ಅಮೆಜಾನ್‌ನಲ್ಲಿ ಡಯಾಗ್ನೋಸ್ಟಿಕ್ಸ್: ಆರು ಗಂಟೆಗಳ ಒಳಗೆ ನಿಮ್ಮ ಲ್ಯಾಬ್ ಟೆಸ್ಟ್!

ಭಾರತದಲ್ಲಿ ಡಿಜಿಟಲ್ ಹೆಲ್ತ್‌ಕೇರ್ ಕ್ಷೇತ್ರದಲ್ಲಿ ತನ್ನ ಹೆಜ್ಜೆಗಳನ್ನು ಗಟ್ಟಿಗೊಳಿಸುತ್ತಿರುವ ಅಮೆಜಾನ್ ಇಂಡಿಯಾ, ದೇಶದಲ್ಲಿ ತನ್ನ ಹೊಸ ಅಮೆಜಾನ್ ಡಯಾಗ್ನೋಸ್ಟಿಕ್ಸ್ ಸೇವೆಗಳನ್ನು ಪ್ರಾರಂಭಿಸುವುದಾಗಿ ಘೋಷಿಸಿದೆ. ಈ ಹೊಸ ಸೇವೆಯು ಗ್ರಾಹಕರಿಗೆ ತಮ್ಮ ಮನೆಯಿಂದಲೇ ಲ್ಯಾಬ್ ಪರೀಕ್ಷೆಗಳ ಮಾದರಿಗಳನ್ನು ಸಂಗ್ರಹಿಸಲು ಅನುಕೂಲ ಕಲ್ಪಿಸುತ್ತದೆ. ಬಳಕೆದಾರರು ಅಮೆಜಾನ್ ಅಪ್ಲಿಕೇಶನ್ ಮೂಲಕ ಲ್ಯಾಬ್ ಪರೀಕ್ಷೆಗಳನ್ನು ಸುಲಭವಾಗಿ ಬುಕ್ ಮಾಡಬಹುದು, ಅಪಾಯಿಂಟ್‌ಮೆಂಟ್‌ಗಳನ್ನು ನಿಗದಿಪಡಿಸಬಹುದು ಮತ್ತು ಟ್ರ್ಯಾಕ್ ಮಾಡಬಹುದು, ಹಾಗೂ ಡಿಜಿಟಲ್ ವರದಿಗಳನ್ನು ಪ್ರವೇಶಿಸಬಹುದು.!

ಹೌದು, ಅಮೆಜಾನ್ ಈ ಹೊಸ ಡಯಾಗ್ನೋಸ್ಟಿಕ್ಸ್ ಸೇವೆಯನ್ನು ಆರೆಂಜ್ ಹೆಲ್ತ್ ಲ್ಯಾಬ್ಸ್ ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಇದು ಭಾರತದ ಆರು ಪ್ರಮುಖ ನಗರಗಳಲ್ಲಿ ಲಭ್ಯವಿಲಿದ್ದು, ಬೆಂಗಳೂರು, ದೆಹಲಿ, ಗುರುಗ್ರಾಮ್, ನೋಯ್ಡಾ, ಮುಂಬೈ, ಮತ್ತು ಹೈದರಾಬಾದ್ ಗ್ರಾಹಕರು ಆರೆಂಜ್ ಹೆಲ್ತ್ ಲ್ಯಾಬ್ಸ್‌ನ ಮೀಸಲಾದ ವೆಬ್‌ಸೈಟ್ ಮೂಲಕವೂ ಈ ಸೇವೆಗಳನ್ನು ಪ್ರವೇಶಿಸಬಹುದು. ಇಲ್ಲಿ ಅವರು ಲ್ಯಾಬ್ ಪರೀಕ್ಷೆಗಳನ್ನು ಆನ್‌ಲೈನ್‌ನಲ್ಲಿ ಬುಕ್ ಮಾಡಬಹುದು, ಅಪಾಯಿಂಟ್‌ಮೆಂಟ್‌ಗಳನ್ನು ನಿಗದಿಪಡಿಸಬಹುದು, ಮತ್ತು ಡಿಜಿಟಲ್ ವರದಿಗಳನ್ನು ವೀಕ್ಷಿಸಬಹುದು ಎಂದು ಕಂಪೆನಿಯು ತಿಳಿಸಿದೆ.

