ಡಿಜಿಟಲ್ ಮೆಡಿಸಿನ್ – ಮೆದುಳಿನ ಕಾಯಿಲೆಗೆ ವೀಡಿಯೋ ಗೇಮ್

ವೀಡಿಯೋ ಗೇಮ್ ಗಳು ನಿಜಕ್ಕೂ ನಿಮಗೆ ಕೆಟ್ಟದ್ದಾ? ಒಳ್ಳೇದಾ?

ಪೀಟರ್ ರೂಬಿನ್, WIRED ಹಿರಿಯ ಪ್ರೊಡ್ಯೂಸರ್. ಇವರು ಡಾಕ್ಟರ್ ಗಳನ್ನು, ಅಧ್ಯಯನಕಾರರನ್ನು ಮತ್ತು ಗೇಮ್ ಪರವಾಗಿ ಕೆಲವು ಸ್ಕಿಲ್ ಗಳನ್ನು ಟೆಸ್ಟ್ ಮಾಡಲು ಮುಂದಾದರು. ವೀಡಿಯೋ ಗೇಮ್ ನಮ್ಮ ಆರೋಗ್ಯದ ಮೇಲೆ ಏನು ಪರಿಣಾಮ ಮಾಡುತ್ತೆ ಎಂಬುದನ್ನು ಪರೀಕ್ಷೆಗೆ ಒಡ್ಡಲು ನಿರ್ಧರಿಸಿದರು.

ಆದರೆ, ಈ ವ್ಯಕ್ತಿ ಹೊರತಂದ ಫಲಿತಾಂಶ ಮಾತ್ರ ಆಶ್ಚರ್ಯಕರವಾಗಿದೆ ಮತ್ತು ಭವಿಷ್ಯದಲ್ಲಿ ವೀಡಿಯೋ ಗೇಮ್ ಗಳ ನಮ್ಮನ್ನ ಎಲ್ಲಿಗೆ ಕೊಂಡೊಯ್ಯಬಹುದು ಎಂಬ ತರ್ಕಕ್ಕೆ ಒಡ್ಡುತ್ತಿದೆ.

ವೀಡಿಯೋ ಗೇಮ್ ಗಳೇ ಔಷಧಿಗಳು!

ಇಂದೆಂಥ ಹುಚ್ಚು ಹೇಳಿಕೆ ಎಂದು ನೀವು ಅಂದುಕೊಳ್ಳುತ್ತಿರಬಹುದು. ಹೌದು ಅಧ್ಯಯನಕಾರರು ವೀಡಿಯೋ ಗೇಮ್ ಗಳನ್ನು ಬಳಸಿ ನಿಮ್ಮ ದೈನಂದಿನ ಚಟುವಟಿಕೆಗೆ ಮೆದುಳನ್ನು ಚುರುಕುಗೊಳಿಸಲು ವೀಡಿಯೋ ಗೇಮ್ ಗಳನ್ನು ಹೇಗೆ ಬಳಸಬಹುದು ಎಂಬ ಬಗ್ಗೆ ಸಂಶೋಧನೆ ನಡೆಸುತ್ತಿದ್ದಾರೆ. ಕೆಲವು ಮೆದುಳಿನ ಔಷಧಿಗಳಿಗೆ ಅರ್ಥಾತ್ ಚಿಕಿತ್ಸೆಗಳಿಗೆ ಮುಂದಿನ ದಿನಗಳಲ್ಲಿ ಇದನ್ನು ಬಳಕೆ ಮಾಡುವ ಸಾಧ್ಯತೆ ಇದೆ. ಮೆದುಳಿಗೆ ಸಂಬಂಧಿಸಿದ ಕಾಯಿಲೆಗಳಾದ ADHD, ಆಟಿಸಂ, ಡಿಪ್ರೆಷನ್,ಅಲ್ಜಿಮರ್ ಕಾಯಿಲೆ ಹಾಗೂ ಇತ್ಯಾದಿಗಳಿಗೆ ಪರಿಹಾರವಾಗಿ ವೀಡಿಯೋ ಗೇಮ್ ಗಳನ್ನು ಬಳಕೆ ಮಾಡುವುದಕ್ಕೆ ಹೇಗೆ ಸಾಧ್ಯ ಎಂಬುದರ ಬಗ್ಗೆ ಸಂಶೋಧನೆ ನಡೆಯುತ್ತಿದೆ.

