ಭಾರತದಲ್ಲಿ ನಾಲ್ಕು ಹೊಸ ಇಯರ್‌ಬಡ್ಸ್ ಬಿಡುಗಡೆ ಮಾಡಿದ ಬೌಲ್ಟ್ ಕಂಪೆನಿ!

ಹೌದು, ಬೌಲ್ಟ್ ಕಂಪೆನಿ ಆಡಿಯೊ ಫ್ರೀಪಾಡ್ಸ್, ಪ್ರೊಪಾಡ್ಸ್, ಮ್ಯೂಸ್‌ಬಡ್ಸ್ ಮತ್ತು ಪವರ್‌ಬಡ್‌ಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಇದರಲ್ಲಿ ಆಡಿಯೋ ಫ್ರೀಪಾಡ್ಸ್‌ ಫ್ಲಿಪ್‌ಕಾರ್ಟ್‌ಗೆ ಪ್ರತ್ಯೇಕವಾಗಿದ್ದು, ಇವುಗಳ ಬೆಲೆ 1,799.ರೂ. ಆಗಿದೆ. ಇನ್ನು ಈ TWS ಇಯರ್‌ಬಡ್‌ಗಳು ಕಾಂಡ ಶೈಲಿಯ ವಿನ್ಯಾಸವನ್ನು ಹೊಂದಿವೆ. ಇದು ಕೆಂಪು, ಬಿಳಿ ಮತ್ತು ಕಪ್ಪು ಬಣ್ಣಗಳ ಮೂರು ಆಯ್ಕೆಗಳಲ್ಲಿ ಲಭ್ಯವಿದೆ. ಈ TWS ಇಯರ್‌ಬಡ್‌ಗಳು 15 ಗಂಟೆಗಳ ಬ್ಯಾಟರಿ ಅವಧಿಯನ್ನು ಹೊಂದಿದ್ದು, 2 ಗಂಟೆಗಳ ಚಾರ್ಜಿಂಗ್‌ ಟೈಂ ಹೊಂದಿವೆ. ಅಲ್ಲದೆ ವಾಟರ್‌ ಪ್ರೂಪ್‌ IPX 7-ರೇಟೆಡ್ ಅನ್ನು ಹೊಂದಿದೆ. ಹಾಗಾದ್ರೆ ಈ ಇಯರ್‌ಬಡ್ಸ್‌ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಬೌಲ್ಟ್ ಕಂಪೆನಿ ತನ್ನ ಆಡಿಯೋ ಮ್ಯೂಸ್‌ಬಡ್ಸ್ ಅನ್ನು ಫಿಟ್‌ನೆಸ್ ಉತ್ಸಾಹಿಗಳನ್ನು ಗುರಿಯಾಗಿರಿಸಿಕೊಂಡು ಬಿಡುಗಡೆ ಮಾಡಿದೆ. ಇದು ಇಯರ್‌ಕ್ಲಿಪ್ ವಿನ್ಯಾಸವನ್ನು ಹೊಂದಿದೆ. ಈ ಇಯರ್‌ಕ್ಲಿಪ್ ವಿನ್ಯಾಸವು ಮ್ಯೂಸ್‌ಬಡ್ಸ್ ಕೆಲಸ ಮಾಡುವಾಗ ವಾಯ್ಸ್‌ ಸ್ಥಳದಲ್ಲಿ ಉಳಿಯಲು ಸಹಾಯ ಮಾಡುತ್ತದೆ. ಈ TWS ಇಯರ್‌ಬಡ್‌ಗಳು ಫ್ಲಿಪ್‌ಕಾರ್ಟ್ ಮತ್ತು ಅಮೆಜಾನ್ ಎರಡರಲ್ಲೂ ಲಭ್ಯವಿದೆ. ಇವುಗಳ ಬೆಲೆ ರೂ. 1,999. ಇದಲ್ಲದೆ ಈ ಮ್ಯೂಸ್‌ಬಡ್ಸ್ 18-ಗಂಟೆಗಳ ನಿರಂತರ ಪ್ಲೇಬ್ಯಾಕ್ ಸಾಮರ್ಥ್ಯವನ್ನು ಹೊಂದಿದೆ.