ಅಮೆಜಾನ್‌ನ ಪ್ರಕಾರ, ಈ ಸೇವೆಯು ಬಳಕೆದಾರರಿಗೆ ಗರಿಷ್ಠ ಅನುಕೂಲವನ್ನು ಒದಗಿಸುತ್ತದೆ. ಪರೀಕ್ಷೆಯನ್ನು ಬುಕ್ ಮಾಡಿದ ನಂತರ, ಅಮೆಜಾನ್‌ನ ವಿತರಣಾ ಪಾಲುದಾರರು ಬೆಳಿಗ್ಗೆ 6 ರಿಂದ ರಾತ್ರಿ 10 ರ ನಡುವೆ ಕೇವಲ 60 ನಿಮಿಷಗಳಲ್ಲಿ ಮಾದರಿಗಳನ್ನು ಸಂಗ್ರಹಿಸುತ್ತಾರೆ. ದೈನಂದಿನ ಪರೀಕ್ಷೆಗಳ ಫಲಿತಾಂಶಗಳ ಡಿಜಿಟಲ್ ವರದಿಗಳನ್ನು ಆರು ಗಂಟೆಗಳ ಒಳಗೆ ಬಳಕೆದಾರರು ಪಡೆಯಬಹುದು ಎಂದು ಕಂಪನಿ ಹೇಳಿದೆ. ಪ್ರಸ್ತುತ, ಈ ಸೇವೆಯು 450 ಕ್ಕೂ ಹೆಚ್ಚು ಪಿನ್ ಕೋಡ್‌ಗಳಲ್ಲಿ ಲಭ್ಯವಿದ್ದು, 800 ಕ್ಕೂ ಹೆಚ್ಚು ಡಯಾಗ್ನೋಸ್ಟಿಕ್ಸ್ ಪರೀಕ್ಷೆಗಳನ್ನು ಒದಗಿಸುತ್ತದೆ.

ಫೋಟೊ ಕೃಪೆ: ಅಮೆಜಾನ್ ಇಂಡಿಯಾ

ಅಮೆಜಾನ್ ಡಯಾಗ್ನೋಸ್ಟಿಕ್ಸ್ ಸೇವೆಯ ಪ್ರಾರಂಭವು ಭಾರತದಲ್ಲಿ ಕಂಪನಿಯ ವೈದ್ಯಕೀಯ ಸೇವೆಗಳ ವಿಸ್ತರಣೆಯ ಭಾಗವಾಗಿದೆ. ಅಮೆಜಾನ್ ಈಗಾಗಲೇ ಅಮೆಜಾನ್ ಕ್ಲಿನಿಕ್ ಮೂಲಕ ವೈದ್ಯರೊಂದಿಗೆ ವರ್ಚುವಲ್ ಸಮಾಲೋಚನೆಗಳನ್ನು ಮತ್ತು ಅಮೆಜಾನ್ ಫಾರ್ಮಸಿ ಮೂಲಕ ಪ್ರಿಸ್ಕ್ರಿಪ್ಷನ್ ಔಷಧಿಗಳ ಮನೆ ಬಾಗಿಲಿಗೆ ವಿತರಣೆಯನ್ನು ನೀಡುತ್ತಿದೆ. ಈ ಹೊಸ ಸೇವೆಗಳು ಅಮೆಜಾನ್ ತನ್ನ ಗ್ರಾಹಕರಿಗೆ ಸಮಗ್ರ ಆರೋಗ್ಯ ಸೇವೆಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುವ ಗುರಿಯನ್ನು ಹೊಂದಿದೆ ಎಂಬುದನ್ನು ಸೂಚಿಸುತ್ತದೆ.

