ಭಾರತದಲ್ಲಿ ಹೊಸ ವಾಚ್‌ ಪರಿಚಯಿಸಿದ ಅಮಾಜ್‌ಫಿಟ್: ಸ್ಟೈಲಿಶ್‌ ಲುಕ್‌

ಅಮಾಜ್‌ಫಿಟ್‌ ಕಂಪೆನಿ ತನ್ನ ವಿಶೇಷ ಸ್ಮಾರ್ಟ್‌ವಾಚ್‌ಗಳಿಗೆ ಹೆಸರುವಾಸಿಯಾಗಿದೆ. ವಿಭಿನ್ನ ಶೈಲಿಯ ಸ್ಮಾರ್ಟ್‌ವಾಚ್‌ಗಳಿಂದ ಗಮನಸೆಳೆದಿರುವ ಅಮಾಜ್‌ಫಿಟ್‌ ಇದೀಗ ಹೊಸ ಸ್ಮಾರ್ಟ್‌ವಾಚ್‌ ಪರಿಚಯಿಸಿದೆ. ಇದನ್ನು ಅಮಾಜ್‌ಫಿಟ್ ಆಕ್ಟಿವ್ ಎಡ್ಜ್ ಸ್ಮಾರ್ಟ್‌ವಾಚ್ ಎಂದು ಹೆಸರಿಸಲಾಗಿದೆ. ಈ ಸ್ಮಾರ್ಟ್‌ವಾಚ್‌ Zepp Coact AI ವರ್ಕೌಟ್‌ ಅಸಿಸ್ಟೆಂಟ್‌ ಅನ್ನು ಒಳಗೊಂಡಿದೆ

ಹೌದು, ಅಮಾಜ್‌ಫಿಟ್‌ ಸಂಸ್ಥೆ Amazfit ಆಕ್ಟಿವ್ ಎಡ್ಜ್ ಸ್ಮಾರ್ಟ್‌ವಾಚ್‌ ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್ ವಾಚ್ 10 ಎಟಿಎಂ ನೀರಿನ ಪ್ರತಿರೋಧದೊಂದಿಗೆ ಒರಟಾದ ವಿನ್ಯಾಸವನ್ನು ಹೊಂದಿದೆ. ಜೊತೆಗೆ ಐದು ಉಪಗ್ರಹ ಸ್ಥಾನೀಕರಣ ವ್ಯವಸ್ಥೆಗಳ ಮೂಲಕ ನ್ಯಾವಿಗೇಷನ್ ಅನ್ನು ಬೆಂಬಲಿಸುತ್ತದೆ. ಹಾಗಾದ್ರೆ ಹೊಸ ಸ್ಮಾರ್ಟ್‌ವಾಚ್‌ನಲ್ಲಿ ಯಾವೆಲ್ಲಾ ಫೀಚರ್ಸ್‌ಗಳನ್ನು ನೀಡಲಾಗಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

Amazfit ಆಕ್ಟಿವ್ ಎಡ್ಜ್ ಸ್ಮಾರ್ಟ್‌ವಾಚ್‌ ಫೀಚರ್ಸ್‌ ಹೇಗಿದೆ?
Amazfit ಆಕ್ಟಿವ್ ಎಡ್ಜ್ ಸ್ಮಾರ್ಟ್‌ವಾಚ್‌ 1.32-ಇಂಚಿನ LCD ಡಿಸ್ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇಯು 360 x 360 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದಲ್ಲಿ ಬರಲಿದೆ. ಇನ್ನು ಡಿಸ್‌ಪ್ಲೇ TFT LCD ಸ್ಕ್ರೀನ್ ಹೊಂದಿದ್ದು, ಟೆಂಪರ್ಡ್ ಗ್ಲಾಸ್ + ಆಂಟಿಫಿಂಗರ್‌ಪ್ರಿಂಟ್ ಲೇಪನವನ್ನು ಪಡೆದಿದೆ. ಈ ಸ್ಮಾರ್ಟ್‌ವಾಚ್‌ Zepp OS 2.1 ನಲ್ಲಿ ರನ್‌ ಆಗುವ ಆಕ್ಟಿವ್ ಎಡ್ಜ್ Zepp Coact AI ವರ್ಕೌಟ್‌ ಅಸಿಸ್ಟೆಂಟ್‌ ಅನ್ನು ಒಳಗೊಂಡಿದೆ. ಈ ವಾಚ್‌ ಐದು ಉಪಗ್ರಹ ಸ್ಥಾನೀಕರಣ ವ್ಯವಸ್ಥೆಗಳ ಮೂಲಕ ನ್ಯಾವಿಗೇಷನ್ ಅನ್ನು ಬೆಂಬಲಿಸುತ್ತದೆ.

