ಜಿಯೋಫೈಬರ್‌ ಪರಿಚಯಿಸಿರುವ ಬ್ರಾಡ್‌ಬ್ಯಾಂಡ್‌ ಪ್ಲಾನ್‌ಗಳ ವಿಶೇಷತೆ ಏನು?

ಹೌದು, ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಭಾರತದಲ್ಲಿ ಜಿಯೋ ಫೈಬರ್ ಹೆಸರಿನಲ್ಲಿ ಅನೇಕ ಬ್ರಾಡ್‌ಬ್ಯಾಂಡ್ ಇಂಟರ್‌ನೆಟ್‌ ಪ್ಲಾನ್‌ಗಳನ್ನು ಪರಿಚಯಿಸಿದೆ. ಇದರಲ್ಲಿ ತಿಂಗಳಿಗೆ 399ರೂ. ಬೆಲೆಯ ಆರಂಭಿಕ ಪ್ಲಾನ್‌ಗಳಿಂದ ಹಿಡಿದು 6 ತಿಂಗಳು ಮತ್ತು 12 ತಿಂಗಳ ಆಯ್ಕೆಗಳನ್ನು ಸಹ ನೀಡುತ್ತದೆ. ಸದ್ಯ ರಿಲಯನ್ಸ್ ಜಿಯೋದ JioFiber ಭಾರತದ ಅತಿದೊಡ್ಡ ಬ್ರಾಡ್‌ಬ್ಯಾಂಡ್ ಸೇವಾ ಪೂರೈಕೆದಾರರಲ್ಲಿ ಒಂದಾಗಿದೆ. JioFiber ನ ವೇಗವು 30Mbps ನಿಂದ ಹಿಡಿದು 1Gbps ವರೆಗೆ ಇರುತ್ತದೆ. ಹಾಗಾದ್ರೆ ಜಿಯೋ ಟೆಲಿಕಾಂ ಭಾರತದಲ್ಲಿ ಪರಿಚಯಿಸಿರುವ ಬ್ರಾಡ್‌ಬ್ಯಾಂಡ್‌ ಪ್ಲಾನ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಜಿಯೋ ತನ್ನ ಫೈಬರ್ ಬ್ರಾಡ್‌ಬ್ಯಾಂಡ್ ಯೋಜನೆಯನ್ನು ತಿಂಗಳಿಗೆ 399ರೂ.ಗಳಿಂದ ಪ್ರಾರಂಭಿಸಿ ತಿಂಗಳಿಗೆ 8,499ರೂ.ವೆರೆಗಿನ ಪ್ಲಾನ್‌ಗಳನ್ನು ನೀಡುತ್ತಿದೆ. ಈ ಪ್ಲಾನ್‌ಗಳು ನೆಟ್‌ಫ್ಲಿಕ್ಸ್‌, ಅಮೆಜಾನ್‌ ಪ್ರೈಮ್‌ ವೀಡಿಯೊ, ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ VIP, ಸೋನಿ ಲೈವ್‌, Zee5, ವೂಟ್‌ ಸೆಲೆಕ್ಟ್‌, ಲಯನ್ಸ್‌ಗೇಟ್‌ ಪ್ಲೇ, Sun NXT, hoichoi, Discovery+, ಜಿಯೋ ಸಿನಿಮಾ, Shemaroo, AltBalaji, ಇರೋಸ್‌ನೌ ಮತ್ತು ವೂಟ್‌ ಕಿಡ್ಸ್‌ ಸೇರಿದಂತೆ ಅನೇಕ OTT ಸೇವೆಗಳಿಗೆ ಪ್ರವೇಶವನ್ನು ನೀಡಲಿದೆ. ಇನ್ನು ಜಿಯೋಫೈಬರ್‌ ಬ್ರಾಡ್‌ಬ್ಯಾಂಡ್‌ಗಳನ್ನು ಅನೇಕ ಆಯ್ಕೆಗಳಾಗಿ ನೋಡಬಹುದಾಗಿದ್ದು, ಅ ಎಲ್ಲಾ ಪ್ಲಾನ್‌ಗಳ ವಿಶೇಷತೆ ಇಲ್ಲಿದೆ ಓದಿ.