ಅಮೆಜಾನ್ ಈ ಸೇವೆಯಲ್ಲಿ ರಿಯಲ್-ಟೈಮ್ ಸ್ಲಾಟ್ ಲಭ್ಯತೆ, ನಕ್ಷೆ-ಆಧಾರಿತ ವಿಳಾಸ ಪರಿಶೀಲನೆ, ಮತ್ತು ಅಮೆಜಾನ್ ಹೆಲ್ತ್ ಡ್ಯಾಶ್‌ಬೋರ್ಡ್ ಮೂಲಕ ಸುರಕ್ಷಿತ ಡಿಜಿಟಲ್ ವರದಿ ಪ್ರವೇಶದಂತಹ ವೈಶಿಷ್ಟ್ಯಗಳನ್ನು ಸಂಯೋಜಿಸುತ್ತಿದೆ ಎಂದು ಹೇಳಿಕೊಂಡಿದೆ. ಡೇಟಾ ಗೌಪ್ಯತೆ ಮತ್ತು ಗುಣಮಟ್ಟದ ಮಾನದಂಡಗಳಿಗೆ ಅತ್ಯಂತ ಕಠಿಣವಾಗಿ ಬದ್ಧವಾಗಿರುವುದಾಗಿ ಕಂಪನಿ ಹೇಳಿದ್ದರೂ, ಈ ವೈಶಿಷ್ಟ್ಯಗಳ ಕುರಿತು ಹೆಚ್ಚಿನ ವಿವರಗಳನ್ನು ನೀಡಿಲ್ಲ. ಹಾಗೆಯೇ, ಈ ಸೇವೆಗೆ ನಿಖರವಾದ ಬೆಲೆ ಎಷ್ಟು ಎಂಬುದನ್ನು ಸಹ ಬಹಿರಂಗಪಡಿಸಿಲ್ಲ

ಈ ಹೊಸ ಹೆಜ್ಜೆಯೊಂದಿಗೆ, ಅಮೆಜಾನ್ ಭಾರತದ $15 ಬಿಲಿಯನ್ (ಸುಮಾರು ₹1.3 ಲಕ್ಷ ಕೋಟಿ) ಮೌಲ್ಯದ ಡಯಾಗ್ನೋಸ್ಟಿಕ್ಸ್ ಮಾರುಕಟ್ಟೆಯನ್ನು ಪ್ರವೇಶಿಸಿದೆ. ಈ ಮಾರುಕಟ್ಟೆಯು ಪ್ರಸ್ತುತ ದೊಡ್ಡ ನಿಗಮಗಳು ಮತ್ತು ಸಣ್ಣ ಪ್ರಯೋಗಾಲಯಗಳಿಂದ ಪ್ರಾಥಮಿಕವಾಗಿ ಆನ್-ಸೈಟ್ ಲ್ಯಾಬ್-ಪರೀಕ್ಷಾ ಸೇವೆಗಳಾಗಿ ನಡೆಸಲ್ಪಡುತ್ತದೆ. ಕಳೆದ ದಶಕದಲ್ಲಿ ಮನೆ-ಆಧಾರಿತ ರೋಗನಿರ್ಣಯ ಸೇವೆಗಳು ಹೆಚ್ಚು ಜನಪ್ರಿಯತೆಯನ್ನು ಗಳಿಸಿವೆ, ವಿಶೇಷವಾಗಿ COVID-19 ಸಾಂಕ್ರಾಮಿಕದ ಸಮಯದಲ್ಲಿ ಅವುಗಳ ಬೇಡಿಕೆ ಹೆಚ್ಚಾಗಿತ್ತು.

ಅಮೆಜಾನ್‌ನ ಪ್ರವೇಶವು ಈ ಕ್ಷೇತ್ರದಲ್ಲಿ ಮತ್ತಷ್ಟು ಸ್ಪರ್ಧೆಯನ್ನು ತರಲಿದ್ದು, ಗ್ರಾಹಕರಿಗೆ ಹೆಚ್ಚು ಅನುಕೂಲಕರ ಮತ್ತು ಪ್ರವೇಶಿಸಬಹುದಾದ ಆರೋಗ್ಯ ಸೇವೆಗಳನ್ನು ಒದಗಿಸುವ ಸಾಧ್ಯತೆಯಿದೆ. ಈ ಕುರಿತಂತೆ ನಿಮ್ಮ ಅಭಿಪ್ರಾಯ ಏನು ಎಂಬುದನ್ನು ಈ ಕೆಳಗೆ ಕಾಮೆಂಟ್ ಮಾಡಿ ತಿಳಿಸಿ.