ಇದು ಫಿಟ್‌ನೆಸ್ ಉತ್ಸಾಹಿಗಳಿಗೆ ಅನುಗುಣವಾಗಿರುತ್ತದೆ. ಹೊರಾಂಗಣ ಮತ್ತು ಒಳಾಂಗಣ ಓಟ, ನಡಿಗೆ, ಹೊರಾಂಗಣ ಸೈಕ್ಲಿಂಗ್ ಮತ್ತು ದೀರ್ಘವೃತ್ತದ ತರಬೇತಿ ಸೇರಿದಂತೆ ಏಳು ಚಟುವಟಿಕೆಗಳಿಗೆ ಆಟೋಮ್ಯಾಟಿಕ್‌ ಡಿಟೆಕ್ಷನ್‌ನೊಂದಿಗೆ 130ಕ್ಕೂ ಹೆಚ್ಚು ಕ್ರೀಡಾ ವಿಧಾನಗಳನ್ನು ನೀಡಲಿದೆ. ಜೊತೆಗೆ 25 ಶಕ್ತಿ ವ್ಯಾಯಾಮಗಳಿಗಾಗಿ ಸ್ವಯಂ-ಪತ್ತೆಹಚ್ಚುವಿಕೆಯನ್ನು ಹೊಂದಿದೆ. ಇದು Android 7.0 ಮತ್ತು ಮೇಲಿನ, iOS 14.0 ಮತ್ತು ಹೆಚ್ಚಿನದನ್ನು ಕನೆಕ್ಟ್‌ ಮಾಡಬಹುದಾಗಿದ್ದು, Bluetooth 5.0 ಬೆಂಬಲಿಸಲಿದೆ.

Amazfit ಆಕ್ಟಿವ್ ಎಡ್ಜ್ ಸ್ಮಾರ್ಟ್‌ವಾಚ್‌ ಬಯೋಟ್ರ್ಯಾಕರ್ 3 PPG ಬಯೋಮೆಟ್ರಿಕ್ ಸೆನ್ಸಾರ್‌ ಅನ್ನು ಹೊಂದಿದೆ. ವೇಗವರ್ಧಕ ಸಂವೇದಕ, 3 ಆಕ್ಸಿಸ್ ಮೋಷನ್‌ ಸೆನ್ಸಾರ್‌, 4 ಸ್ಯಾಟ್‌ಲೈಟ್‌ ಸ್ಥಾನೀಕರಣ ವ್ಯವಸ್ಥೆಗಳನ್ನು (GPS, GLONASS, GALILEO, QZSS) ಹೊಂದಿದೆ. ಇದು ಝೆಪ್ ಕೋಚ್, ಝೆಪ್ ಕೋಚ್ ಚಾಲನೆಯಲ್ಲಿರುವ ತರಬೇತುದಾರ ಟ್ರ್ಯಾಕ್ ರನ್ ಮೋಡ್, ಸ್ಮಾರ್ಟ್ ಪಥ ತಿದ್ದುಪಡಿ, ವರ್ಚುವಲ್ ಪೇಸರ್, ರೇಸ್ ಡಿವೈಸ್‌ ಒಳಗೊಂಡಿದೆ.

ಈ ಸ್ಮಾರ್ಟ್‌ವಾಚ್‌ 370mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು 16 ದಿನಗಳ ಬ್ಯಾಟರಿ ಬಾಳಿಕೆಯೊಂದಿಗೆ ಬರಲಿದ್ದು, 10 ದಿನಗಳವರೆಗೆ ಬಳಕೆ ನೀಡಲಿದೆ. ಇನ್ನು 24 ದಿನಗಳವರೆಗೆ ಬ್ಯಾಟರಿ ಸೇವರ್ ಮೋಡ್‌ನಲ್ಲಿ, 20 ಗಂಟೆಗಳವರೆಗೆ GPS ಬಳಕೆಯನ್ನು ನೀಡಲಿದೆ. ಈ ಸ್ಮಾರ್ಟ್‌ವಾಚ್‌ 100 ಮೀಟರ್ ವರೆಗೆ ಈಜಲು ಮತ್ತು ಡೈವಿಂಗ್ ಮಾಡಲು ಸೂಕ್ತವಾಗಿದೆ. ಮೂರು ಬಣ್ಣಗಳಲ್ಲಿ 100ಕ್ಕೂ ಹೆಚ್ಚು ವಾಚ್ ಫೇಸ್‌ಗಳನ್ನು ಒದಗಿಸಲಿದೆ.

Amazfit ಆಕ್ಟಿವ್ ಎಡ್ಜ್ ಬೆಲೆ ಮತ್ತು ಲಭ್ಯತೆ
ಅಮಾಜ್‌ಫಿಟ್ ಆಕ್ಟಿವ್ ಎಡ್ಜ್ ಭಾರತದಲ್ಲಿ 12,999ರೂ ಬೆಲೆಯನ್ನು ಹೊಂದಿದೆ. ಇದು ಲಾವಾ ಬ್ಲಾಕ್, ಮಿಡ್‌ನೈಟ್ ಪಲ್ಸ್ ಮತ್ತು ಮಿಂಟ್ ಗ್ರೀನ್ ಕಲರ್‌ ಅಯ್ಕೆಗಳಲ್ಲಿ ಖರೀದಿಸಬಹುದಾಗಿದೆ. ಇದು ಫೆಬ್ರವರಿ 27 ರಿಂದ, Amazon.in, Amazfit ವೆಬ್‌ಸೈಟ್ ಮತ್ತು ರಾಷ್ಟ್ರವ್ಯಾಪಿ ಅಧಿಕೃತ ಚಿಲ್ಲರೆ ಪಾಲುದಾರರ ಮೂಲಕ ಲಭ್ಯವಾಗಲಿದೆ.