Asus : ಆಸೂಸ್‌ ಮ್ಯಾಕ್ಸ್‌ ಪ್ರೊ M1 ಈಗ ಆಂಡ್ರಾಯ್ಡ್‌10 ಓಎಸ್‌ ಗೆ ಬಡ್ತಿ!

ಹೌದು, ತೈವಾನ್‌ ಮೂಲದ ಜನಪ್ರಿಯ ಸ್ಮಾರ್ಟ್‌ಫೋನ್‌ ಕಂಪೆನಿ ಆಸೂಸ್‌ ತನ್ನ ಮ್ಯಾಕ್ಸ್‌ ಪ್ರೊ M1 ಸ್ಮಾರ್ಟ್‌ಫೋನ್‌ ಬಳಕೆದಾರರಿಗೆ ಆಂಡ್ರಾಯ್ಡ್ 10 ಬೀಟಾ ಅಪ್‌ಡೇಟ್ ಸಾಫ್ಟ್‌ವೇರ್ ಅನ್ನು WW-17.2017.1911.407 ಗೆ ಹೆಚ್ಚಿಸಿದ್ದು, ಇದರ ಫರ್ಮ್‌ವೇರ್ ಗಾತ್ರವು 1.6GB ಆಗಿದೆ. ಈ ಬೀಟಾ ಆವೃತ್ತಿಯ ನವೀಕರಣವು ಆಂಡ್ರಾಯ್ಡ್ 9 ಓಎಸ್ ಆವೃತ್ತಿಯೊಂದಿಗೆ WW SKU ಡಿವೈಸ್‌ಗೆ ಮಾತ್ರ ಅನ್ವಯವಾಗಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ.

ಇನ್ನು ಮ್ಯಾಕ್ಸ್ ಪ್ರೊ ಎಂ 1 ಸ್ಮಾರ್ಟ್‌ಫೋನ್‌ ನಲ್ಲಿ ಆಂಡ್ರಾಯ್ಡ್ 10 ಆಧಾರಿತ ಬೀಟಾ ಅಪ್‌ಡೇಟ್ ನಂತರ ಯುಐ ವಿನ್ಯಾಸದಲ್ಲಿ ಬದಲಾವಣೆಯಾಗಲಿದೆ. ಇದಲ್ಲದೆ ಹೊಸ ಸಾಫ್ಟ್‌ವೇರ್ ಆಪ್‌ಡೇಟ್‌ ವರ್ಷನ್‌ನಿಂದ ಸಿಸ್ಟಮ್-ವೈಡ್ ಡಾರ್ಕ್ ಮೋಡ್, ರಿ ಕ್ರಿಯೆಷನ್‌ ಐಕಾನ್‌, ಅನಿಮೇಷನ್ ಮತ್ತು ಗೆಸ್ಚರ್ ನ್ಯಾವಿಗೇಷನ್ ಬೆಂಬಲವನ್ನು ನೀಡಲಿದೆ. ಜೊತೆಗೆ ಸ್ಮಾರ್ಟ್‌ಫೋನ್‌ನಲ್ಲಿ ಹೊಸ ವಿನ್ಯಾಸದ ಫೀಚರ್ಸ್‌ಗಳು ಲಭ್ಯವಾಗಲಿದೆ.

ಸದ್ಯ ಮ್ಯಾಕ್ಸ್ ಪ್ರೊ M1, 1080 × 2160 ಪಿಕ್ಸೆಲ್‌ ರೆಸಲ್ಯೂಶನ್‌ ಹೊಂದಿರುವ 5.99-ಇಂಚಿನ ಐಪಿಎಸ್ ಎಲ್‌ಸಿಡಿ ಹೊಂದಿರುವ ಫೂಲ್‌ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಅಲ್ಲದೆ ಈ ಸ್ಮಾರ್ಟ್‌ಫೋನ್‌ ಕ್ವಾಲ್‌ಕಾಮ್ ಸ್ನಾಪ್‌ಡ್ರಾಗನ್ 636 SoC ಪ್ರೊಸೆಸರ್‌ ಹೊಂದಿದ್ದು, ಇನ್ಮುಂದೆ ಆಂಡ್ರಾಯ್ಡ್‌ 10 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ 13 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಮತ್ತು 5 ಮೆಗಾಪಿಕ್ಸೆಲ್ ಆಳದ ಸಂವೇದಕವನ್ನು ಹೊಂದಿರುವ ಡ್ಯುಯಲ್-ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನ ಹೊಂದಿದೆ.

ಈ ಸ್ಮಾರ್ಟ್‌ಫೋನ್‌ 5,000mAh ಬ್ಯಾಟರಿ ಪ್ಯಾಕ್‌ಆಪ್‌ ಹೊಂದಿದೆ. ಇದಲ್ಲದೆ ಇದು ಫಿಂಗರ್‌ಪ್ರಿಂಟ್ ಸೆನ್ಸಾರ್ ಅನ್ನು ಹೊಂದಿದ್ದು,ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ವೈ-ಫೈ 802.11 ಬಿ / ಜಿ / ಎನ್, ಬ್ಲೂಟೂತ್ 5.0, ಜಿಪಿಎಸ್, 4 ಜಿ ಎಲ್ ಟಿಇ ಮತ್ತು ಮೈಕ್ರೋ-ಯುಎಸ್ಬಿ 2.0 ಪೋರ್ಟ್ ಅನ್ನು ಬೆಂಬಲಿಸುತ್ತದೆ. ಸದ್ಯ ಆಂಡ್ರಾಯ್ಡ್‌10 ಗೆ ಆಪ್ಡೇಟ್‌ ಆದ ಸ್ಮಾರ್ಟ್‌ಫೋನ್‌ ಭಾರತ ಮತ್ತು ಪ್ರಾನ್ಸ್‌ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು ಬಜೆಟ್‌ ಬೆಲೆಯಲ್ಲಿ ಖರೀದಿಸಬಹುದಾಗಿದೆ.