ಆನ್‌ಲೈನ್‌ ಫುಡ್‌ ಡೆಲಿವರಿ ಸೇವೆ ಪ್ರಾರಂಭಿಸಿದ ಅಮೆಜಾನ್‌!

ಹೌದು, ಅಮೆಜಾನ್‌ ಸಂಸ್ಥೆ ಬೆಂಗಳೂರಿನ ಪ್ರಮುಖ ಪ್ರದೇಶಗಳಲ್ಲಿ ಅಮೆಜಾನ್‌ ಫುಡ್‌ ಸೇವೆಯನ್ನು ಶುರುಮಾಡಿದೆ. ಇದರಲ್ಲಿ ಬೆಂಗಳೂರಿನ ಪ್ರಮುಖ ಪ್ರದೇಶಗಳಾದ ಹೆಚ್‌ಎಸ್‌ಆರ್‌ ಲೇ ಔಟ್‌, ಸರ್ಜಾಪುರ, ವೈಟ್‌ಫೀಲ್ಡ್‌ ಸೇರಿದಂತೆ ಹಲವು ಏರಿಯಾಗಳಲ್ಲಿ ತನ್ನ ಸೇವೆಯನ್ನು ಪರಿಚಯಿಸಿದೆ. ಈ ಮೂಲಕ ಬೆಂಗಳೂರಿನ ಜನತೆಗೆ ಶುಚಿ ರುಚಿಯಾದ ಆಹಾರವನ್ನು ತಲುಪಿಸುವ ಕಾರ್ಯಕ್ಕೆ ಮುಂದಾಗಿದೆ. ಹಾಗಾದ್ರೆ ಅಮೆಜಾನ್‌ ಪುಡ್‌ ಸೇವೆಯ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಅಮೆಜಾನ್ ಫುಡ್ ಭಾರತದ ಒಂದು ಪ್ರಮುಖ ಮಾರುಕಟ್ಟೆಗೆ ಸೀಮಿತವಾಗಿದ್ದರೂ ಸಹ, ಕಂಪನಿಯು ನಗರದಲ್ಲಿ ಸ್ಪರ್ಧೆಯನ್ನು ಕಡಿಮೆ ಮಾಡಲು ಪ್ರಯತ್ನಿಸುತ್ತಿದೆ. ಈ ಮೂಲಕ ಆನ್‌ಲೈನ್‌ ಫುಡ್‌ ಡೆಲಿವರಿಯಲ್ಲಿ ಮುಂಚೂಣಿಯಲ್ಲಿರುವ ಜೊಮಾಟೊ ಮತ್ತು ಸ್ವಿಗ್ಗಿ ಸೇವೆಗಳಿಗೆ ಟಕ್ಕರ್‌ ನೀಡಲು ಮುಂದಾಗಿದೆ. ಇನ್ನು ಅಮೆಜಾನ್‌ ಫುಡ್‌ ಸೇವೆ ಪಡೆಯಬೇಕಾದರೆ ಪ್ರೈಮ್‌ ಮೆಂಬರ್‌ಗಳಿಗೆ ಫುಡ್‌ ಡೇಲಿವರಿ ಉಚಿತವಾದರೆ, ಇತರರು 19ರೂ.ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಇದು ಸ್ವಿಗ್ಗಿ ಮತ್ತು ಜೊಮಾಟೊ ವಿಧಿಸುವ ಶುಲ್ಕಕ್ಕಿಂತ ಅಗ್ಗವಾಗಿದೆ.

ಇನ್ನು ತನ್ನ ಅಮೆಜಾನ್‌ ಪುಡ್‌ ಮೂಲಕ ಭಾರತದಲ್ಲಿ $6.5 ಬಿಲಿಯನ್ ಹೂಡಿಕೆ ಮಾಡಲು ಬದ್ಧವಾಗಿರುವ ಅಮೆಜಾನ್‌ ಬೆಂಗಳೂರಿನಲ್ಲಿ 2,500 ರೆಸ್ಟೋರೆಂಟ್‌ಗಳು ಮತ್ತು ಕ್ಲೌಡ್ ಕಿಚನ್‌ಗಳನ್ನು ಸಂಗ್ರಹಿಸಿದೆ. ಬೆಂಗಳೂರಿನಲ್ಲಿ ಅತ್ಯಂತ ಜನಪ್ರಿಯ ಹಾಗೂ ಶುಚಿತ್ವ ಕಾಪಾಡಿಕೊಳ್ಳುವ ಸರ್ಟಿಫೈಡ್ ಹೊಂದಿರುವ ರೆಸ್ಟೋರೆಂಟ್‌ಗಳು ಮತ್ತು ಕ್ಲೌಡ್ ಕಿಚನ್‌ಗಳನ್ನು ಪಟ್ಟಿ ಮಾಡಿದೆ. ಇವುಗಳ ಮೂಲಕ ಗ್ರಾಹಕರು ತಮಗಿಷ್ಟವಾಗಿರುವ ತಿಂಡಿ-ತಿನಿಸುಗಳನ್ನು ಗ್ರಾಹಕರು ಆರ್ಡರ್ ಮಾಡಿ ಹೋಮ್ ಡೆಲಿವರಿ ಪಡೆಯಬಹುದಾಗಿದೆ.

ಬೆಂಗಳೂರಿನಲ್ಲಿ ಅಮೆಜಾನ್ ಫುಡ್ ವಿಸ್ತರಣೆಯೊಂದಿಗೆ, ಜನರ ದೈನಂದಿನ ಜೀವನದ ಒಂದು ಭಾಗವಾಗಿರುವ ಊಟದ ಸೇವೆಯನ್ನು ನೀಡುವ ಪ್ರಯತ್ನವನ್ನು ನಾವು ಮುಂದುವರಿಸುತ್ತೇವೆ. ಅಮೆಜಾನ್ ಫುಡ್ ರಾಷ್ಟ್ರೀಯ ಮಳಿಗೆಗಳು ಮತ್ತು ಸ್ಥಳೀಯ ಹೋಟೆಲ್‌ಗಳನ್ನು ಒಳಗೊಂಡಂತೆ ನಗರದ ಕೆಲವು ಉನ್ನತ ರೆಸ್ಟೋರೆಂಟ್‌ಗಳನ್ನು ಹೊಂದಿರಲಿದೆ. ಇವು ಕಟ್ಟುನಿಟ್ಟಾದ ವಿತರಣೆ ಮತ್ತು ಸುರಕ್ಷತಾ ಪ್ರೋಟೋಕಾಲ್‌ಗಳನ್ನು ಅನುಸರಿಸುತ್ತವೆ "ಎಂದು ಅಮೆಜಾನ್ ಇಂಡಿಯಾದ ಡೈರೆಕ್ಟರ್‌ ಆಫ್‌ ಕ್ಯಾಟಗರಿ ಮ್ಯಾನೇಜ್‌ಮೆಂಟ್‌ ಸಮೀರ್ ಖೇತರ್‌ಪಾಲ್ ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.