ರೊಚ್ಚಿಗೆದ್ದ ಸೋನಾಕ್ಷಿ!..ಭಾರತದಲ್ಲಿ 'ಅಮೆಜಾನ್' ಬೆಲೆ ಮೂರು ಕಾಸಿಗೆ ಹರಾಜು!!

ಏನಿದು ಮೋಸದ ಘಟನೆ?

ಸೋನಾಕ್ಷಿ ಅವರು ಆನ್‌ಲೈನಿನಲ್ಲಿ ಬಂದ ವಸ್ತುವಿನ ಫೋಟೋ ತೆಗೆದು ಅದನ್ನು ಟ್ವಿಟ್ಟರಿನಲ್ಲಿ ಹಾಕಿ ಅದಕ್ಕೆ, 'ನಾನು ಅಮೆಜಾನ್‍ನಲ್ಲಿ ಹೆಡ್‌ಫೋನ್ ಬುಕ್ ಮಾಡಿದೆ. ಆದರೆ ಹೆಡ್‌ಫೋನ್ ಬದಲು ನನಗೆ ಈ ವಸ್ತು (ಕಬ್ಬಿಣದ ತುಂಡುಗಳು) ಸಿಕ್ಕಿದೆ. ಈ ಪ್ಯಾಕೇಟ್ ಅಸಲಿ ಎಂದು ಕಾಣಿಸುತ್ತದೆ. ಆದರೆ ಅದು ಹೊರಗಿನಿಂದ ಮಾತ್ರ. ಎಂದು ಹೇಳಿದ್ದಾರೆ. ಹೀಗೆ ಹೇಳಿ ಅಮೆಜಾನ್‌ನಿಂದ ಆಗಿರುವ ಮೋಸವನ್ನು ಸಾರ್ವಜನಿಕವಾಗಿ ಬಯಲಿಗೆಳದಿದ್ದಾರೆ.

ಸಹಾಯ ಮಾಡಲು ಮುಂದಾಗುತ್ತಿಲ್ಲ!

ಈ ಬಗ್ಗೆ ಟ್ವೀಟರ್ ನಲ್ಲಿ ಹಂಚಿಕೊಂಡ ನಟಿ, "ಹೇ @ ಅಮೆಜಾನ್! ನೋಡಿ ಇಲ್ಲಿ ನಾನು ಮಾಡಿದೆ ಆರ್ಡರ್ ಮಾಡಿದ ಬೋಸ್ ಹೆಡ್ ಫೋನ್ ಸಿಗುವುದಕ್ಕಿಂತ ಏನು ಬಂದಿದೆ ಎಂದು.! ಸರಿಯಾಗಿ ಪ್ಯಾಕ್ ಮಾಡಲಾಗಿದೆ ಮತ್ತು ತೆರೆದ ಬಾಕ್ಸ್ ಕೂಡ ಇದೆ. ಇಲ್ಲಿಂದ ನಿಮ್ಮ ಗ್ರಾಹಕ ಸೇವೆಯ ಕೇಂದ್ರವೂ ಕೂಡ ಸರಿಯಾಗಿ ಸಹಾಯ ಮಾಡುವುದಿಲ್ಲ, ಅದು ನನಗೆ ಮತ್ತಷ್ಟು ಕೆಟ್ಟದಾದ ಅನುಭವಕ್ಕೆ ಕಾರಣವಾಗಿದೆ ಎಂದು ಹೇಳಿದ್ದಾರೆ.

