ಅಗ್ಗದ ಬೆಲೆಯಲ್ಲಿ ನೀವು ಖರೀದಿಸಬಹುದಾದ ಫಿಟ್ನೆಸ್‌ ಬ್ಯಾಂಡ್‌ಗಳು!

ಹೌದು, ಟೆಕ್‌ ವಲಯದಲ್ಲಿ 5,000 ರೂ ಬೆಲೆ ವಿಭಾಗದಲ್ಲಿ ಸಾಕಷ್ಟು ಉತ್ತಮ ಸ್ಮಾರ್ಟ್ ಫಿಟ್ನೆಸ್ ಬ್ಯಾಂಡ್‌ಗಳಿವೆ. ಶಿಯೋಮಿ, ಅಮಾಜ್‌ಫಿಟ್‌ ಮತ್ತು ರಿಯಲ್‌ಮಿಯಂತಹ ಬ್ರಾಂಡ್‌ಗಳು ಹೃದಯ ಬಡಿತ ಮೇಲ್ವಿಚಾರಣೆ, SpO2 ಮಾಪನ, ಸ್ಲೀಪ್ ಟ್ರ್ಯಾಕಿಂಗ್ ಫೀಚರ್ಸ್‌ಗಳನ್ನು ಹೊಂದಿರುವ ಬ್ಯಾಂಡ್‌ಗಳನ್ನು ಪರಿಚಯಿಸಿವೆ. ಅದರಲ್ಲೂ ಹೆಚ್ಚಿನ ಕೈಗೆಟುಕುವ ಫಿಟ್‌ನೆಸ್ ಬ್ಯಾಂಡ್‌ಗಳು ವಾಟರ್‌ ಪ್ರೂಫ್‌ ವ್ಯವಸ್ಥೆಯನ್ನು ಹೊಂದಿರಲಿವೆ. ಹಾಗಾದ್ರೆ ನೀವು 5,000ರೂ, ಒಳಗೆ ಖರೀದಿಸಬಹುದಾದ ಐದು ಕೈಗೆಟುಕುವ ಫಿಟ್‌ನೆಸ್ ಬ್ಯಾಂಡ್‌ಗಳ ಬಗ್ಗೆ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಮಿ ಬ್ಯಾಂಡ್ 6

Mi ಸ್ಮಾರ್ಟ್ ಬ್ಯಾಂಡ್ 6 1.56 ಇಂಚಿನ AMOLED ಟಚ್ ಡಿಸ್‌ಪ್ಲೇಯನ್ನು ಹೊಂದಿದ್ದು 450nits ಗರಿಷ್ಠ ಹೊಳಪನ್ನು ಹೊಂದಿದೆ. ಇದರಲ್ಲಿ ವೈಯಕ್ತಿಕಗೊಳಿಸಿದ ಅನುಭವವನ್ನು ನೀಡಲು ನೀವು 80 ಕ್ಕೂ ಹೆಚ್ಚು ಗ್ರಾಹಕೀಯಗೊಳಿಸಬಹುದಾದ ಬ್ಯಾಂಡ್ ಫೇಸ್‌ಗಳನ್ನು ಪಡೆಯುತ್ತೀರಿ. ಇನ್ನು ಮಿ ಸ್ಮಾರ್ಟ್ ಬ್ಯಾಂಡ್ 6ನಲ್ಲಿ 30 ವರ್ಕೌಟ್ ಮೋಡ್‌ಗಳು, ಕ್ರಿಕೆಟ್ ಮತ್ತು ಜಿಮ್ನಾಸ್ಟಿಕ್ಸ್‌ನಂತಹ ವೃತ್ತಿಪರ ಕ್ರೀಡೆಗಳು ಮತ್ತು ಜುಂಬಾ ಸೇರಿದಂತೆ ಚಟುವಟಿಕೆಗಳನ್ನು ನೀಡುತ್ತದೆ. ಇದು ಹೃದಯ ಬಡಿತ ಮಾನಿಟರಿಂಗ್, ಸ್ಲೀಪ್ ಟ್ರ್ಯಾಕಿಂಗ್, ಎಸ್‌ಪಿಒ 2 ಮಾಪನ, ಒತ್ತಡದ ಮೇಲ್ವಿಚಾರಣೆ, ಆಳವಾದ ಉಸಿರಾಟದ ಮಾರ್ಗದರ್ಶನ ಕಾರ್ಯ, ಸ್ತ್ರೀ ಆರೋಗ್ಯ ಟ್ರ್ಯಾಕಿಂಗ್ ಮತ್ತು ಹೆಚ್ಚಿನದನ್ನು ಬೆಂಬಲಿಸುತ್ತದೆ. ಶಿಯೋಮಿ ಹೊಸ Mi ಸ್ಮಾರ್ಟ್ ಬ್ಯಾಂಡ್ 6 ಒಂದೇ ಚಾರ್ಜ್‌ನಲ್ಲಿ 14 ದಿನಗಳ ಬ್ಯಾಟರಿ ಅವಧಿಯನ್ನು ನೀಡುತ್ತದೆ ಎಂದು ಹೇಳಿಕೊಂಡಿದೆ. ಇನ್ನು ಮಿ ಬ್ಯಾಂಡ್ 6 ಬೆಲೆ 3,499 ರೂ. ಆಗಿದೆ.

