ಶಾಕಿಂಗ್ ಸುದ್ದಿ: ಚಾರ್ಜ್‌ಗೆ ಹಾಕಿದ್ದ ಫೋನಿನಲ್ಲಿ ಮಾತನಾಡುತ್ತಿದ್ದ ವ್ಯಕ್ತಿ ಸಾವು..!

ಮಾತನಾಡುವ ಸಂದರ್ಭದಲ್ಲಿ ಚಾರ್ಜ್:

ಮಸ್ತಾನ್ ಮನೆಯಲ್ಲಿ ಇದ್ದ ಸಂದರ್ಭದಲ್ಲಿ ತಮ್ಮ ಫೋನ್ ಅನ್ನು ಚಾರ್ಜ್ ಹಾಕಿಕೊಂಡು ನೆಲದ ಮೇಲೆ ಮಲಗಿಯೇ ಫೋನಿನಲ್ಲಿ ಮಾತನಾಡುತ್ತಿದ್ದರು ಎನ್ನಲಾಗಿದೆ. ಈ ಸಂದರ್ಭದಲ್ಲಿ ಸ್ಮಾರ್ಟ್‌ಫೋನ್ ನಿಂದ ಶಾಕ್ ಹೊಡೆದು, ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.

ಚೀನಾ ಮೂಲದ ಫೋನ್:

ಮಸ್ತಾನ್ ರೆಡ್ಡಿ ಚೀನಾ ಮೂಲದ ಫೋನ್ ಅನ್ನು ಬಳಕೆ ಮಾಡುತ್ತಿದ್ದರೂ ಎನ್ನುವುದು ಪ್ರಾಥಮಿಕವಾಗಿ ತಿಳಿದುಬಂದಿದೆ. ಈ ಕುರಿತು ಪೊಲೀಸರು ಸೆಕ್ಷನ್ 174 ಅಡಿಯಲ್ಲಿ ಕೇಸು ದಾಖಲಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಅಲ್ಲದೇ ತನಿಖೆಯನ್ನು ಮುಂದುವರೆಸಿದ್ದಾರೆ.

ಅಕ್ಕ-ಪಕ್ಕದವರಿಂದ ಮಾಹಿತಿ:

ಮಸ್ತಾನ್ ರೆಡ್ಡಿ ಮನೆಯಲ್ಲಿ ಒಬ್ಬರೆ ಇದ್ದರು ಎನ್ನಲಾಗಿದ್ದು, ಬ್ಲಾಸ್ಟ್ ಆದ ಸಂದರ್ಭದಲ್ಲಿ ಮನೆಯಿಂದ ಹೊಗೆ ಮತ್ತು ಸುಟ್ಟ ವಾಸನೆ ಬಂದಿದೆ ಎಂದು ಅಕ್ಕ-ಪಕ್ಕದ ನಿವಾಸಿಗಳು ಮಾಹಿತಿಯನ್ನು ನೀಡಿದ್ದಾರೆ.

ಮೂರು ದಿನದ ಹಿಂದೆ:

ಆಂಧ್ರದ ಕರ್ನೂರು ಜಿಲ್ಲೆಯಲ್ಲಿ ಮೂರು ದಿನದ ಹಿಂದೆ ನಡೆದ ಒಂದು ಘಟನೆಯಲ್ಲಿ 10 ವರ್ಷದ ಬಾಲಕನೊರ್ವ ಸ್ಮಾರ್ಟ್‌ಫೋನ್ ಬ್ಲಾಸ್ಸ್ ನಿಂದಾಗಿ ತನ್ನ ಕೈ ಬೆರಳುಗಳನ್ನು ಕಳೆದುಕೊಂಡಿದ್ದ ಬಗ್ಗೆ ವರದಿಯಾಗಿದೆ. ಇದಕ್ಕಾಗಿ ಮಕ್ಕಳ ಕೈಗೆ ಸ್ಮಾರ್ಟ್‌ಫೋನ್ ಅನ್ನು ನೀಡಬೇಡಿ ಎನ್ನಬಹುದಾಗಿದೆ.

ಕೈ ಬೆರೆಳುಗಳು:

ಬಾಲಕ ಸ್ಮಾರ್ಟ್‌ಫೋನ್ ಹಾಡು ಕೇಳುತ್ತಿದ್ದ ವೇಳೆಯಲ್ಲಿ ಅದು ಬ್ಲಾಸ್ಟ್ ಆಗಿದ್ದು, ಇದರಿಂದಾಗಿ ಆತನ ಕೈನ ಮೂರು ಬೆರಳುಗಳು ಛಿದ್ರಗೊಂಡಿವೆ. ಬಾಲಕನಿಗೆ ಸದ್ಯ ಆಸ್ಪತ್ರೆಯೊಂದರಲ್ಲಿ ಹೆಚ್ಚಿನ ಚಿಕಿತ್ಸೆಗೆ ದಾಖಲಿಸಲಾಗಿದೆ. ಈ ಕುರಿತು ಬಾಲಕನೇ ಮಾಹಿತಿಯನ್ನು ನೀಡಿದ್ದಾನೆ ಎನ್ನಲಾಗಿದೆ.

ಮೊಬೈಲ್‌ ಬಳಕೆಯಲ್ಲಿ ಎಚ್ಚರ:

ಇಂದಿನ ದಿನದಲ್ಲಿ ಹಲವು ಸ್ಮಾರ್ಟ್‌ಫೋನ್ ಗಳು ಬ್ಲಾಸ್ಟ್ ಆದ ಪ್ರಕರಣಗಳು ಹೆಚ್ಚಿನ ಸಂಖ್ಯೆಯಲ್ಲಿ ವರದಿಯಾಗುತ್ತಿದೆ. ಈ ಹಿನ್ನಲೆಯಲ್ಲಿ ನಿಮ್ಮ ಮಕ್ಕಳು ಇಲ್ಲವೇ ನೀವೇ ಸ್ಮಾರ್ಟ್‌ಫೋನ್ ಅನ್ನು ಎಚ್ಚರಿಕೆಯಿಂದ ಬಳಸಿ, ಚಾರ್ಜ್‌ಗೆ ಹಾಕಿ ಫೋನ್ ಅನ್ನು ಎಂದಿಗೂ ಬಳಸಬೇಡಿ.