ಬರಲಿದೆ 22.5W ಫಾಸ್ಟ್‌ ಚಾರ್ಜಿಂಗ್‌ ಬೆಂಬಲಿಸುವ ರೆಡ್‌ಮಿಯ ಹೊಸ ಸ್ಮಾರ್ಟ್‌ಫೋನ್‌!

ಹೌದು, ಚೀನಾ ಮೂಲದ ಜನಪ್ರಿಯ ಸ್ಮಾರ್ಟ್‌ಫೋನ್‌ ತಯಾರಕ ಶಿಯೋಮಿ ತನ್ನ ಹೊಸ ಸ್ಮಾರ್ಟ್‌ಫೋನ್‌ ಅನ್ನು ಬಿಡುಗಡೆ ಮಾಡಲು ವೇದಿಕೆ ಸಿದ್ದಪಡಿಸುತ್ತಿದೆ. ಇನ್ನು ಈ ಸ್ಮಾರ್ಟ್‌ಫೊನ್‌ 4G ನೆಟ್‌ವರ್ಕ್‌ ಬೆಂಬಲಿಸುವ ಸ್ಮಾರ್ಟ್‌ಫೋನ್‌ ಆಗಿದ್ದು, 5G ಮೊಡೆಮ್‌ ಅನ್ನು ಸಹ ಹೊಂದಿರುವ ಸಾದ್ಯತೆ ಇದೆ ಎಂದು ಹೇಳಲಾಗ್ತಿದೆ. ಸದ್ಯ ಈ ಸ್ಮಾರ್ಟ್‌ಫೋನ್‌ ಕುರಿತು ಹಲವು ಮಾಹಿತಿಗಳು ಆನ್‌ಲೈನ್‌ ವೆಬ್‌ಸೈಟ್‌ಗಳಲ್ಲಿ ಲೀಕ್‌ ಆಗಿದೆ. ಸದ್ಯ ಲೀಕ್‌ ಮಾಹಿತಿಯಲ್ಲಿ ಯಾವೆಲ್ಲಾ ಆಂಶಗಳು ಬಹಿರಂಗಗೊಂಡಿವೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಒದಿ.

ಸದ್ಯ ಶಿಯೋಮಿ ಸಿದ್ದಪಡಿಸುತ್ತಿರುವ ಸ್ಮಾರ್ಟ್‌ಫೋನ್‌ ಅನ್ನು ರೆಡ್‌ಮಿ ನೋಟ್‌9 ಅಥವಾ ರೆಡ್‌ಮಿ 9 ಎಂದು ಗುರುತಿಸಲಾಗಿದೆ. ಇನ್ನು ಈ ಹೊಸ ಸ್ಮಾರ್ಟ್‌ಫೋನ್ ಮಾದರಿ ಸಂಖ್ಯೆ M2002J9E ಅನ್ನು ಹೊಂದಿದೆ. ಈ ಮಾದರಿಯ ಸಂಖ್ಯೆ ಆದಾರದ ಮೇಲೆ ಈ ಸ್ಮಾರ್ಟ್‌ಫೋನ್‌ 22.5W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ ಎಂದು ಹೇಳಲಾಗ್ತಿದೆ.ಹಾಗೇ ನೊಡುವುದಾದರೆ ಇಗಾಗಲೇ ಲಭ್ಯವಿರುವ ರೆಡ್‌ಮಿ ನೋಟ್ 9 ಸರಣಿಯ ಸ್ಮಾರ್ಟ್‌ಫೋನ್‌ ಗಳು ಈಗಾಗಲೇ 33W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

ಇನ್ನು ಈ ಸ್ಮಾರ್ಟ್‌ಫೋನ್‌ನಲ್ಲಿ ಗಮನಿಸಬೇಕಾದ ಮತ್ತೊಂದು ವಿಶೇಷತೆ ಅಂದರೆ ಅದು 5 ಜಿ ನೆಟ್‌ವರ್ಕ್‌ಗಳಿಗೆ ಬೆಂಬಲ. ಪ್ರಸ್ತುತ ರೆಡ್‌ಮಿ ನೋಟ್ 9 ಸ್ಮಾರ್ಟ್‌ಫೋನ್‌ಗಳು 4G LTE, 3G ಮತ್ತು 2G ನೆಟ್‌ವರ್ಕ್‌ಗಳನ್ನು ಮಾತ್ರ ಬೆಂಬಲಿಸುತ್ತವೆ. ಸದ್ಯ ಈ ಸ್ಮಾರ್ಟ್‌ಫೋನ್‌ ಚೀನಾದ ಮಾರುಕಟ್ಟೆಗೆ 5G ಆವೃತ್ತಿಯೊಂದಿಗೆ ಬರುವ ಸಾಧ್ಯತೆ ಇದೆ ಎಂದು ಹೇಳಲಾಗ್ತಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಕ್ಯಾಮೆರಾ ಮಾದರಿ ಹೇಗಿರಲಿದೆ ಎಂಬ ಮಾಹಿತಿ ಇನ್ನು ಕೂಡ ಬಹಿರಂಗವಾಗಿಲ್ಲ. ಅಲ್ಲದೆ ಇದರ ಪ್ರೊಸೆಸರ್‌ ವೇಗದ ಬಗ್ಗೆ ಕೂಡ ಮಾಹಿತಿ ಲಬ್ಯವಾಗಿಲ್ಲ.

ಸದ್ಯ ಮಾಡೆಲ್‌ ನಂಬರ್‌ M2003J15SC ಕಳೆದ ಜನವರಿಯ ಆರಂಭದಲ್ಲಿಯೇ MIIT ಪ್ರಮಾಣೀಕರಣವನ್ನು ಪಡೆದುಕೊಂಡಿದೆ. ಆದರೆ ಈ ಸ್ಮಾರ್ಟ್‌ಫೋನ್‌ ಯಾವ ರೂಪದಲ್ಲಿ ಅಂದರೆ ನೋಟ್‌ ಇಲ್ಲವೇ ಪ್ರೊ ರೂಪದಲ್ಲಿ ಬರಲಿದೆಯಾ ಅನ್ನುವುದರ ಬಗ್ಗೆ ಯಾವುದೇ ಖಚಿತತೆಯನ್ನ ಕಂಪೆನಿ ನಿಡಿಲ್ಲ. ಆದರೆ ಈ ಸ್ಮಾರ್ಟ್‌ಫೋನ್‌ ಹೊಸ ಆಕರ್ಷಕ ಫೀಚರ್ಸ್‌ಗಳ ಜೊತೆಗೆ ಬರುವುದ ಮಾತ್ರ ಪಕ್ಕಾ ಆಗಿದೆ. ಇನ್ನು ಈಗಾಗ್ಲೇ ರೆಡ್ಮಿ ನೊಟ್‌ ಸರಣಿಯ ಸ್ಮಾರ್ಟ್‌ಫೋನ್‌ಗಳ ಡಿಸ್‌ಪ್ಲೇ ಉತ್ತಮ ಮಾದರಿಯನ್ನ ಹೊಂದಿರುವುದರಿಂದ ಇದರ ಡಿಸ್‌ಪ್ಲೇ ಕುಡ ವೀಡಿಯೋ ವೀಕ್ಷಣೆಗೆ ಅನುಕೂಲಕರವಾಗಿರಲಿದೆ ಎಂದು ನಿರೀಕ್ಷಿಸಲಾಗಿದೆ.