ಅಮಾಜ್‌ಫಿಟ್ ಬಿಪ್ ಯು ಪ್ರೊ

ಅಮಾಜ್‌ಫಿಟ್ ಬಿಪ್ ಯು ಪ್ರೊ ಬ್ಯಾಂಡ್‌ ಕೂಡ 5,000 ರೂ.ಗಿಂತ ಕಡಿಮೆ ಇರುವ ಮತ್ತೊಂದು ಉತ್ತಮ ಆಯ್ಕೆಯಾಗಿದೆ. ಇನ್ನು ಈ ಫಿಟ್‌ನೆಸ್ ಬ್ಯಾಂಡ್ 1.43-ಇಂಚಿನ HD TFT-LCD ಕಲರ್ ಡಿಸ್‌ಪ್ಲೇ ಹೊಂದಿದೆ. ಈ ಪ್ಯಾನಲ್ ಅನ್ನು 2.5 ಡಿ ಕಾರ್ನಿಂಗ್ ಗೊರಿಲ್ಲಾ 3 ರಕ್ಷಿಸುತ್ತದೆ ಮತ್ತು ಫಿಂಗರ್‌ಪ್ರಿಂಟ್ ವಿರೋಧಿ ಲೇಪನವನ್ನು ಹೊಂದಿದೆ. ನೀವು 50ವಾಚ್‌ ಫೇಸ್‌ಗಳನ್ನು ಪಡೆಯುತ್ತೀರಿ. ಇದು ಒತ್ತಡದ ಮೇಲ್ವಿಚಾರಣೆ, ಉಸಿರಾಟದ ತರಬೇತಿ, ಮುಟ್ಟಿನ ಟ್ರ್ಯಾಕಿಂಗ್, SPO2, ಮತ್ತು GPS ನಂತಹ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಇದು 60 ಕ್ಕಿಂತಲೂ ಹೆಚ್ಚು ಕ್ರೀಡಾ ವಿಧಾನಗಳನ್ನು ಹೊಂದಿದೆ, ಇದರಲ್ಲಿ ಓಟ, ಸೈಕ್ಲಿಂಗ್, ಯೋಗ, ನೃತ್ಯ, ಸ್ಕೇಟಿಂಗ್, ಕಿಕ್ ಬಾಕ್ಸಿಂಗ್ ಸೇರಿವೆ. ಧರಿಸಬಹುದಾದ 5ATM (50 ಮೀಟರ್ ವರೆಗೆ) ನೀರಿನ ಪ್ರತಿರೋಧಕ್ಕಾಗಿ ರೇಟ್ ಮಾಡಲಾಗಿದೆ. ಸ್ಮಾರ್ಟ್ ವಾಚ್ ಎರಡು ಪಿಪಿಜಿ ಬಯೋ-ಟ್ರ್ಯಾಕಿಂಗ್ ಆಪ್ಟಿಕಲ್ ಸೆನ್ಸರ್‌ಗಳನ್ನು ಹೊಂದಿದ್ದು ಅದು ನಿರಂತರವಾಗಿ ಹೃದಯ ಬಡಿತವನ್ನು ಮೇಲ್ವಿಚಾರಣೆ ಮಾಡುತ್ತದೆ. ಅಮಾಜ್‌ಫಿಟ್ ಬಿಪ್ ಯು ಪ್ರೊ ಪ್ರಸ್ತುತ ಫ್ಲಿಪ್‌ಕಾರ್ಟ್‌ನಲ್ಲಿ 4,999ರೂ, ಗೆ ಲಭ್ಯವಾಗಲಿದೆ.