ಇನ್ನು ಬೌಲ್ಟ್ ಆಡಿಯೊ ಪವರ್‌ಬಡ್ಸ್‌ ನಾಲ್ಕು TWS ಇಯರ್‌ಬಡ್‌ಗಳ ಅತ್ಯಂತ ದುಬಾರಿ ಕೊಡುಗೆಯಾಗಿದ್ದು, ಇದರ ಬೆಲೆ 2,799 ರೂ. ಈ ಪವರ್‌ಬಡ್‌ಗಳು ಫ್ಲಿಪ್‌ಕಾರ್ಟ್ ಮತ್ತು ಅಮೆಜಾನ್‌ನಲ್ಲಿ ಲಭ್ಯವಿದೆ. ಆಡಿಯೊ ಪ್ಲೇಬ್ಯಾಕ್ ಅನ್ನು ನಿಯಂತ್ರಿಸಲು ಟಚ್ ಸೆನ್ಸಾರ್ ಅನ್ನು ಹೊಂದಿವೆ. ಪವರ್‌ಬಡ್ಸ್ ಇಯರ್‌ಬಡ್‌ಗಳ ಕೇಸ್‌ ಅನ್ನು ಇತರ ಸಾಧನಗಳನ್ನು ರಿವರ್ಸ್-ಚಾರ್ಜ್ ಮಾಡಲು ಸಹ ಬಳಸಬಹುದು ಮತ್ತು ಇಯರ್‌ಬಡ್‌ಗಳು ಸ್ವತಃ ಐಪಿಎಕ್ಸ್ 7 ವಾಟರ್‌ ಪ್ರೂಪ್‌ ವ್ಯವಸ್ಥೆಯನ್ನು ಹೊಂದಿದೆ..

ಇದಲ್ಲದೆ ಬೌಲ್ಟ್ ಆಡಿಯೊ ಪ್ರೊಪಾಡ್‌ಗಳು ಅಮೆಜಾನ್‌ಗೆ ಪ್ರತ್ಯೇಕವಾಗಿದ್ದು, ಇವುಗಳ ಬೆಲೆ ರೂ. 2,499. ಈ ಇಯರ್‌ಬಡ್‌ಗಳು ಕಾಂಡ ಶೈಲಿಯ ವಿನ್ಯಾಸವನ್ನು ಹೊಂದಿವೆ. ಇನ್ನು ಈ ಇಯರ್‌ಬಡ್ಸ್‌ IPX 5 ವಾಟರ್‌ ಪ್ರೂಪ್‌ ವ್ಯವಸ್ಥೆಯನ್ನು ಹೊಂದಿದೆ. ಇವುಗಳು ವೇಕ್ ಅಪ್ ಮತ್ತು ಪೇರ್ ಫೀಚರ್ಸ್‌, ಟಚ್‌ ಕಂಟ್ರೋಲ್‌ ಅನ್ನು ಹೊಂದಿದೆ. ಅಲ್ಲದೆ ವಿಳಂಬ-ಮುಕ್ತ ಆಡಿಯೊಗೆ ಕಡಿಮೆ-ಸುಪ್ತತೆಯೊಂದಿಗೆ ವಿಶೇಷವಾಗಿ ಗೇಮಿಂಗ್‌ನಲ್ಲಿ ಬರುತ್ತವೆ. ಇದಲ್ಲದೆ ಪ್ರೊಪಾಡ್‌ಗಳು 5.5 ಗಂಟೆಗಳ ಪ್ಲೇಬ್ಯಾಕ್ ಸಾಮರ್ಥ್ಯವನ್ನು ಹೊಂದಿದ್ದು, ಈ ಕೇಸ್‌ ಇಯರ್‌ಬಡ್‌ಗಳನ್ನು 4 ಬಾರಿ ಸಂಪೂರ್ಣವಾಗಿ ಚಾರ್ಜ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.