ಆಂಡ್ರಾಯ್ಡ್ ಅಪ್‌ಡೇಡ್: ಪಿಕ್ಸೆಲ್ ಫೋನ್‌ಗಳ ಬ್ಯಾಟರಿ ಡ್ರೈನ್ ಸಮಸ್ಯೆಗೆ ಪರಿಹಾರ!

ಗೂಗಲ್ ಕಂಪನಿಯು ತನ್ನ ಆಂಡ್ರಾಯ್ಡ್ 16 ಬೀಟಾ 3.2 ನವೀಕರಣವನ್ನು ಡೆವಲಪರ್‌ಗಳು ಮತ್ತು ಬೀಟಾ ಪರೀಕ್ಷಕರಿಗೆ ಇದೀಗ ಬಿಡುಗಡೆ ಮಾಡಿದೆ. ಈ ನವೀಕರಣವು ಆಯ್ದ ಪಿಕ್ಸೆಲ್ ಸಾಧನಗಳಿಗೆ ಲಭ್ಯವಿದ್ದು, ಬ್ಯಾಟರಿ ಸಮಸ್ಯೆ, ಹ್ಯಾಪ್ಟಿಕ್ ಪ್ರತಿಕ್ರಿಯೆ ಮತ್ತು ಇತರ ತಾಂತ್ರಿಕ ದೋಷಗಳನ್ನು ಸರಿಪಡಿಸುವ ಗುರಿಯನ್ನು ಹೊಂದಿದೆ. ಈ ನವೀಕರಣವು ಗೂಗಲ್‌ನ ಸ್ಮಾರ್ಟ್‌ಫೋನ್ ಆಪರೇಟಿಂಗ್ ಸಿಸ್ಟಮ್‌ನ ಇತ್ತೀಚಿನ ಪರೀಕ್ಷಾ ಆವೃತ್ತಿಯಾಗಿದ್ದು, ಆಂಡ್ರಾಯ್ಡ್ 16 ಬೀಟಾ 3 ಗೆ ಸಣ್ಣ ನವೀಕರಣವಾಗಿದೆ. ಆಂಡ್ರಾಯ್ಡ್ ಬೀಟಾ ಫಾರ್ ಪಿಕ್ಸೆಲ್ ಪ್ರೋಗ್ರಾಂನಲ್ಲಿ ನೋಂದಾಯಿಸಲಾದ ಅರ್ಹ ಸಾಧನಗಳಿಗೆ ಈ ನವೀಕರಣವು ಓವರ್-ದಿ-ಏರ್ (OTA) ಮೂಲಕ ಲಭ್ಯವಾಗಲಿದೆ. ಹಾಗಾದರೆ, ಆಂಡ್ರಾಯ್ಡ್ 16 ಬೀಟಾ 3.2 ಅಪ್‌ಡೇಟ್ ಏನೆಲ್ಲಾ ಅಪ್‌ಡೇಟ್‌ಗಳನ್ನು ಹೊಂದಿದೆ ಎಂಬುದನ್ನು ಮುಂದೆ ಓದಿ ತಿಳಿಯೋಣ ಬನ್ನಿ.

