಲ್ V3 ಪ್ರೊ 5G: 8GB + 256GB ರೂ. 17,999 : ಲಭ್ಯವಿರುವ ಬಣ್ಣಗಳು: ಗ್ರೀನ್ ಮತ್ತು ಮೆಟಾಲಿಕ್ ಗ್ರೇ.
ಅಲ್ಕಾಟೆಲ್ V3 ಅಲ್ಟ್ರಾ 5G: 6GB + 128GB: ರೂ. 19,999 ಹಾಗೂ 8GB + 128GB: ರೂ. 21,999 : ಲಭ್ಯವಿರುವ ಬಣ್ಣಗಳು: ಷಾಂಪೇನ್ ಗೋಲ್ಡ್, ಹೈಪರ್ ಬ್ಲೂ ಮತ್ತು ಓಷನ್ ಗ್ರೇ.

ಅಲ್ಕಾಟೆಲ್ V3 ಸರಣಿ ಸ್ಮಾರ್ಟ್‌ಫೋನ್‌ಗಳ ಮೇಲೆ ಬಿಡುಗಡೆಯ ಕೊಡುಗೆಯಾಗಿ ಬ್ಯಾಂಕ್ ಕ್ಯಾಶ್‌ಬ್ಯಾಕ್ ಅನ್ನು ಒದಗಿಸಲಾಗುತ್ತಿದೆ. ಗ್ರಾಹಕರು ಬ್ಯಾಂಕ್ ಕೊಡುಗೆಯೊಂದಿಗೆ V3 ಅಲ್ಟ್ರಾ ಮತ್ತು V3 ಪ್ರೊ ಖರೀದಿಸಿದಾಗ ರೂ. 2,000 ರಷ್ಟು ತ್ವರಿತ ರಿಯಾಯಿತಿಯನ್ನು ಪಡೆಯಬಹುದು. ಆದರೆ V3 ಕ್ಲಾಸಿಕ್ ಖರೀದಿದಾರರು ರೂ. 1,000 ರಷ್ಟು ರಿಯಾಯಿತಿಯನ್ನು ಪಡೆಯುತ್ತಾರೆ. ಈ ಕೊಡುಗೆಗಳು ಆಕ್ಸಿಸ್, ICICI, SBI, ಅಥವಾ HDFC ಬ್ಯಾಂಕ್ ಕಾರ್ಡ್‌ಗಳನ್ನು ಬಳಸಿಕೊಂಡು ಮಾಡಿದ ವಹಿವಾಟುಗಳಿಗೆ ಅನ್ವಯಿಸುತ್ತವೆ. ಈ ರಿಯಾಯಿತಿಗಳೊಂದಿಗೆ, V3 ಅಲ್ಟ್ರಾ ಬೆಲೆ 17,999 ರೂ., V3 ಪ್ರೊ ಬೆಲೆ 15,999 ರೂ. ಮತ್ತು V3 ಕ್ಲಾಸಿಕ್ ಬೆಲೆ 11,999 ರೂ. ಆಗುತ್ತದೆ ಎಂದು ಕಂಪೆನಿ ತಿಳಿಸಿದೆ.

ಅಲ್ಕಾಟೆಲ್ V3 5G ಸರಣಿ ಫೋನ್‌ಗಳು: ಡಿಸ್‌ಪ್ಲೇ
ಅಲ್ಕಾಟೆಲ್ V3 ಕ್ಲಾಸಿಕ್ 5G: 6.67-ಇಂಚಿನ HD+ (720x1,600 ಪಿಕ್ಸೆಲ್‌ಗಳು) ಡಿಸ್ಪ್ಲೇ, 120Hz ರಿಫ್ರೆಶ್ ರೇಟ್.
ಅಲ್ಕಾಟೆಲ್ V3 ಪ್ರೊ 5G: 6.67-ಇಂಚಿನ HD+ NXTPAPER ಡಿಸ್ಪ್ಲೇ.
ಅಲ್ಕಾಟೆಲ್ V3 ಅಲ್ಟ್ರಾ 5G: 6.78-ಇಂಚಿನ ಪೂರ್ಣ-HD+ (1,080x2,640 ಪಿಕ್ಸೆಲ್‌ಗಳು) NXTPAPER ಸ್ಕ್ರೀನ್, 120Hz ರಿಫ್ರೆಶ್ ದರ.
ಎಲ್ಲಾ ಫೋನ್‌ಗಳು 2.5D ಪ್ಯಾನೆಲ್‌ಗಳನ್ನು ಬಳಸುತ್ತವೆ. ಪ್ರೊ ಆವೃತ್ತಿಯು AG ಆಂಟಿ-ಗ್ಲೇರ್ ಗ್ಲಾಸ್‌ನೊಂದಿಗೆ ಬರುತ್ತದೆ.
ಪ್ರೊ ಮತ್ತು ಅಲ್ಟ್ರಾ ಮಾದರಿಗಳು NXTPAPER ತಂತ್ರಜ್ಞಾನದೊಂದಿಗೆ ಬರುತ್ತವೆ. ಇವು ನಿಯಮಿತ, ಇಂಕ್ ಪೇಪರ್, ಮ್ಯಾಕ್ಸ್ ಇಂಕ್ ಮತ್ತು ಕಲರ್ ಪೇಪರ್ ಮೋಡ್‌ಗಳನ್ನು ಬೆಂಬಲಿಸುತ್ತವೆ ಮತ್ತು ಕಡಿಮೆ ನೀಲಿ ಬೆಳಕು ಹಾಗೂ ಆಂಟಿ-ಗ್ಲೇರ್ ವೈಶಿಷ್ಟ್ಯಗಳನ್ನು ಹೊಂದಿವೆ.

