AMD ಸಂಸ್ಥೆಯಿಂದ ರೈಜೆನ್ 3 3300X ಮತ್ತು ರೈಜೆನ್ 3 3100 ಸಿಪಿಯು ಬಿಡುಗಡೆ!

ಹೌದು, AMD ಕಂಪೆನಿ ತನ್ನ ಡೆಸ್ಕ್‌ಟಾಪ್‌ ರೈಜನ್‌ 3000 CPU ಗಳನ್ನ ಹೊಸ ಮಾದರಿಯಲ್ಲಿ ಬಿಡುಗಡೆ ಂಆಡಿದೆ. ಸದ್ಯ ಇದೀಗ AMD ಸಂಸ್ಥೆಯ ಹೊಸ ರೈಜೆನ್ 3 3300X ಮತ್ತು ರೈಜೆನ್ 3 3100 ಮಾದರಿಗಳನ್ನ ಪರಿಚಯಿಸಿದೆ. ಇದೀಗ AMD ಕಂಪೆನಿ ಪರಿಚಯಿಸಿರುವ ಹೊಸ ಸಪಿಯುಗಳ ಸಾಮರ್ಥ್ಯವೇನು, ಇದು ಹೇಗೆ ಗೇಮರ್‌ಗಳಿಗೆ ಉಪಯುಕ್ತವಾಗಲಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಸದ್ಯ AMD ಕಂಪೆನಿ ರೈಜನ್‌ ತನ್ನ ಎಂಟ್ರಿ ಲೆವೆಲ್‌ ಗೇಮರ್‌, ಕಂಟೆಟ್‌ ಕ್ರಿಯೆಟರ್ಸ್‌, ಮತ್ತು ಕಚೇರಿ ಬಳಕೆದಾರರನ್ನ ಗುರಿಯಾಗಿರಿಸಿಕೊಂಡು ಈ ಸಿಪಿಯುಗಳನ್ನ ಬಿಡುಗಡೆ ಮಾಡಿದೆ. ಅಲ್ಲದೆ ಈ ಎರಡೂ ಸಿಪಿಯುಗಳು ಕೂಡ ಒಂದೇ 'zen' 2' ಚಿಪ್ಲೆಟ್ ಆರ್ಕಿಟೆಕ್ಚರ್ ಮತ್ತು 7nm ಉತ್ಪಾದನಾ ಪ್ರಕ್ರಿಯೆಯನ್ನು ಹೊಂದಿದೆ. ಜೊತೆಗೆ ರೈಜೆನ್ 5, ರೈಜೆನ್ 7, ಮತ್ತು ರೈಜೆನ್ 9-ಸರಣಿಯ ವಿನ್ಯಾಸಗಳನ್ನೇ ಈ ಸಿಪಿಯು ಕೂಡ ಒಳಗೊಂಡಿದೆ. ಇನ್ನು ಈ ಎರಡೂ ಸಿಪಿಯುಗಳು ಕ್ವಾಡ್-ಕೋರ್ ಮಾದರಿಗಳು ಮತ್ತು ಸಂಯೋಜಿತ ಗ್ರಾಫಿಕ್ಸ್ ಸಾಮರ್ಥ್ಯಗಳನ್ನು ಹೊಂದಿಲ್ಲ ಎಂದು ಹೇಳಲಾಗ್ತಿದೆ.

ಇನ್ನು ಈ ಸಿಪಿಯುಗಳು ಈ ಹಿಂದಿನ ತಲೆಮಾರುಗಳು ಹೊಂದಿರದ ಮಲ್ಟಿ-ಥ್ರೆಡ್ಡಿಂಗ್ ಬಳಕೆಗೆ ಸುಧಾರಿತ ಬಹುಕಾರ್ಯಕ ಕಾರ್ಯಕ್ಷಮತೆಯನ್ನ ಒಳಗೊಂಡಿರಲಿದೆ ಎಂದು AMD ಹೇಳಿಕೊಂಡಿದೆ. ಇನ್ನು ಇಂಟೆಲ್‌ನ ಸಮಾನ ಬೆಲೆಯ ಕೊಡುಗೆಗಳಿಗೆ ಹೋಲಿಸಿದರೆ ಗೇಮಿಂಗ್‌ನಲ್ಲಿ 20% ಮತ್ತು ಸಬ್ಜೆಕ್ಟ್‌ ಕ್ರಿಯೆಟ್‌ನಲ್ಲಿ 75% ಸುಧಾರಣೆಗಳನ್ನು ಮಾಡಲಾಗಿದೆ ಎಂದು ಕಂಪನಿ ಹೇಳಿದೆ. ಇದಲ್ಲದೆ ರೈಜೆನ್ 3 3300X ಹೆಚ್ಚು ಶಕ್ತಿಶಾಲಿಯಾಗಿದ್ದು, ಕ್ರಮವಾಗಿ 3.8GHz ಮತ್ತು 4.3GHz ವೇಗ ಮತ್ತು ವರ್ಧಕ ವೇಗವನ್ನು ಹೊಂದಿದೆ.

ಅಲ್ಲದೆ ರೈಜೆನ್ 3 3100 ಕ್ರಮವಾಗಿ 3.6GHz ಮತ್ತು 3.9GHz ವೇಗವನ್ನು ಹೆಚ್ಚಿಸುತ್ತದೆ. ಇನ್ನು ಈ ಎರಡೂ ಮಾದರಿಗಳು 18MB ಸಂಗ್ರಹ ಮೆಮೊರಿಯನ್ನು ಹೊಂದಿವೆ. ಜೊತೆಗೆ ಈ ಸಿಪಿಯುಗಳು 65W ಟಿಡಿಪಿಗಳಿಗೆ ರೇಟ್ ಮಾಡಲಾಗಿದೆ. ಇನ್ನು ಈ ಸಿಪಿಯುಗಳು ಕೂಡ AM4 CPU ಸಾಕೆಟ್ ಅನ್ನು ಬೆಂಬಲಿಸುತ್ತಲೇ ಇದೆ, ಆದರೂ ಮದರ್ಬೋರ್ಡ್ ಚಿಪ್‌ಸೆಟ್ ಹೊಂದಾಣಿಕೆ ಹೊಸ ಮಾದರಿಗಳಿಗೆ ಸೀಮಿತವಾಗಿರಬಹುದು. ಇನ್ನು ಈ ಹೊಸ ರೈಜೆನ್ 3 3300 ಎಕ್ಸ್ ಮತ್ತು ರೈಜೆನ್ 3 3100 ಸಿಪಿಯುಗಳು ಮೇ ತಿಂಗಳಲ್ಲಿ ಮಾರಾಟವಾಗುವ ನಿರೀಕ್ಷೆಯಿದೆ. ಇನ್ನು ರೈಜೆನ್ 3 3100 ಬೆಲೆ $ 99 ( ಸುಮಾರು 7,600 ರೂ.) ಮತ್ತು ರೈಜೆನ್ 3 3300 ಎಕ್ಸ್ ಬೆಲೆ $ 120 (ಅಂದಾಜು 9,200 ರೂ.) ಬೆಲೆಯನ್ನ ಹೊಂದಿರಲಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.