ರಿಯಲ್‌ಮಿ ವಾಚ್ 2 ಪ್ರೊ

ನೀವು ರಿಯಲ್‌ಮಿ ವಾಚ್ 2 ಪ್ರೊ ಬ್ಯಾಂಡ್‌ ಕೂಡ ಕೈಗೆಟಕುವ ಬೆಲೆಯಲ್ಲಿ ದೊರೆಯಲಿದೆ. ಇದು 1.75 ಇಂಚಿನ ಆಯತಾಕಾರದ ಟಚ್ ಕಲರ್ ಡಿಸ್‌ಪ್ಲೇಯೊಂದಿಗೆ ಬರುತ್ತದೆ. ಇದು ವಿಶ್ರಾಂತಿ ಹೃದಯ ಬಡಿತ, ವ್ಯಾಯಾಮ ಹೃದಯ ಬಡಿತ, ರಕ್ತದ ಆಮ್ಲಜನಕದ ಮಾಪನ, ನಿದ್ರೆ ಪತ್ತೆ ಮತ್ತು ಹೆಚ್ಚಿನದನ್ನು ಮೇಲ್ವಿಚಾರಣೆ ಮಾಡಬಹುದು. ಗಡಿಯಾರವು 90 ಕ್ರೀಡಾ ವಿಧಾನಗಳನ್ನು ನೀಡುತ್ತದೆ, ಇದರಲ್ಲಿ ಹೊರಾಂಗಣ ಓಟ, ಶಕ್ತಿ ತರಬೇತಿ, ಫುಟ್‌ಬಾಲ್, ಬ್ಯಾಸ್ಕೆಟ್‌ಬಾಲ್, ಯೋಗ, ಕ್ರಿಕೆಟ್ ಮತ್ತು ಹೆಚ್ಚಿನವು ಸೇರಿವೆ. ಒಂದೇ ಚಾರ್ಜ್‌ನಲ್ಲಿ ಸಾಧನವು 14 ದಿನಗಳವರೆಗೆ ಇರುತ್ತದೆ ಎಂದು ರಿಯಲ್‌ಮಿ ಹೇಳಿಕೊಳ್ಳುತ್ತಿದೆ. ಇದು IP68 ಧೂಳು ಮತ್ತು ನೀರು-ನಿರೋಧಕವಾಗಿದೆ. ಇದರ ಬೆಲೆ 4,999 ರೂ.ಆಗಿದೆ.

ಹುವಾವೇ ಬ್ಯಾಂಡ್ 6

ಶಿಯೋಮಿಯ ಮಿ ಬ್ಯಾಂಡ್‌ಗೆ ಹೋಲಿಸಿದರೆ ಹುವಾವೇ ಬ್ಯಾಂಡ್ 6 ಬಿಗ್‌ ಡಿಸ್‌ಪ್ಲೇ ಹೊಂದಿದೆ. ಇದು 1.47 ಇಂಚಿನ AMOLED ಫುಲ್-ವ್ಯೂ ಕಲರ್ ಡಿಸ್‌ಪ್ಲೇ ಹೊಂದಿದೆ. ಈ ಬ್ಯಾಂಡ್‌ ನಿಮ್ಮ ಹೃದಯ ಬಡಿತ, ನಿದ್ರೆಯ ಮಾದರಿಗಳು ಮತ್ತು ಒತ್ತಡದ ಮೇಲ್ವಿಚಾರಣೆ ತಂತ್ರಜ್ಞಾನವನ್ನು ಮೇಲ್ವಿಚಾರಣೆ ಮಾಡಬಹುದು. Sp02 ಮಾನಿಟರಿಂಗ್ ಹೊಂದಿದೆ. ಇದು ಓಟ, ಸೈಕ್ಲಿಂಗ್, ಈಜು, ಟ್ರೆಡ್ ಮಿಲ್ ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಂತೆ 96 ತಾಲೀಮು ವಿಧಾನಗಳನ್ನು ಹೊಂದಿದೆ. ಹುವಾವೇ ಬ್ಯಾಂಡ್ 6 ಬೆಲೆ 3,999 ರೂ.ಆಗಿದೆ.

ನಾಯ್ಸ್‌ ಕಲರ್‌ಫಿಟ್ ಪ್ರೊ 3

ನಾಯ್ಸ್‌ ಕಲರ್‌ಫಿಟ್ ಪ್ರೊ 3 ಬ್ಯಾಂಡ್‌ ನಿಮಗೆ 4,499.ರೂ ಬೆಲೆಗೆ ಲಭ್ಯವಾಗಲಿದೆ. ಈ ಸ್ಮಾರ್ಟ್‌ಬ್ಯಾಂಡ್‌ ಬ್ಲಡ್ ಆಕ್ಸಿಜನ್ ಮಾನಿಟರಿಂಗ್, ಹೃದಯ ಬಡಿತ ಟ್ರ್ಯಾಕಿಂಗ್, 14 ಸ್ಪೋರ್ಟ್ಸ್ ಮೋಡ್‌ಗಳು, ಆಟೋ ಸ್ಪೋರ್ಟ್ಸ್ ರೆಕಗ್ನಿಷನ್, 5ATM ರೆಸಿಸ್ಟೆಂಟ್ ರೇಟಿಂಗ್ ಮತ್ತು ಹೆಚ್ಚಿನ ವೈಶಿಷ್ಟ್ಯಗಳನ್ನು ನೀಡುತ್ತದೆ. ಸ್ಮಾರ್ಟ್ ವಾಚ್ 320 x 360 ಪಿಕ್ಸೆಲ್ ರೆಸಲ್ಯೂಶನ್ ಮತ್ತು 500nits ಗರಿಷ್ಠ ಹೊಳಪಿನೊಂದಿಗೆ 1.55-ಇಂಚಿನ HD ಟಚ್‌ಸ್ಕ್ರೀನ್ ಟ್ರೂ ವ್ಯೂ ಡಿಸ್‌ಪ್ಲೇ ಹೊಂದಿದೆ. 210mAh ಬ್ಯಾಟರಿಯಿದ್ದು, ಇದು 10 ದಿನಗಳ ಬ್ಯಾಟರಿ ಅವಧಿಯನ್ನು ನೀಡುತ್ತದೆ.