ಶೀಘ್ರದಲ್ಲೇ ಬರಲಿದೆ ಏರ್‌ಟೆಲ್‌ ವೀಡಿಯೊ-ಕಾನ್ಫರೆನ್ಸಿಂಗ್ ಅಪ್ಲಿಕೇಶನ್ !

ಹೌದು, ಭಾರತದ ಟೆಲಿಕಾಂ ವಲಯದಲ್ಲಿ ತನ್ನದೇ ಆದ ಜನಪ್ರಿಯತೆ ಪಡೆದುಕೊಂಡಿರುವ ಭಾರ್ತಿ ಏರ್‌ಟೆಲ್ ಶೀಘ್ರದಲ್ಲೇ ತನ್ನ ವ್ಯವಹಾರಗಳಿಗಾಗಿ ವೀಡಿಯೊ-ಕಾನ್ಫರೆನ್ಸಿಂಗ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಲಿದೆ ಎಂದು ವರದಿ ಆಗಿದೆ. ಸದ್ಯ COVID-19 ವೈರಸ್‌ ಜಾಗತಿಕವಾಗಿ ಇನ್ನಷ್ಟು ಹೆಚ್ಚಾಗುತ್ತಲೇ ಇಂತಹ ಸನ್ನಿವೇಶದಲ್ಲಿ ವೀಡಿಯೋ ಕಾನ್ಫರೆನ್ಸಿಂಗ್‌ಆಪ್‌ಗಳಿಗೆ ಬೇಡಿಕೆ ಹೆಚ್ಚಾಗಿರುವುದರಿಂದ ಭಾರ್ತಿ ಏರ್‌ಟೆಲ್ ಕೂಡ ಅತಿ ಶೀಘ್ರದಲ್ಲೇ ಬ್ಯುಸಿನೆಶ್‌ಗಳಿಗಾಗಿ ವೀಡಿಯೊ-ಕಾನ್ಫರೆನ್ಸಿಂಗ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಲಿದೆ ಎನ್ನಲಾಗಿದೆ. ಇದರ ಇನ್ನಷ್ಟು ಡಿಟೇಲ್ಸ್‌ ಅನ್ನು ತಿಳಿಸಿಕೊಡ್ತೀವಿ ಈ ಲೇಖನವನ್ನ ಓದಿರಿ.

ಇನ್ನು ಭಾರ್ತಿಏರ್‌ಟೆಲ್ ವಿಡಿಯೋ-ಕಾನ್ಫರೆನ್ಸಿಂಗ್ ಸೇವೆಯನ್ನು ಇನ್ನೇನು ಕೆಲವೇ ದಿನಗಳಲ್ಲಿ ಪರಿಚಯಿಸಲಿದೆ ಎಂದು ವರದಿ ಆಗಿದೆ. ಆದರೆ ಪ್ರಾರಂಭಿಕ ಹಂತದಲ್ಲಿ ಏರ್‌ಟೆಲ್‌ ತನ್ನ ಬ್ರಾಂಡೆಡ್ ವಿಡಿಯೋ-ಕಾನ್ಫರೆನ್ಸಿಂಗ್ ಸೇವೆಯನ್ನು ಕಂಪನಿಗಳಿಗೆ ಮಾತ್ರ ಒದಗಿಸುತ್ತದೆ ಎನ್ನಲಾಗ್ತಿದೆ. ಅಲ್ಲದೆ ಮುಂದಿನ ಹಂತಗಳಲ್ಲಿ ಯಾವ ರೀತಿಯ ಬೇಡಿಕೆ ಇರಲಿದೆ ಎನ್ನುವುದನ್ನ ಅಂದಾಜು ಮಾಡಿದ ನಂತರ ಸಾಮಾನ್ಯ ಗ್ರಾಹಕರಿಗೆ ಈ ಸೇವೆ ಲಭ್ಯವಾಗುವ ಸಾಧ್ಯತೆ ಇದೆ ಎಂದು ವರದಿ ಆಗಿದೆ.

