ಅಮೆರಿಕಾದಂತೆ ಆಸ್ಟ್ರೇಲಿಯಾದಲ್ಲಿಯೂ ಹುವಾವೆ ಬ್ಯಾನ್..! ಕಾರಣ ಶಾಕಿಂಗ್ ಆಗಿದೆ..!

5G ನೆಟ್‌ವರ್ಕ್:

ಆಸ್ಟ್ರೇಲಿಯಾದಲ್ಲಿ 5G ನೆಟ್‌ವರ್ಕ್ ಸೇವೆಯನ್ನು ಪ್ರಾರಂಭಿಸಲು ಚೀನಾದಿಂದ ವಸ್ತುಗಳನ್ನು ಆಮದು ಮಾಡಿಕೊಳ್ಳುತ್ತಿತು. ಈಗಾಗಲೇ 5G ಸೇವೆಯನ್ನು ಆರಂಭಿಸಲು ತುದಿಗಾಲಿನಿಂದಿದ್ದ ಹುವಾವೆಗೆ ಅಲ್ಲಿನ ಸರಕಾರ ಬಿಸಿ ಮುಟ್ಟಿಸಿದೆ. ಚೀನಾದಿಂದ ವಸ್ತುಗಳನ್ನು ಆಮದು ಮಾಡಿಕೊಳ್ಳುವುದನ್ನು ಬ್ಯಾನ್ ಮಾಡಿದೆ.

ಹುವಾವೆಗೆ ಹಿನ್ನಡೆ:

ಹೊಸದಾಗಿ 5G ಸೇವೆಯನ್ನು ನೀಡುವ ಸಲುವಾಗಿ ನೆಟ್‌ವರ್ಕ್ ನಿರ್ಮಾಣ ಸಮಯದಲ್ಲಿ ಬೇರೆ ದೇಶದಿಂದ ವಸ್ತುಗಳನ್ನು ಆಮದು ಮಾಡಿಕೊಳ್ಳುವ ಸಂದರ್ಭದಲ್ಲಿ ತೀವ್ರ ತಪಾಸಣೆಯನ್ನು ಮಾಡಬೇಕಾಗುತ್ತದೆ. ಕಾರಣ ಈ ಸಂದರ್ಭದಲ್ಲಿ ಪ್ರಮುಖ ನೆಟ್ ವರ್ಕ್ಗಳು ಹ್ಯಾಕ್ ಆಗುವ ಸಾಧ್ಯತೆ ಇದೆ. ಈ ಹಿನ್ನಲೆಯಲ್ಲಿ ಸೂಕ್ತ ಮುನ್ನೆಚ್ಚರಿಕಾ ಕ್ರಮವಾಗಿ ಯಾವುದೇ ಸಲಕರಣೆಗಳು ದೇಶಕ್ಕೆ ಪೂರೈಕೆ ಮಾಡಿಕೊಳ್ಳದಿರಲು ಆಸ್ಟ್ರೇಲಿಯಾ ನಿರ್ಧರಿಸಿದೆ.

ಹುವಾವೆ ಕನಸಿಗೆ ತಡೆ:

ಈಗಾಗಲೇ ಪ್ರಮುಖ ದೇಶಗಳಲ್ಲಿ 5G ಸೇವೆಯನ್ನು ಆರಂಭಿಸುವ ತುರಾತುರಿಯಲ್ಲಿರುವ ಹುವಾವೆಗೆ ಆಸ್ಟ್ರೇಲಿಯಾದ ಈ ಹೊಸ ನಿರ್ಧಾರದಿಂದ ಆಘಾತವಾಗಿದೆ. ಆಸ್ಟ್ರೇಲಿಯಾ ಸರಕಾರವು ಈ ಬಗ್ಗೆ ಈಗಾಗಲೇ ಈ ಮೇಲ್ ಮೂಲಕ ಹುವಾವೆಗೆ ತಿಳಿದ್ದು, ಯಾವುದೇ ವಸ್ತುಗಳನ್ನು ಆಮದು ಮಾಡಿಕೊಳ್ಳದಿರಲು ಸೂಚಿಸಿದೆ.

ಭದ್ರತೆಯ ದೃಷ್ಠಿ:

ದೇಶದಲ್ಲಿನ ಭದ್ರತಾ ದೃಷ್ಟಿಕೋನದಿಂದ ಕೆಲ ಕಟ್ಟು ಪಾಡುಗಳನ್ನು ವಿಧಿಸಲಾಗುತ್ತಿರುವುದಾಗಿ ಎಂದು ಹುವಾವೆಗೆ ತಿಳಿಸಲಾಗಿದೆ. ರಾಷ್ಟ್ರೀಯ ನೆಟ್ವರ್ಕ್ ವ್ಯವಸ್ಥೆಗೆ ಯಾವುದೇ ಸಮಸ್ಯೆಯಾಗಬಾರದು ಎನ್ನುವುದರಿಂದ ಹುವಾವೆ 5G ನೆಟ್ವರ್ಕ್ ವ್ಯವಸ್ಥೆಗೆ ತಡೆ ಒಡ್ಡಲಾಗುತ್ತಿದೆ. ಮುಂದಿನ ದಿನದಲ್ಲಿ ಈ ಕುರಿತು ಯೋಜನೆಯೊಂದನ್ನು ಆಸ್ಟ್ರೇಲಿಯಾ ತಯಾರಿಸುತ್ತಿದೆ.