ಆಪಲ್ ವಾಚ್‌ನಲ್ಲಿದೆ ಬಳಕೆದಾರರಿಗಾಗಿ ವಿಶೇಷ ಸವಲತ್ತುಗಳು

ವಿಶೇಷತೆಗಳು

ಸಿರೀಸ್ 2 ರ ಅದೇ ಗಾತ್ರವನ್ನು ಸಿರೀಸ್ 3 ಹೊಂದಿದೆ. ಇದು ಕೆಂಪು ಬಣ್ಣದ ಬಟನ್ ಹೊಂದಿದ್ದು ಡಿಸ್‌ಪ್ಲೇ ಆಂಟೆನಾವನ್ನು ದುಪ್ಪಟ್ಟುಮಾಡುತ್ತದೆ. ಮೈಕ್ರೋಫೋನ್ ಅನ್ನು ಇದು ಹೊಂದಿದ್ದು ಬಕೆದಾರರು ಕರೆಯನ್ನು ಸ್ವೀಕರಿಸಬಹುದಾಗಿದೆ. ಸಿರಿಯನ್ನು ಇದೇ ಪ್ರಥಮ ಬಾರಿಗೆ ಆಪಲ್ ವಾಚ್‌ನಲ್ಲಿ ಅಳವಡಿಸಲಾಗಿದೆ. ಬ್ಲೂಟೂತ್, ಸೆಲ್ಯುಲಾರ್ ಕನೆಕ್ಟಿವಿಟಿ ಇದರಲ್ಲಿದೆ.

ವಾಚ್ ಓಎಸ್4

ಸೆಪ್ಟೆಂಬರ್ 19 ರಿಂದ ಎಲ್ಲಾ ಆಪಲ್ ಬಳಕೆದಾರರಿಗೆ ವಾಚ್ ಓಎಸ್4 ದೊರೆಯಲಿದೆ. ಈಜುಗಾರರು, ಜಿಮ್ ಪಟುಗಳಿಗೆ ವಾಚ್‌ನಲ್ಲಿ ವಿಶೇಷ ವೈಶಿಷ್ಟ್ಯಗಳನ್ನು ಅಳವಡಿಸಲಾಗಿದೆ. ನಿಮ್ಮ ಮಣಿಗಂಟಿನಲ್ಲಿಯೇ ನಿಮ್ಮ ಹೃದಯ ಬಡಿತವನ್ನು ನೀವು ಆಲಿಸಬಹುದಾಗಿದೆ. ರೆಸ್ಟಿಂಗ್ ರೇಟ್, ರಿಕವರಿ ರೇಟ್ ಮತ್ತು ಇನ್ನಷ್ಟು ವಿಶೇಷತೆಗಳನ್ನು ಇದು ತೋರಿಸಲಿದೆ.

ಬೆಲೆ ಮತ್ತು ಲಭ್ಯತೆ

ಕೇಸ್ ಮತ್ತು ಬ್ಯಾಂಡ್‌ಗಳ ಶ್ರೇಣಿಯಲ್ಲಿ ವಾಚ್ ಬರಲಿದೆ. ಅಲ್ಯುಮಿನಿಯಂ ಗೋಲ್ಡ್‌ನಂತಹ ಬೇರೆ ಬೇರೆ ಬಣ್ಣಗಳೊಂದಿಗೆ ಇದು ದೊರೆಯಲಿದೆ. ಸಿರೀಸ್ 3 ವಾಚ್ ಮಾರಾಟವು ಸೆಪ್ಟೆಂಬರ್ 22 ರಿಂದ ನಡೆಯಲಿದೆ. ಸೆಲ್ಯುಲಾರ್ ವಾಚ್‌ ಬೆಲೆ $399 ನಿಂದ ಆರಂಭವಾಗಲಿದ್ದು ಸೆಲ್ಯುಲಾರ್ ರಹಿತ ವಾಚ್ ಬೆಲೆ $329 ಆಗಿದೆ.