ಬ್ರೊನ್ಜ್ ಪ್ಲಾನ್‌

ಜಿಯೋಫೈಬರ್‌ನ ಬ್ರೊನ್ಜ್ ಪ್ಲಾನ್‌ 399 ರೂ. ಬೆಲೆಯನ್ನು ಹೊಂದಿದೆ. ಈ ಪ್ಲಾನ್‌ನಲ್ಲಿ ನೀವು 30mbps ಇಂಟರ್ನೆಟ್ ವೇಗವನ್ನು ಪಡೆದುಕೊಳ್ಳಬಹುದು. ಜೊತೆಗೆ ಅನಿಯಮಿತ ಕರೆಯೊಂದಿಗೆ 3,300 FUP ಡೇಟಾ ಮಿತಿಯನ್ನು ನೀಡಲಿದೆ. ಆದರೆ ಈ ಬ್ರೊನ್ಜ್ ಪ್ಲಾನ್‌ ಯಾವುದೇ OTT ಅಪ್ಲಿಕೇಶನ್‌ಗಳಿಗೆ ಚಂದಾದಾರಿಕೆಯನ್ನು ನೀಡುವುದಿಲ್ಲ ಅನ್ನೊದು ಗಮನಾರ್ಹವಾಗಿದೆ.

ಸಿಲ್ವರ್‌ ಪ್ಲಾನ್‌

ಜಿಯೋಫೈಬರ್‌ ತಿಂಗಳಿಗೆ 699 ರೂ,ಬೆಲೆಯಲ್ಲಿ ಸಿಲ್ವರ್‌ ಪ್ಲಾನ್‌ ಅನ್ನು ನೀಡುತ್ತಿದೆ. ಈ ಪ್ಲಾನ್‌ನಲ್ಲಿ ನೀವು ತಡರಹಿತ ಇಂಟರ್‌ನೆಟ್‌ ಪ್ರಯೋಜನ ಪಡೆಯಬಹುದು. ಇದು ನಿಮಗೆ 100Mbps ವೇಗವನ್ನು ನೀಡಲಿದೆ. ಆದರೆ ಈ ಪ್ಲಾನ್‌ನಲ್ಲಿ ನಿಮಗೆ ಯಾವುದೇ ಅನಿಯಮಿತ ಕರೆ ಮತ್ತು ಯಾವುದೇ OTT ಚಂದಾದಾರಿಕೆ ಪ್ರಯೋಜನ ನೀಡುವುದಿಲ್ಲ.

ಗೋಲ್ಡ್‌ ಪ್ಲಾನ್‌

ಜಿಯೋ ಫೈಬರ್ ಗೋಲ್ಡ್ ಪ್ಲಾನ್‌ 150Mbps FUP ವೇಗದಲ್ಲಿ ಕಾರ್ಯನಿರ್ವಹಿಸಲಿದೆ. ಈ ಪ್ಲಾನ್‌ ನಿಮಗೆ ಅನಿಯಮಿತ ಕರೆಗಳ ಜೊತೆಗೆ ದೈನಂದಿನ ಅನಿಯಮಿತ ಡೇಟಾ ಪ್ರಯೋಜನ ನೀಡಲಿದೆ. ಈ ಪ್ಲಾನ್‌ ತಿಂಗಳಿಗೆ 999ರೂ.ಗಳಿಂದ ಆರಂಭವಾಗಲಿದೆ. ಇನ್ನು ಈ ಪ್ಲಾನ್‌ ಹೆಚ್ಚುವರಿಯಾಗಿ ನೆಟ್‌ಫ್ಲಿಕ್ಸ್ ಅನ್ನು ಹೊರತು ಪಡಿಸಿ ಇತರೆ 11 OTT ಅಪ್ಲಿಕೇಶನ್‌ಗಳಿಗೆ ಪೂರಕ ಚಂದಾದಾರಿಕೆಗಳನ್ನು ನೀಡುತ್ತದೆ.