ಸೋನಾಕ್ಷಿ ಟ್ವೀಟ್ಗೆ ಭಾರಿ ಪ್ರತಿಕ್ರಿಯೆ

ಯಾವಾಗ ಸೋನಾಕ್ಷಿ ಟ್ವೀಟರ್ ನಲ್ಲಿ ಫೋಟೋ ಸಹಿತ ಈ ವಿಷಯ ಹಂಚಿಕೊಂಡಿದ್ದಾರೋ ಆ ನಂತರ. ಟ್ವೀಟಿಗರು ಈ ಬಗ್ಗೆ ಭರ್ಜರಿ ಪ್ರತಿಕ್ರಿಯೆಯನ್ನು ಕೊಟ್ಟಿದ್ದಾರೆ. ಹೆಚ್ಚಿನವರು ಅಮೆಜಾನ್ ಮೇಲಿನ ಕೆಟ್ಟ ಗ್ರಾಹಕ ಸೇವೆ ಬಗ್ಗೆ ತಕರಾರು ಮಾಡಿದ್ದಾರೆ ಮತ್ತು ವೆಬ್‌ಸೈಟ್ ಬಗ್ಗೆ ಹಾಸ್ಯ ಮಾಡಿದ್ದಾರೆ. ಸರಿಯಾಗಿ ಪ್ರತ್ಯುತ್ತರ ಕೊಡುವಂತೆ ಅಮೆಜಾನ್ ಸಂಸ್ಥೆಗೆ ಸಾಮಾಜಿಕ ಜಾಲತಾಣಿಗರು ಆಗ್ರಹಿಸಿದ್ದಾರೆ.

ಕ್ಷಮೆ ಕೇಳಿದ ಅಮೆಜಾನ್

ಟ್ವೀಟರ್‌ನಲ್ಲಿ ಹೀಗೆ ಹಿಗ್ಗಾಮುಗ್ಗಾ ಉಗಿಸಿಕೊಂಡ ಅಮೆಜಾನ್ ಸಂಸ್ಥೆ ನಂತರ ನಟಿಯ ಬಳಿ ಕ್ಷಮೆ ಕೇಳಿದೆ. ಖಂಡಿತಾ ಇದು ಸ್ವೀಕಾರಾರ್ಹವಲ್ಲ, ನಿಮ್ಮ ಆರ್ಡರ್‌ನ ಕೆಟ್ಟ ಅನುಭವವನ್ನು ಕ್ಷಮೆಯಾಚಿಸುತ್ತೇವೆ ಮತ್ತು ನಮ್ಮ ಬೆಂಬಲ ತಂಡವು ಮುಂದಿನ ವ್ಯವಹಾರ ನಡೆಯಲಿದೆ. ದಯವಿಟ್ಟು ನೀವು ಸಂಪೂರ್ಣ ಮಾಹಿತಿ ನೀಡಿ ನಾವು ನಿಮ್ಮನ್ನು ಸಂರ್ಪಕಿಸುತ್ತೇವೆ ಎಂದು ರೀ ಟ್ವೀಟ್ ಮಾಡಿದೆ.

ಮತ್ತೆ ಕಾಲೆಳೆದ ಸೋನಾಕ್ಷಿ!

ಅಮೆಜಾನ್ ಕ್ಷಮೆಕೇಳಿದ್ದನ್ನು ಮತ್ತೆ ರೀ ಟ್ವಿಟ್ ಮಾಡಿರುವ ಸಿನ್ಹಾ ಅವರು ಮತ್ತೆ ಅಮೇಜಾನ್ ಅನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. "ಯಾರದರೂ 18,000 ರೂ.ಗೆ ಈ ಕಬ್ಬಿಣದ ಪೀಸ್ ಖರೀದಿಸುತ್ತೀರಾ?. ನಾನು ಇದನ್ನೇ ಮಾರಾಟ ಮಾಡುತ್ತೇನೆ. ಅಮೆಜಾನ್ ರೀತಿ ಮಾಡುವುದಿಲ್ಲ. ನೀವು ಆರ್ಡರ್ ಮಾಡಿದ ಈ ವಸ್ತುವನ್ನೇ ನೀಡುತ್ತೇನೆ" ಎಂದು ಬರೆದು ಕಿಡಿಕಾರಿದ್ದಾರೆ. ಇದು ಭಾರತದಲ್ಲಿ 'ಅಮೆಜಾನ್' ಬೆಲೆ ಮೂರು ಕಾಸಿಗೆ ಹರಾಜಾಗುವಂತೆ ಮಾಡಿದೆ.