ಇದಲ್ಲದೆ ಏರ್‌ಟೆಲ್ ಶೀಘ್ರದಲ್ಲೇ ಏಕೀಕೃತ ವಿಡಿಯೋ-ಕಾನ್ಫರೆನ್ಸಿಂಗ್ ಟೂಲ್ ಸೇರಿದಂತೆ ಹಲವಾರು ಎಂಟರ್‌ಪ್ರೈಸ್-ಗ್ರೇಡ್ ಪ್ರಾಡಕ್ಟ್‌ಗಳನ್ನು ಸಹ ಪ್ರಾರಂಭಿಸಲು ಸಿದ್ದತೆ ನಡೆಸಿದೆ ಎನ್ನಲಾಗಿದೆ.ಸದ್ಯ ಏರ್‌ಟೆಲ್‌ ಪರಿಚಯಿಸಲಿರುವ ವಿಡಿಯೋ-ಕಾನ್ಫರೆನ್ಸಿಂಗ್ ಅಪ್ಲಿಕೇಶನ್‌ ಈಗಾಗಲೇ ಪ್ಲೇ ಸ್ಟೋರ್‌ನಲ್ಲಿ ಲಭ್ಯವಿರುವ ಜೂಮ್, ಗೂಗಲ್ ಹ್ಯಾಂಗ್‌ ಔಟ್ಸ್‌, ಮೈಕ್ರೋಸಾಫ್ಟ್ ಟೀಂ, ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಜಿಯೋಮೀಟ್‌ನೊಂದಿಗೆ ಸ್ಪರ್ಧಿಸಬೇಕಾಗಲಿದೆ. ಆದರೂ ಏರ್‌ಟೆಲ್‌ ತನ್ನ ವಿಡಿಯೋ-ಕಾನ್ಫರೆನ್ಸಿಂಗ್ ಅಪ್ಲಿಕೇಶನ್‌ನಲ್ಲಿ ಸೈಬರ್ ಭದ್ರತೆ ಕುರಿತಂತೆ ಸುರಕ್ಷತೆಗೆ ಆದ್ಯತೆ ನೀಡಲಿದೆ ಎಂದು ವರದಿ ತಿಳಿಸಿದೆ.

ಈಗಾಗಲೇ ಟೆಲಿಕಾಂ ವಲಯದಲ್ಲಿ ದೇಶದಲ್ಲಿ ಹೆಚ್ಚಿನ ಬಳಕೆದಾರರನ್ನ ಹೊಂದಿದೆ. ಸದ್ಯ ಇದೀಗ ಹಲವು ಕಂಪೆನಿಗಳು ತಮ್ಮ ಉದ್ಯೋಗಿಗಳನ್ನ ಮನೆಯಿಂದಲೇ ಕೆಲಸ ಮಾಡಲು ಹೇಳಿರುವುದರಿಂದ ಈ ಸಂದರ್ಭದಲ್ಲಿ, ಸೈಬರ್ ಸುರಕ್ಷತೆಯ ಬಗ್ಗೆ ಕೂಡ ಅಲೋಚಿಸಬೇಕಾಗಿದೆ. ಇದರ ಬಗ್ಗೆ ಈಗಾಗಲೇ ಹೆಚ್ಚಿನ ಚರ್ಚೆ ಕೂಡ ನಡೆಯುತ್ತಿದೆ. ಇದನ್ನೇ ಗಮನದಲ್ಲಿಟ್ಟುಕೊಂಡು ಏರ್‌ಟೆಲ್ ತನ್ನ ವಿಡಿಯೋ-ಕಾನ್ಫರೆನ್ಸಿಂಗ್ ಸೇವೆಯನ್ನು ಯುಎಸ್‌ಪಿ ಆಗಿ ಹೆಚ್ಚಿನ ಮಟ್ಟದ ಸುರಕ್ಷತೆಯತ್ತ ಗಮನ ಹರಿಸುತ್ತಿದೆ" ಎಂದು ಹೇಳಲಾಗ್ತಿದೆ. ಇನ್ನು ಈ ವೀಡಿಯೊ-ಕಾನ್ಫರೆನ್ಸಿಂಗ್ ಸೇವೆಯು ಮೊಬೈಲ್ ಮತ್ತು ಡೆಸ್ಕ್‌ಟಾಪ್‌ನಲ್ಲಿ ಲಭ್ಯವಿರುತ್ತದೆ ಮತ್ತು ಇತ್ತೀಚಿನ ಎಇಎಸ್ 256 ಎನ್‌ಕ್ರಿಪ್ಶನ್ ಮತ್ತು ಅನೇಕ ಪದರಗಳ ದೃಡೀಕಣವನ್ನು ಹೊಂದಿರುತ್ತದೆ ಎಂದು ಅಂದಾಜಿಸಲಾಗಿದೆ.