ಗೂಗಲ್‌ನ ಪ್ರಕಾರ, ಆಂಡ್ರಾಯ್ಡ್ 16 ಬೀಟಾ 3.2 ನವೀಕರಣವು ಗೂಗಲ್ ಪಿಕ್ಸೆಲ್ ಸಾಧನಗಳಲ್ಲಿನ ಹಿಂದಿನ ನವೀಕರಣಗಳಲ್ಲಿ ಬಳಕೆದಾರರು ವರದಿ ಮಾಡಿದ ಹಲವು ಸಮಸ್ಯೆಗಳಿಗೆ ಪರಿಹಾರಗಳನ್ನು ನೀಡುತ್ತದೆ. ಈ ನವೀಕರಣವು ಬಿಲ್ಡ್ ಸಂಖ್ಯೆ BP22.250221.015 ಅನ್ನು ಹೊಂದಿದೆ ಮತ್ತು ಗೂಗಲ್ ಪ್ಲೇ ಸೇವೆಗಳ ಆವೃತ್ತಿಯನ್ನು 25.07.33 ಗೆ ನವೀಕರಿಸುತ್ತದೆ. ಈ ನವೀಕರಣದಿಂದ ಬ್ಯಾಟರಿ ಡ್ರೈನ್ ಸಮಸ್ಯೆಗೆ ಮುಕ್ತಿ ಸಿಕ್ಕಿದೆ. ಪಿಕ್ಸೆಲ್ ಹ್ಯಾಂಡ್‌ಸೆಟ್ ರಾತ್ರಿ 10 ಗಂಟೆಯ ಸುಮಾರಿಗೆ 100 ಪ್ರತಿಶತಕ್ಕೆ ಚಾರ್ಜ್ ಆಗುತ್ತದೆ ಆದರೆ ರಾತ್ರಿಯಿಡೀ ಸುಮಾರು 16 ಪ್ರತಿಶತದಷ್ಟು ಚಾರ್ಜ್ ಕಳೆದುಕೊಳ್ಳುತ್ತದೆ. ಆಂಡ್ರಾಯ್ಡ್ 16 ಬೀಟಾ 3.2 ಈ ಸಮಸ್ಯೆಯನ್ನು ಪರಿಹರಿಸುತ್ತದೆ ಎಂದು ಗೂಗಲ್ ಹೇಳಿದೆ. ಇದಲ್ಲದೆ, ಆನ್-ಸ್ಕ್ರೀನ್ ಕೀಬೋರ್ಡ್‌ನಲ್ಲಿ ಟೈಪ್ ಮಾಡುವಾಗ ಅಥವಾ ಬ್ಯಾಕ್ ಗೆಸ್ಚರ್ ಬಳಸುವಾಗ ಹ್ಯಾಪ್ಟಿಕ್ಸ್ ತಪ್ಪಾಗಿ ನಿರ್ಣಯಿಸಲು ಕಾರಣವಾದ ಸಮಸ್ಯೆಯನ್ನು ಸರಿಪಡಿಸುತ್ತದೆ ಎಂದು ಗೂಗಲ್ ತಿಳಿದಿದೆ.

Google ಟ್ರ್ಯಾಕರ್‌ನಲ್ಲಿ ವರದಿಯಾದ ಮತ್ತೊಂದು ಸಮಸ್ಯೆಯು ಕ್ಯಾಮೆರಾದೊಂದಿಗೆ ಫೋಟೋಗಳು ಅಥವಾ ವೀಡಿಯೊಗಳನ್ನು ಸೆರೆಹಿಡಿಯುವಾಗ ಪಿಕ್ಸೆಲ್ 6 ಮತ್ತು ಪಿಕ್ಸೆಲ್ 6 ಪ್ರೊ ಫೋನ್‌ಗಳ ಪರದೆಗಳು ಮಿನುಗುವಂತೆ ಮಾಡುತ್ತಿತ್ತು. ಇದನ್ನು ಕೂಡ ಇದೀಗ ಸರಿಪಡಿಸಲಾಗಿದೆ. Google ಪ್ರಕಾರ, ಸಿಸ್ಟಮ್ ಸ್ಥಿರತೆ ಮತ್ತು ಉಪಯುಕ್ತತೆಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ನವೀಕರಣವು ಸುಧಾರಣೆಗಳನ್ನು ಸಹ ಒಳಗೊಂಡಿದೆ. ಈ ಎಲ್ಲಾ ದೋಷ ಪರಿಹಾರಗಳ ಜೊತೆಗೆ, ಆಂಡ್ರಾಯ್ಡ್ 16 ಬೀಟಾ 3.2 ನವೀಕರಣವು ಮಾರ್ಚ್ 2025 ರ ಭದ್ರತಾ ಪ್ಯಾಚ್ ಅನ್ನು ಬಂಡಲ್ ಮಾಡುತ್ತದೆ. ಆಂಡ್ರಾಯ್ಡ್ ಬೀಟಾ ಫಾರ್ ಪಿಕ್ಸೆಲ್ ಪ್ರೋಗ್ರಾಂನಲ್ಲಿ ನೋಂದಾಯಿಸಲಾದ ಎಲ್ಲಾ ಅರ್ಹ ಸಾಧನಗಳಿಗೆ ಬೀಟಾ 3.2 ಗೆ ಓವರ್-ದಿ-ಏರ್ (OTA) ನವೀಕರಣವನ್ನು ನೀಡಲಾಗುವುದು ಎಂದು ಗೂಗಲ್ ಹೇಳಿದೆ.

