ಆನ್‌ಲೈನಿನಲ್ಲಿ ಬಾಹುಬಲಿ 2 ಟಿಕೆಟ್ ಬುಕ್ ಮಾಡಿದ್ದಿರಾ..? ನಿಮ್ಮ ಹಣದಲ್ಲಿ ಅರ್ಧ ವಾಪಸ್ಸು ಬರಲಿದೆ.

ಬೆಂಗಳೂರಿಗರ ಜೇಬಿಗೆ ಕನ್ನ:

ಬಾಹುಬಲಿ 2 ಟಿಕೆಟ್ ದರ ದಲ್ಲಿ ಬೆಂಗಳೂರಿಗರ ಜೇಬಿಗೆ ಕನ್ನ ಹಾಕಲಾಗುತ್ತಿದೆ. ರಾಜಧಾನಿಯಲ್ಲಿ ರೂ.500-600 ‘ಬಾಹುಬಲಿ-2' ಚಿತ್ರದ ಟಿಕೆಟ್ ಬೆಲೆ ಬೆಲೆಯಾಗಿದ್ದು, ಆದರೆ ಹೈದರಾಬಾದ್‌ ಮತ್ತು ಚೆನ್ನೈ ನಗರಗಳಲ್ಲಿ ಕೇವಲ ರೂ.120 250 ಮಾತ್ರ. ಅದುವೇ ಮಲ್ಟಿಪ್ಲೆಕ್ಸ್‌ಗಳಲ್ಲಿ.

ತೆರಿಗೆಯೂ ಸೇರಿ 200 ರೂ ಮಾತ್ರ:

ಸದ್ಯ ಇತರೇ ರಾಜ್ಯಗಳಿಗೆ ಹೊಲಿಕೊಂಡರೆ ಬೆಂಗಳೂರಿನಲ್ಲಿ ಸಿನಿಮಾ ಟಿಕೆಟ್ ದರವೂ ಗರಿಷ್ಠವಾಗಿದ್ದು, ಇದಕ್ಕೆ ಕಡಿವಾಣ ಹಾಕುವ ಸಲುವಾಗಿ ರಾಜ್ಯ ಸರಕಾರ ಏಕರೂಪ ಟಿಕೆಟ್ ದರವನ್ನು ಜಾರಿಗೆ ತಂದಿದೆ. ಅಲ್ಲದೇ ಗರಿಷ್ಠ 200 ರೂ. ದರವು ತೆರಿಗೆಯನ್ನೂ ಒಳಗೊಂಡಿರುತ್ತದೆ ಎನ್ನಲಾಗಿದೆ.

ನಿಮ್ಮ ಹಣ ವಾಪಸ್ ಪಡೆಯಿರಿ:

ಈಗಾಗಲೇ ಬಾಹುಬಲಿ ಸಿನಿಮಾವನ್ನು ನೋಡಲು ಪ್ರೇಕ್ಷಕರು ರೂ.300 ರಿಂದ 500 ನೀಡಿ ಟಿಕೆಟ್ ಬುಕ್ ಮಾಡಿದ್ದಾರೆ. ಹಾಗಾಗಿ ರೂ. 200ಕ್ಕಿಂತ ಹೆಚ್ಚಿನ ಹಣ ನೀಡಿ ಟಿಕೆಟ್‌ ಬುಕ್ ಮಾಡಿದ್ದರೆ ನಿಮ್ಮ ಹೆಚ್ಚುವರಿ ಹಣವನ್ನು ವಾಪಸ್ ಪಡೆಯಬಹುದು.

ಹಣ ಕೊಡಲಿಲ್ಲ ಅಂದ್ರೆ ಕೇಸ್ ಹಾಕಬಹುದು:

ಈಗಾಗಲೇ ಆನ್‌ಲೈನಿನಲ್ಲಿ ಬಾಹುಬಲಿ 2 ಟಿಕೆಟ್ ಬುಕ್ ಮಾಡಿರುವವರು ತಮ್ಮ ಹಣವನ್ನು ವಾಪಸ್ ಪಡೆಯಬಹುದಾಗಿದ್ದು, ಹಣ ವಾಪಸ್ ಬರಲಿಲ್ಲ ಎಂದರೆ ಕೇಸ್ ಹಾಕಬಹುದಾಗಿದೆ.