ಭಾರತದಲ್ಲಿ ಅಮಾಜ್‌ಫಿಟ್‌ GTS2 ಸ್ಮಾರ್ಟ್‌ವಾಚ್‌ ಲಾಂಚ್‌!..7 ದಿನಗಳ ಬ್ಯಾಟರಿ ಅವಧಿ!

ಹೌದು, ಅಮಾಜ್‌ಫಿಟ್‌ ತನ್ನ ಹೊಸ ಅಮಾಜ್‌ಫಿಟ್‌ GTS 2 ಅನ್ನು ಭಾರತದಲ್ಲಿ ಇದೇ ಡಿಸೆಂಬರ್‌ 21 ರಂದು ಬಿಡುಗಡೆ ಮಾಡಲಿದೆ. ಇದು ಜಿಟಿಆರ್ 2 ರ ನಂತರ ಅಮಾಜ್‌ಫಿಟ್‌ನ ಎರಡನೇ ಸ್ಮಾರ್ಟ್‌ವಾಚ್ ಆಗಿದೆ. ಇನ್ನು ಈ ಅಮಾಜ್‌ಫಿಟ್ ಜಿಟಿಎಸ್ 2 ಬೆಲೆ 12,999, ರೂ ಆಗಿದ್ದು, ಮಿಡ್‌ನೈಟ್ ಬ್ಲ್ಯಾಕ್ ಕಲರ್‌ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಇನ್ನುಳಿದಂತೆ ಈ ಸ್ಮಾರ್ಟ್‌ವಾಚ್‌ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಸದ್ಯ ಅಮಾಜ್‌ಫಿಟ್‌ ಬಿಡುಗಡೆ ಮಾಡಲು ಸಿದ್ದವಿರುವ ಅಮಾಜ್‌ ಫಿಟ್‌ GTS 2 ಗಿಂತ ಅಮಾಜ್‌ಫಿಟ್ GTR2 ಗಿಂತ ಭಿನ್ನವಾಗಿದೆ. ಇನ್ನು ಅಮಾಜ್‌ಫಿಟ್‌ GTS 2 ಸ್ಮಾರ್ಟ್‌ವಾಚ್‌ 1.65-ಇಂಚಿನ ಹೆಚ್‌ಡಿ ಅಮೋಲೆಡ್ ಡಿಸ್‌ಪ್ಲೇ ಯನ್ನು ಹೊಂದಿದೆ. ಇದರ ಮೇಲೆ ಆಂಟಿ-ಫಿಂಗರ್‌ಪ್ರಿಂಟ್ ಲೇಪನದೊಂದಿಗೆ 3D ಕಾರ್ನಿಂಗ್ ಗ್ಲಾಸ್ ಮತ್ತು ಸ್ಕ್ರ್ಯಾಚ್ ರೆಸಿಸ್ಟೆನ್ಸ್ ಲೇಪನವಿದೆ. ಈ ಸ್ಮಾರ್ಟ್ ವಾಚ್ 50 ಕ್ಕೂ ಹೆಚ್ಚು ವಾಚ್ ಫೇಸ್‌ಗಳನ್ನು ಬೆಂಬಲಿಸುತ್ತದೆ, ಮತ್ತು ಇದು ಆಲ್‌ವೆಸ್‌ ಡಿಸ್‌ಪ್ಲೇ ಯನ್ನು ಹೊಂದಿರುತ್ತದೆ.

ಇನ್ನು ಅಮಾಜ್‌ಫಿಟ್ GTS 2 ಹೃದಯ ಬಡಿತ ಮೇಲ್ವಿಚಾರಣೆಗಾಗಿ ಬಯೋಟ್ರಾಕರ್ 2 ಪಿಪಿಜಿ ಆಪ್ಟಿಕಲ್ ಸೆನ್ಸಾರ್ ಅನ್ನು ಒಳಗೊಂಡಿದೆ. ಇದರಲ್ಲಿ ಹೃದಯ ಬಡಿತ ವಿಶ್ರಾಂತಿ, ಹೃದಯ ಬಡಿತ ವಲಯಗಳು ಮತ್ತು ಅಸಹಜ ಹೃದಯ ಬಡಿತಗಳ ಎಚ್ಚರಿಕೆಗಳು ಸೇರಿವೆ. ಇದು ನಿಮ್ಮ ರಕ್ತ-ಆಮ್ಲಜನಕದ ಶುದ್ಧತ್ವವನ್ನು ಸಹ ಅಳೆಯಲಿದೆ. ಈ ಸ್ಮಾರ್ಟ್ ವಾಚ್ ನಿಮ್ಮ ನಿದ್ರೆಯನ್ನು REM ನಿದ್ರೆ ಮತ್ತು ಸಣ್ಣ ಕಿರು ನಿದ್ದೆ ಸೇರಿದಂತೆ ಮೇಲ್ವಿಚಾರಣೆ ಮಾಡಲಿದೆ. ಇದಲ್ಲದೆ ಅಮಾಜ್‌ಫಿಟ್ GTS2 ನಲ್ಲಿನ ಹೆಚ್ಚಿನ ಫೀಚರ್ಸ್‌ಗಳು 90 ಕ್ಕೂ ಹೆಚ್ಚು ಇಂಟರ್‌ಬಿಲ್ಟ್‌ ಕ್ರೀಡಾ ವಿಧಾನಗಳನ್ನು ಒಳಗೊಂಡಿವೆ.

ಅಮಾಜ್‌ ಫಿಟ್‌ GTS2 ವಾಚ್‌ 5 ಎಟಿಎಂ ವಾಟರ್‌ ರೆಸಿಸ್ಟೆನ್ಸ್‌ ಹೊಂದಿದ್ದು, 50 ಮೀಟರ್ ವರೆಗೆ ಇರುತ್ತದೆ. ಇನ್ನು ಲೋಕಲ್‌ ಮ್ಯೂಸಿಕ್‌ ಫೈಲ್‌ಗಳಿಗಾಗಿ ಸ್ಮಾರ್ಟ್ ವಾಚ್ 3GB ಸ್ಟೋರೇಜ್‌ ಸ್ಪೇಸ್‌ ಅನ್ನು ಹೊಂದಿದೆ. ಇದು ಫೋನ್ ಕರೆಗಳಿಗಾಗಿ ಇಂಟರ್‌ಬಿಲ್ಟ್‌ ಸ್ಪೀಕರ್ ಮತ್ತು ಮೈಕ್ರೊಫೋನ್ ಅನ್ನು ಸಹ ಹೊಂದಿದೆ. GTS 2 ಸ್ಮಾರ್ಟ್ ವಾಚ್ ಅನ್ನು ಬ್ಲೂಟೂತ್ ಹೆಡ್‌ಫೋನ್‌ಗಳಿಗೆ ಸಹ ಸಂಪರ್ಕಿಸಬಹುದಾಗಿದೆ. ಇನ್ನು ಅಮಾಜ್‌ಫಿಟ್ GTS 2 ನಲ್ಲಿ 246mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, ಇದು ಸಾಮಾನ್ಯ ಬಳಕೆಯಲ್ಲಿ ಏಳು ದಿನಗಳವರೆಗೆ ಮತ್ತು ಮೂಲ ಬಳಕೆಯಲ್ಲಿ 20 ದಿನಗಳವರೆಗೆ ಇರುತ್ತದೆ ಎಂದು ಹೇಳಲಾಗಿದೆ.