ಅಲ್ಕಾಟೆಲ್ V3 5G ಸರಣಿ ಫೋನ್‌ಗಳು: ಪ್ರೊಸೆಸರ್, RAM ಮತ್ತು ಸಂಗ್ರಹಣೆ
ಎಲ್ಲಾ ಅಲ್ಕಾಟೆಲ್ V3 5G ಸರಣಿಯ ಸ್ಮಾರ್ಟ್‌ಫೋನ್‌ಗಳು ಆಕ್ಟಾ-ಕೋರ್ ಮೀಡಿಯಾಟೆಕ್ ಡೈಮೆನ್ಸಿಟಿ 6300 ಚಿಪ್‌ಸೆಟ್‌ಗಳಿಂದ ಚಾಲಿತವಾಗಿವೆ.
ಅಲ್ಕಾಟೆಲ್ ಕ್ಲಾಸಿಕ್: 4GB ಮತ್ತು 6GB LPDDR4X RAM, 128GB ಆನ್‌ಬೋರ್ಡ್ ಸಂಗ್ರಹಣೆ.
ಅಲ್ಕಾಟೆಲ್ V3 ಅಲ್ಟ್ರಾ: 6GB ಮತ್ತು 8GB LPDDR4X RAM, 128GB ಆನ್‌ಬೋರ್ಡ್ ಸಂಗ್ರಹಣೆ.
ಅಲ್ಕಾಟೆಲ್ V3 ಪ್ರೊ: 8GB RAM, 256GB ಸಂಗ್ರಹಣೆ.
ಎಲ್ಲಾ ಫೋನ್‌ಗಳು ಆಂಡ್ರಾಯ್ಡ್ 15 OS ನಲ್ಲಿ ಕಾರ್ಯನಿರ್ವಹಿಸುತ್ತವೆ.

ಅಲ್ಕಾಟೆಲ್ V3 5G ಸರಣಿ ಫೋನ್‌ಗಳು: ಕ್ಯಾಮೆರಾ ವೈಶಿಷ್ಟ್ಯಗಳು
ಅಲ್ಕಾಟೆಲ್ V3 ಕ್ಲಾಸಿಕ್ 5G: ಹಿಂಭಾಗ: 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ + 0.08-ಮೆಗಾಪಿಕ್ಸೆಲ್ QVGA ಸಂವೇದಕ. ಮುಂಭಾಗ: 8-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ.
ಅಲ್ಕಾಟೆಲ್ V3 ಪ್ರೊ 5G:ಹಿಂಭಾಗ: 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ + 5-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಲೆನ್ಸ್. ಮುಂಭಾಗ: 8-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ.
ಅಲ್ಕಾಟೆಲ್ V3 ಅಲ್ಟ್ರಾ 5G: ಹಿಂಭಾಗ: 108-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ, 5-ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಶೂಟರ್, 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾ. ಮುಂಭಾಗ: 32-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ.

ಅಲ್ಕಾಟೆಲ್ V3 5G ಸರಣಿ ಫೋನ್‌ಗಳು: ಬ್ಯಾಟರಿ ಮತ್ತು ಚಾರ್ಜಿಂಗ್
ಅಲ್ಕಾಟೆಲ್ V3 ಕ್ಲಾಸಿಕ್ 5G: 5,200mAh ಬ್ಯಾಟರಿ, 10W ವೈರ್ಡ್ ಚಾರ್ಜಿಂಗ್
ಅಲ್ಕಾಟೆಲ್ V3 ಪ್ರೊ 5G: 5,010mAh ಬ್ಯಾಟರಿ, 18W ವೈರ್ಡ್ ಫಾಸ್ಟ್ ಚಾರ್ಜಿಂಗ್
ಅಲ್ಕಾಟೆಲ್ V3 ಅಲ್ಟ್ರಾ 5G: 5,010mAh ಬ್ಯಾಟರಿ, 33W ವೈರ್ಡ್ ಫಾಸ್ಟ್ ಚಾರ್ಜಿಂಗ್

ಅಲ್ಕಾಟೆಲ್ V3 5G ಸರಣಿ ಫೋನ್‌ಗಳು: ಸಂಪರ್ಕ ಮತ್ತು ಇತರೆ ವೈಶಿಷ್ಟ್ಯಗಳು
5G, Wi-Fi, ಬ್ಲೂಟೂತ್, GPS, NFC, 3.5mm ಆಡಿಯೊ ಜ್ಯಾಕ್ ಮತ್ತು USB ಟೈಪ್-C ಪೋರ್ಟ್
ಪ್ರೊ ಮತ್ತು ಅಲ್ಟ್ರಾ ಆವೃತ್ತಿಗಳು ಭದ್ರತೆಗಾಗಿ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್‌ಗಳನ್ನು ಹೊಂದಿವೆ.
ಅಲ್ಟ್ರಾ ರೂಪಾಂತರವು DTS X ಸೌಂಡ್‌ನೊಂದಿಗೆ ಡ್ಯುಯಲ್ ಸ್ಪೀಕರ್‌ಗಳನ್ನು ಹೊಂದಿದೆ.
ಎಲ್ಲಾ ಮಾದರಿಗಳು ಚಾರ್ಜರ್ ಮತ್ತು ಬಾಕ್ಸ್‌ನಲ್ಲಿ ರಕ್ಷಣಾತ್ಮಕ ಕವರ್‌ನೊಂದಿಗೆ ಬರುತ್ತವೆ.
ಅಲ್ಟ್ರಾ ರೂಪಾಂತರವು ಬಾಕ್ಸ್‌ನಲ್ಲಿ ಸ್ಟೈಲಸ್‌ಗೆ ಬೆಂಬಲದೊಂದಿಗೆ ಬರುತ್ತದೆ.