ಐ.ಟಿ ಉದ್ಯೋಗಗಳ ಸೃಷ್ಟಿಯಲ್ಲಿ ನಮ್ಮ ಬೆಂಗಳೂರಿಗೆ ದೇಶದಲ್ಲಿಯೇ ಅಗ್ರ ಸ್ಥಾನ!!

ಬೆಂಗಳೂರು ಫಸ್ಟ್!!

ಮೊದಲೇ ಹೇಳಿದಂತೆ ತಂತ್ರಜ್ಞಾನ ಕ್ಷೇತ್ರದಲ್ಲಿ ಸೃಷ್ಟಿಯಾಗುವ ಶೇ.22ರಷ್ಟು ಉದ್ಯೋಗಗಳು ಬೆಂಗಳೂರಿನ ಪಾಲಾಗುತ್ತಿದೆ. ದಿಲ್ಲಿ ಶೇ.11 ಮತ್ತು ಪುಣೆ ಶೇ.10 ಪಾಲನ್ನು ಹೊಂದಿದೆ.ತಂತ್ರಜ್ಞಾನ ವಲಯದ ಉದ್ಯೋಗ ನೀಡುವ ಇತರ ನಗರಗಳಲ್ಲಿ ಹೈದರಾಬಾದ್‌ ಶೇ.9, ಮುಂಬಯಿ ಶೇ.8, ಚೆನ್ನೈ ಶೇ.7, ಮೊಹಾಲಿ ಶೇ.4, ಅಹಮದಾಬಾದ್‌ ಶೇ.3ರಷ್ಟು ಪಾಲನ್ನು ಹೊಂದಿವೆ.

ಐಟಿ ಉದ್ಯೋಗದ ಒಲವು!

ಉದ್ಯೋಗಗಳ ಅವಕಾಶಗಳನ್ನು ಎದುರು ನೋಡುವವವರು 20 ರಿಂದ 29 ವರ್ಷದ ಒಳಗಿನವರಾಗಿದ್ದಾರೆ. ಹೆಚ್ಚಿನ ಜನ ಐಟಿ ಉದ್ಯೋಗಗಳನ್ನು ಪಡೆಯಲು ಹೆಚ್ಚು ಇಷ್ಟಪಡುತ್ತಾರೆ.55 ವರ್ಷ ಮೀರಿದವರೂ ಈ ಕ್ಷೇತ್ರದ ಬಗ್ಗೆ ಆಸಕ್ತಿ ತಳೆದಿದ್ದಾರೆ. ಆದರೆ, 40 ರಿಂದ 49 ವರ್ಷದವರು ಮಾತ್ರ ಈ ಕ್ಷೇತ್ರದ ಬಗ್ಗೆ ಕಡಿಮೆ ಒಲವು ತೋರಿದ್ದಾರೆ ಎಂಬುದು ಅಧ್ಯಯನದಲ್ಲಿ ತಿಳಿದು ಬಂದಿದೆ.

ಮೊಬೈಲ್‌ನಲ್ಲಿಯೇ 'PF' ಬ್ಯಾಲೆನ್ಸ್ ಚೆಕ್ ಮಾಡುವುದು ಹೇಗೆ?

ಹೊಸ ಉದ್ಯೋಗಗಳ ಸೃಷ್ಟಿ!

ದೇಶದಾದ್ಯಂತ 2015ರ ಮೇ ತಿಂಗಳಿನಿಂದ 2018ರ ಮೇ ತಿಂಗಳ ಅವಧಿಯಲ್ಲಿ ಈ ಅಧ್ಯಯನ ನಡೆಸಲಾಗಿದೆ. ಮಾಹಿತಿ ತಂತ್ರಜ್ಞಾನ ಬದಲಾವಣೆಯ ಅಳವಡಿಕೆಯಿಂದ ಹೊಸ ಉದ್ಯೋಗ ಅವಕಾಶಗಳು ಸೃಷ್ಟಿಯಾಗುತ್ತಿವೆ ಎಂದು ಸಮೀಕ್ಷೆ ಹೇಳಿದೆ. ಇತರೆ ಕ್ಷೇತ್ರಗಳಿಗಿಂತ ಈಗಲೂ ಕೂಡ ಮಾಹಿತಿ ತಂತ್ರಜ್ಞಾನ ಕ್ಷೇತ್ರವೇ ಅಧಿಪತ್ಯ ಸಾಧಿಸಿದೆ.

ಸ್ಟಾರ್ಟ್‌ಅಪ್‌ ರಾಜಧಾನಿ!

ತಂತ್ರಜ್ಞಾನ ಕ್ಷೇತ್ರದಲ್ಲಿ ಗರಿಷ್ಠ ಪ್ರಮಾಣದಲ್ಲಿ ಉದ್ಯೋಗಗಳನ್ನು ಒದಗಿಸುತ್ತಿರುವ ಬೆಂಗಳೂರು ಸ್ಟಾರ್ಟ್‌ಅಪ್‌ಗಳ ಸ್ಥಾಪನೆಯಲ್ಲಿಯೂ ಮೊದಲನೇ ಸ್ಥಾನದಲ್ಲಿದೆ. ಬೆಂಗಳೂರಿನಂತಹ ಮಹಾನಗರದಲ್ಲಿ ಸ್ಟಾರ್ಟ್‌ಅಪ್‌ಗಳ ಸ್ಥಾಪನೆಗೆ ಪೂರಕವಾದ ವಾತಾವರಣ ಸೃಷ್ಟಿಯಾಗಿದೆ ಎಂದು ‘ಇಂಡೀಡ್' ಅಂತರ್ಜಾಲ ತಾಣ ತಿಳಿಸಿದೆ.

ಬೆಂಗಳೂರು ಫಸ್ಟ್ ಏಕೆ?

2020 ರ ವೇಳೆಗೆ 20,000 ಟೆಕ್ ಉದ್ಯಮಗಳ ಬೆಳವಣಿಗೆಯನ್ನು ಉತ್ತೇಜಿಸುವ ದೃಷ್ಟಿಯಿಂದ ಕರ್ನಾಟಕ ಸರ್ಕಾರ ಉದ್ಯಮಶೀಲತೆಗೆ ಅನುಕೂಲವಾಗುವಂತೆ ಪ್ರಯತ್ನಗಳನ್ನು ಮಾಡುತ್ತಿದೆ. ರಾಜ್ಯದಲ್ಲೇ ಅತ್ಯಂತ ನವೀನ ಉದ್ಯಮಗಳನ್ನು ಗುರುತಿಸಿ ಬೆಂಬಲಿಸುವ ಗುರಿಯನ್ನು ಹೊಂದಿರುವ ಎಲಿವೇಟ್ 100 ಯೋಜನೆ ನಗರದಲ್ಲಿ ಯಶಸ್ವಿಯಾರುವುದು ಇದಕ್ಕೆ ಕಾರಣ ಕೂಡ ಹೌದು.!