ಆಂಡ್ರಾಯ್ಡ್ 16 ಬೀಟಾ 3.2 ಅಪ್‌ಡೇಟ್ ನಿಂದ ಮುಖ್ಯ ದೋಷ ನಿವಾರಣೆಗಳು
ಹ್ಯಾಪ್ಟಿಕ್ಸ್ ದೋಷ: ಅಪ್ಲಿಕೇಶನ್ ಡ್ರಾಯರ್ ಬಳಸುವಾಗ, ಕೀಬೋರ್ಡ್‌ನಲ್ಲಿ ಟೈಪ್ ಮಾಡುವಾಗ ಅಥವಾ ಬ್ಯಾಕ್ ಗೆಸ್ಚರ್ ಬಳಸುವಾಗ ಹ್ಯಾಪ್ಟಿಕ್ಸ್ ತಪ್ಪಾಗಿ ಕಾರ್ಯನಿರ್ವಹಿಸುತ್ತಿದ್ದ ಸಮಸ್ಯೆಯನ್ನು ಸರಿಪಡಿಸಲಾಗಿದೆ.
ಬ್ಯಾಟರಿ ಡ್ರೈನ್ ಸಮಸ್ಯೆ: ರಾತ್ರಿಯ ಸಮಯದಲ್ಲಿ ಬ್ಯಾಟರಿ ಬೇಗನೆ ಖಾಲಿಯಾಗುತ್ತಿದ್ದ ಸಮಸ್ಯೆಯನ್ನು ಪರಿಹರಿಸಲಾಗಿದೆ.
ಕ್ಯಾಮೆರಾ ಮಿನುಗುವಿಕೆ: ಪಿಕ್ಸೆಲ್ 6 ಮತ್ತು ಪಿಕ್ಸೆಲ್ 6 ಪ್ರೊ ಫೋನ್‌ಗಳಲ್ಲಿ ಕ್ಯಾಮೆರಾದೊಂದಿಗೆ ಫೋಟೋಗಳು ಅಥವಾ ವೀಡಿಯೊಗಳನ್ನು ಸೆರೆಹಿಡಿಯುವಾಗ ಪರದೆ ಮಿನುಗುವ ಸಮಸ್ಯೆಯನ್ನು ಸರಿಪಡಿಸಲಾಗಿದೆ.
ಸಿಸ್ಟಮ್ ಸ್ಥಿರತೆ: ಸಿಸ್ಟಮ್ ಸ್ಥಿರತೆ ಮತ್ತು ಉಪಯುಕ್ತತೆಗೆ ಸಂಬಂಧಿಸಿದ ಇತರ ಸಮಸ್ಯೆಗಳನ್ನು ಪರಿಹರಿಸಲಾಗಿದೆ.
ಭದ್ರತಾ ಪ್ಯಾಚ್: ಮಾರ್ಚ್ 2025 ರ ಭದ್ರತಾ ಪ್ಯಾಚ್ ಅನ್ನು ಸಹ ಈ ನವೀಕರಣದಲ್ಲಿ ಸೇರಿಸಲಾಗಿದೆ.

ಗೂಗಲ್‌ನ ಈ ನವೀಕರಣವು ಪಿಕ್ಸೆಲ್ ಬಳಕೆದಾರರಿಗೆ ಉತ್ತಮ ಅನುಭವವನ್ನು ನೀಡುವ ನಿರೀಕ್ಷೆಯಿದೆ. ಆದರೆ, ಬೀಟಾ ಪ್ರೋಗ್ರಾಂನ ಭಾಗವಾಗಿ ಬಿಡುಗಡೆಯಾದ ನವೀಕರಣಗಳು ಪೂರ್ವ-ಬಿಡುಗಡೆ ಆವೃತ್ತಿಗಳಾಗಿರುವುದರಿಂದ, ದೋಷಗಳು ಮತ್ತು ಸಮಸ್ಯೆಗಳು ಇರಬಹುದು.ಏಕೆಂದರೆ, ಬಳಕೆದಾರರು ನೋಂದಣಿಯನ್ನು ರದ್ದುಗೊಳಿಸಲು ಮತ್ತು ಆಂಡ್ರಾಯ್ಡ್‌ನ ಸ್ಥಿರ ಸಾರ್ವಜನಿಕ ಆವೃತ್ತಿಗೆ ಹಿಂತಿರುಗಲು ಸಾಧ್ಯವಾಗುವುದಿಲ್ಲ. ಹಾಗಾಗಿ, ಈ ನವೀಕರಣವನ್ನು ಬಳಸುವಾಗ ಎಚ್ಚರಿಕೆ ವಹಿಸುವುದು ಸೂಕ್ತ.