ವಿಶ್ವವನ್ನೇ ತನ್ನತ್ತ ಸೆಳೆದ ಜಪಾನಿನ 'ಅವತಾರ್ ಎಕ್ಸ್'!..ಇದು ಸಿನಿಮಾ ಅಲ್ಲ!!

ಏನಿದು ಅವತಾರ್ ಎಕ್ಸ್?

ಭವಿಷ್ಯದಲ್ಲಿ ಮನುಷ್ಯನನ್ನು ಇತರ ಗ್ರಹಗಳಿಗೆ ಕಳುಹಿಸುವ ಆಲೋಚನೆಗಳಿದ್ದರೂ, ಅವು ಯಶಸ್ವಿಯಾಗಲಿವೆ ಎಂಬುದು ಪ್ರಶ್ನೆಯಾಗಿ ಉಳಿದಿರುವುದರಿಂದ ಜಪಾನಿನ ಸಂಸ್ಥೆಗಳು ಇದಕ್ಕಾಗಿ ಮೆಲ್ಟ್ಯಾಂಟ್ ಎಂಬ ಅವತಾರ್ ರೊಬೊಟ್ ಅಭಿವೃದ್ಧಿಪಡಿಸಿವೆ. ಇತರೆ ಗ್ರಹಗಳಿಗೆ ನೇರವಾಗಿ ಮನುಷ್ಯನನ್ನು ಕಳುಹಿಸುವ ಬದಲು ರೋಬೊ ಬಳಸಿಕೊಳ್ಳಲು ಕಂಪೆನಿಗಳು ಯೋಚಿಸುತ್ತಿವೆ.

ಅತ್ಯಾಧುನಿಕ ಪ್ರಯೋಗಾಲಯ

ಅವತಾರ್ ಎಕ್ಸ್‌ ಪ್ರಯೋಗಕ್ಕಾಗಿ ಜಪಾನ್‌ ದೇಶದ ಕ್ಯೂಷೂ ದ್ವೀಪದ ಒಯಿಟಾ ಪ್ರಾಂತ್ಯದಲ್ಲಿ ದೊಡ್ಡ ಪ್ರಯೋಗಾಲಯ ನಿರ್ಮಾಣವಾಗಲಿದೆ. ಈ ಯೋಜನೆಗೆ ಸಂಬಂಧಿಸಿದ ಹೊಸ ಸಂಶೋಧನೆಗಳೆಲ್ಲವೂ ಅಲ್ಲೇ ನಡೆಯಲಿವೆ ಎಂದು ಸಂಸ್ಥೆಗಳು ತಿಳಿಸಿವೆ. ಇನ್ನು ಈ ತಂತ್ರಜ್ಞಾನವನ್ನು 2020-25ರ ವೇಳೆಗೆ ಅಂತರಿಕ್ಷದಲ್ಲಿ ಪ್ರಾಯೋಗಿಕವಾಗಿ ಪರೀಕ್ಷಿಸಲಾಗುತ್ತದೆ.

ಕಾರ್ಯನಿರ್ವಹಣೆ ಹೇಗಿರಲಿದೆ?

ಮನುಷ್ಯನು ಆರಾಮವಾಗಿ ಜೀವಿಸಲು ಬೇಕಾದ ಎಲ್ಲ ತಂತ್ರಜ್ಞಾನಗಳನ್ನು ಈ ಅವತಾರ್ ಎಕ್ಸ್‌ನಲ್ಲಿ ಅಭಿವೃದ್ಧಿಪಡಿಸಲಿದ್ದಾರೆ. ಈ ರೋಬೊಗಳನ್ನು ಭೂಮಿಯಿಂದಲೇ ನಿಯಂತ್ರಣ ಮಾಡುವ ತಂತ್ರಜ್ಞಾನ ಇರಲಿದೆ. , ಅನ್ಯಗ್ರಹಗಳ ಮೇಲೆ ಹಾರುವ ವಿಮಾನಗಳನ್ನು ವರ್ಚುವಲ್ ರಿಯಾಲಿಟಿ ತಂತ್ರಜ್ಞಾನದ ನಿಯಂತ್ರಿಸುವ ತಂತ್ರಜ್ಞಾನಗಳ ಅಭಿವೃದ್ಧಿ ಮಾಡಲಾಗುತ್ತದೆ.

ಹ್ಯಾಪ್ಟಿಕ್ ಟೆಕ್ನಾಲಜಿ ಬಳಕೆ!

ವರ್ಚುವಲ್ ರಿಯಾಲಿಟಿ ಜೊತೆಗೆ ಇತ್ತೀಚಿಗೆ ಗಮನ ಸೆಳೆದಿರುವ ಹ್ಯಾಪ್ಟಿಕ್ ಟೆಕ್ನಾಲಜಿ ಬಳಕೆ ಮಾಡಲು ಅವತಾರ್ ಎಕ್ಸ್‌ ಪ್ರಯೋಗಾಲಯ ತಯಾರಾಗಿದೆ. ಈ ಹ್ಯಾಪ್ಟಿಕ್ ಟೆಕ್ನಾಲಜಿ ಸ್ಪರ್ಶ, ರುಚಿ, ವಾಸನೆ ಮುಂತಾದ ಅನುಭವ ಉಂಟುಮಾಡುವ ತಂತ್ರಜ್ಞಾನವಾಗಿದ್ದು, ಈಗ ಅವನ್ನು ಕಾರ್ಯರೂಪಕ್ಕೆ ತರಲು ಅವತಾರ್ ಎಕ್ಸ್‌ ಪ್ರಯೋಗಾಲಯ ಮುಂದಾಗಿದೆ.

ಅಂತರಿಕ್ಷ ಕೇಂದ್ರ ನಿಯಂತ್ರಣ!

ಮಾನವ ಚಂದ್ರ, ಮಂಗಳನ ಅಂಗಳದಲ್ಲಿ ಅಂತರಿಕ್ಷ ಕೇಂದ್ರಗಳನ್ನು ಸ್ಥಾಪಿಸಿದರೆ ಅವುಗಳನ್ನು ನಿಯಂತ್ರಿಸುವುದು ಹೇಗೆ ಎಂಬುವ ಅಂಶಗಳು ಕೂಡ ಅವತಾರ್ ಎಕ್ಸ್ ಯೋಜನೆಯ ಭಾಗವಾಗಿವೆ. ಇದೇ ರೀತಿ ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸ ಸಹ ಚಂದ್ರನ ಮೇಲೆ ಇಂತಹ ಪ್ರಯೋಗಗಳನ್ನು ಮಾಡಲು ಹೊಸ ಯೋಜನೆಗಳನ್ನು ರೂಪಿಸುತ್ತಿದೆ.