ಅಂಬ್ರೇನ್ ಕಂಪೆನಿಯ BT-83 ಪೋರ್ಟ್‌ಬಲ್‌ ಸ್ಪೀಕರ್‌ ಬಿಡುಗಡೆ!..ಬೆಲೆ 1,999ರೂ!

ಹೌದು, ದೇಶಿ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಾನಿಕ್ಸ್‌ ಉತ್ಪನ್ನಗಳ ಮೂಲಕವೇ ಸಂಚಲನ ಸೃಷ್ಟಿಸಿರುವ ಅಂಬ್ರೇನ್ ಕಂಪೆನಿ ತನ್ನ ಹೊಸ BT-83 ಪೋರ್ಟ್‌ಬಲ್‌ ಸ್ಪೀಕರ್‌ ಅನ್ನು ಲಾಂಚ್‌ ಮಾಡಿದೆ. ಈ ಸ್ಪೀಕರ್‌ನ ಹೊರ ಮೇಲ್ಮೈ ಬಹಳ ಒರಾಟದ ವಿನ್ಯಾಸವನ್ನ ಹೊಂದಿದ್ದು, IPX6 ಪ್ರೊಟೆಕ್ಷನ್‌ ಅನ್ನು ಹೊಂದಿದೆ. ಜೊತೆಗೆ ಈ ಸ್ಪೀಕರ್‌ನಲ್ಲಿ ಉತ್ತಮ ಸೌಂಡ್‌ ಸಿಸ್ಟಂ ಅನ್ನು ಅಳವಡಿಸಲಾಗಿದೆ. ಇದಲ್ಲದೆ ಈ ಸ್ಪೀಕರ್‌ ಮೇಲೆ ಒಂದು ವರ್ಷದ ವಾರೆಂಟಿಯನ್ನ ನೀಡಲಾಗಿದ್ದು, 1,999ರೂ,ಗಳಿಗೆ ಲಭ್ಯವಾಗಲಿದೆ.

ಈ ಸ್ಪೀಕರ್‌ ಸಿಲಿಂಡರ್‌ ಆಕೃತಿಯನ್ನ ಹೊಂದಿದ್ದು, ಹೊರ ಮೇಲ್ಮೈ ಒರಾಟದ ವಿನ್ಯಾಸವನ್ನ ಒಳಗೊಂಡಿದೆ. ಇದು ಜೋಲಿ ಮಾದರಿಯನ್ನ ಹೊಂದಿದ್ದು ಸುಲಭವಾಗಿ ಕ್ಯಾರಿ ಮಾಡಲು ಸಾಧ್ಯವಾಗಲಿದೆ. ಅಲ್ಲದೆ ಈ ಸ್ಪೀಕರ್‌ ಗ್ರೀಲ್‌ಗಳು ಒರಾಟದ ರಚನೆಯನ್ನ ಹೊಂದಿರುವುದರಿಂದ ಉತ್ತಮ ಬಾಳಿಕೆ ಬರಲಿದೆ. ಜೊತೆಗೆ ಈ ಬ್ಲೂಟೂತ್‌ ಸ್ಪೀಕರ್‌ IPX6 ಪ್ರೊಟೆಕ್ಷನ್‌ ಹೊಂದಿದ್ದು, ಇದು ವಾಟರ್‌ ಪ್ರೂಪ್‌ ಹಾಗೂ ಧೂಳು ನಿರೋಧಕ ಗುಣವನ್ನ ಹೊಂದಿದೆ.

ಇನ್ನು ಅಂಬ್ರೇನ್‌ ಕಂಪೆನಿಯ ಈ ಬ್ಲೂಟೂತ್‌ ಸ್ಪೀಕರ್‌ ಟ್ರೂ ವಾಯರ್‌ಲೆಸ್‌ ಸ್ಟೆರಿಯೋ ಟೆಕ್ನಾಲಜಿಯನ್ನ ಹೊಂದಿದೆ. ಅಲ್ಲದೆ ಉತ್ತಮ ಆಡಿಯೋ ಡ್ರೈವರ್‌ಗಳನ್ನ ಒಳಗೊಂಡಿದ್ದು, ಮೂರು ಹಂತದ ಹೈ ಬಾಸ್‌ ಕ್ಲಾರಿಟಿಯನ್ನ ಬಳಕೆದಾರರಿಗೆ ನೀಡಲಿದೆ. ಜೊತೆಗೆ 10W ಆಡಿಯೋ ಔಟ್‌ಪುಟ್‌ ಅನ್ನು ಒದಗಿಸಲಿದೆ. ಇದಲ್ಲದೆ ಈ ಸ್ಪೀಕರ್‌‌ 2,200mAh ಸಾಮರ್ಥ್ಯದ ಬ್ಯಾಟರಿ ಪ್ಯಾಕ್‌ಅಪ್‌ ಅನ್ನು ಹೊಂದಿದ್ದು, 7ಗಂಟೆಗಳ ಅವಧಿಯ ಬ್ಯಾಟರಿ ಬಾಳಿಕೆಯನ್ನ ನೀಡಲಿದೆ.

ಅಲ್ಲದೆ ಈ ಸ್ಪೀಕರ್‌ ಬ್ಲೂಟೂತ್‌ ಬೆಂಬಲವನ್ನು ಹೊಂದಿರುವುದರಿಂದ ಹ್ಯಾಡ್ಸ್‌ ಫ್ರೀ ಕಾಲಿಂಗ್‌ ಸೌಲಭ್ಯವನ್ನು ಸಹ ಬೆಂಬಲಿಸಲಿದೆ. ಇನ್ನು ಈ ಸ್ಪೀಕರ್‌ 10m ನಷ್ಟು ವಾಯರ್‌ಲೆಸ್‌ ರೇಂಜ್‌ ಅನ್ನು ಒಳಗೊಂಡಿದೆ. ಇನ್ನು ಕನೆಕ್ಟಿಟಿವಿಟಿ ಆಯ್ಕೆಗಳಲ್ಲಿ AUX ಇನ್‌ಪುಟ್‌, ಮೆಮೊರಿ ಕಾರ್ಡ್‌ ಮತ್ತು ಬ್ಲೂಟೂತ್‌ ಅನ್ನು ಬೆಂಬಲಿಸಲಿದೆ. ಇನ್ನು ಈ ಸ್ಪೀಕರ್‌ನ ಬೆಲೆ 1,999ರೂ ಆಗಿದ್ದು. ದೇಶದ ಪ್ರಮುಖ ರಿಟೇಲ್‌ ಮಳಿಗೆಗಳು ಹಾಗೂ ಇ-ಕಾಮರ್ಸ್‌ ತಾಣಗಳಲ್ಲಿ ಖರೀದಿಸಬಹುದಾಗಿದೆ. ಅಲ್ಲದೆ ಈ ಸ್ಪೀಕರ್‌ ಬ್ಲ್ಯಾಕ್‌ ಮತ್ತು ಟೀಲ್‌ ಬ್ಲೂ ಕಲರ್‌ ಆಯ್ಕೆಯಲ್ಲಿ ಲಭ್ಯವಾಗಲಿದೆ.