ಕೆಮಿಕಲ್ ರಹಿತ ಚಿಕಿತ್ಸೆ:

ಯಾವುದೇ ಕೆಮಿಕಲ್ ಗಳು ಇಲ್ಲದೆ ಮೆದುಳಿಗೆ ಸಂಬಂಧಿಸಿದ ಕಾಯಿಲೆಯನ್ನು ಗುಣಪಡಿಸುವುದಕ್ಕೆ ಮಾರ್ಗಗಳನ್ನು ಕಂಡುಹಿಡಿಯಲಾಗುತ್ತಿದೆ.ಪ್ರತಿಯೊಂದು ರೋಗಿಗೂ ಕೂಡ ಕಾಯಿಲೆ ರೂಪ ಬೇರೆ ರೀತಿಯಲ್ಲಿ ಇರುತ್ತದೆ. ಯಾವುದು ಯಾರಿಗೆ ಸೂಕ್ತ ಮತ್ತು ಹೇಗೆ ಸೂಕ್ತ ಎಂಬ ಬಗ್ಗೆ ಅಧ್ಯಯನಗಳು ನಡೆಯುತ್ತಿದೆ. ಈ ಡಿಜಿಟಲ್ ಮೆಡಿಸಿನ್ ನರವ್ಯೂಹಕ್ಕೆ ಸಹಕರಿಸಿ ಮೆದುಳಿನ ಸಮಸ್ಯೆಗೆ ಪರಿಹಾರ ನೀಡುವ ಬಗ್ಗೆ ಈಗ ಅಧ್ಯಯನ ನಡೆಯುತ್ತಿದೆ.

ಡಿಜಿಟಲ್ ಮೆಡಿಸಿನ್ ಬಳಕೆ:

ರೋಗಿಗಳು ತಾವು ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂಬುದನ್ನೇ ಮರೆತು ಬಿಡಬೇಕು ಮತ್ತು ಅವರ ಕಾಯಿಲೆ ಅವರಿಗೆ ಗೊತ್ತಿಲ್ಲದೆ ಗುಣವಾಗುವಂತೆ ಮಾಡಬೇಕು ಎಂಬುದು ನಮ್ಮ ಉದ್ದೇಶವಾಗಿದೆ ಎನ್ನುತ್ತಾರೆ ಅಧ್ಯಯನಕಾರರು. ಚಿಕಿತ್ಸೆಯಲ್ಲಿ ತೊಡಗಿಕೊಳ್ಳುವುದಕ್ಕೆ ರೋಗಿಗಳು ಅನುಕೂಲಕರವಾದ ವಾತಾವರಣ ಲಭ್ಯವಾಗುವಂತೆ ಮಾಡಿ ಅವರನ್ನು ಚಿಕಿತ್ಸೆಯಲ್ಲಿ ಅವರಿಗೆ ಗೊತ್ತಿಲ್ಲದೆ ತೊಡಗಿಸಿ ಸಮಸ್ಯೆ ಪರಿಹಾರ ಮಾಡುವುದಕ್ಕೆ ವೀಡಿಯೋ ಗೇಮ್ ಗಳಿಂದ ಸಾಧ್ಯವಿದೆ ಎನ್ನಲಾಗುತ್ತಿದೆ.

ಗೇಮ್ ಗಳು ಆಕರ್ಷಕವಾಗಿರುತ್ತದೆ. ಅದರಲ್ಲಿ ಸಂತೋಷವಿರುತ್ತದೆ, ರಿವಾರ್ಡ್ ಗಳಿರುತ್ತದೆ, ತಲ್ಲೀನತೆ ಇರುತ್ತದೆ. ಒಟ್ಟಾರೆ ರೋಗಿ ತನಗೇ ಗೊತ್ತಿಲ್ಲದೇ ರೋಗದಿಂದ ಮುಕ್ತವಾಗಿ ಮೆದುಳಿನ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುತ್ತಾನೆ. ಹಾಗಾದ್ರೆ ವೀಡಿಯೋ ಗೇಮ್ ಗಳು ಮೆಡಿಸಿನ್ ಗಳಾಗಿ ಕಾರ್ಯನಿರ್ವಹಿಸುವುದು ಬಹುಶ್ಯಃ ಮುಂದಿನ ದಿನಗಳಲ್ಲಿ ಪಕ್ಕಾ ಅನ್ನಿಸುತ್ತಿದೆ.