ಡೈಮಂಡ್ ಪ್ಲಾನ್‌

ಡೈಮಂಡ್ ಪ್ಲಾನ್‌ 1,499 ರೂ. ಬೆಲೆಯನ್ನು ಹೊಂದಿದ್ದು, 300Mbps ವರೆಗಿನ ಅನಿಯಮಿತ ಇಂಟರ್‌ನೆಟ್‌ ವೇಗವನ್ನು ನೀಡಲಿದೆ. ಇನ್ನು ಈ ಪ್ಲಾನ್‌ ಅನಿಯಮಿತ ಕರೆ ಪ್ರಯೋಜನ ಜೊತೆಗೆ ತಿಂಗಳಿಗೆ 1,500 ರೂ ಮೌಲ್ಯದ 12 OTT ಅಪ್ಲಿಕೇಶನ್‌ಗಳಿಗೆ ಪೂರಕ ಪ್ರವೇಶವನ್ನು ನೀಡುತ್ತದೆ.

ಡೈಮಂಡ್ ಪ್ಲಸ್‌ ಪ್ಲಾನ್‌

ಈ ಪ್ಲಾನ್‌ 2,499 ರೂ. ಬೆಲೆಯನ್ನು ಹೊಂದಿದ್ದು, 4,000GB ವರೆಗಿನ ಡೇಟಾಕ್ಕಾಗಿ 500Mbps ವೇಗವನ್ನು ನೀಡಲಿದೆ. ಜೊತೆಗೆ ಅನಿಯಮಿತ ಕರೆ ಪ್ರಯೋಜನ ಮತ್ತು 12 OTT ಅಪ್ಲಿಕೇಶನ್‌ಗಳಿಗೆ ಚಂದಾದಾರಿಕೆಯನ್ನು ನೀಡುತ್ತದೆ.

ಪ್ಲಾಟಿನಂ ಪ್ಲಾನ್‌

ಜಿಯೋಫೈಬರ್‌ ಪ್ಲಾಟಿನಂ ಪ್ಲಾನ್‌ ತಿಂಗಳಿಗೆ 3,999 ರೂ.ಬೆಲೆಯೊಂದಿಗೆ ಪ್ರಾರಂಭವಾಗಲಿದೆ. ಈ ಪ್ಲಾನ್‌ನಲ್ಲಿ 1Gbps ವೇಗದಲ್ಲಿ 7,500GB ಡೇಟಾ ಪ್ರಯೋಜನ ಸಿಗಲಿದೆ. ಇದರೊಂದಿಗೆ ಅನಿಯಮಿತ ವಾಯ್ಸ್‌ ಕಾಲ್‌ ಮತ್ತು 12 OTT ಅಪ್ಲಿಕೇಶನ್‌ಗಳಿಗೆ ಪೂರಕ ಚಂದಾದಾರಿಕೆಯನ್ನು ಒದಗಿಸುತ್ತದೆ.

ಟೈಟಾನಿಯಂ ಪ್ಲಾನ್‌

ಈ ಪ್ಲಾನ್‌ ಜಿಯೋಫೈಬರ್‌ ನೀಡುವ ಅತ್ಯಂತ ದುಬಾರಿ ಬ್ರಾಡ್‌ಬ್ಯಾಂಡ್ ಪ್ಲಾನ್‌ ಆಗಿದ್ದು, ಜಿಯೋಫೈಬರ್‌ ಟೈಟಾನಿಯಂ ಪ್ಲಾನ್‌ 8,499ರೂ ಬೆಲೆಯನ್ನು ಹೊಂದಿದೆ. ಇನ್ನು ಈ ಪ್ಲಾನ್‌ 1Gbps ವೇಗದಲ್ಲಿ 15,000GB ಮಾಸಿಕ ಡೇಟಾ ಪ್ರಯೋಜನವನ್ನು ಹೊಂದಿದೆ.