ಭಾರತದಲ್ಲಿ ಮೂರು ಹೊಸ ಇಯರ್‌ಬಡ್ಸ್‌ ಪರಿಚಯಿಸಿದ ಬೌಲ್ಟ್‌! ವಿಶೇಷತೆ ಏನು?

ಭಾರತದ ಟೆಕ್‌ ವಲಯದಲ್ಲಿ ಬೌಲ್ಟ್‌ ಕಂಪೆನಿಯ ಆಡಿಯೋ ಆಕ್ಸಿಸರೀಸ್‌ಗಳಿಗೆ ಭಾರಿ ಬೇಡಿಕೆಯಿದೆ. ಅದರಂತೆ ಬೌಲ್ಟ್‌ ಕಂಪೆನಿ ಕೂಡ ಭಾರತದಲ್ಲಿ ಹಲವು ಆಕರ್ಷಕ ಆಡಿಯೋ ಆಕ್ಸಿಸರೀಸ್‌ಗಳನ್ನು ಪರಿಚಯಿಸುತ್ತಾ ಬಂದಿದೆ. ಇದೀಗ ಮೂರು ಹೊಸ ಟ್ರೂಲಿ ವಾಯರ್‌ಲೆಸ್‌ ಇಯರ್‌ಬಡ್ಸ್‌ ಅನ್ನು ಬಿಡುಗಡೆ ಮಾಡಿದೆ.

ಹೌದು, ಬೌಲ್ಟ್‌ ಕಂಪೆನಿ ಹೊಸದಾಗಿ ಬೌಲ್ಟ್‌ Y1ಪ್ರೊ, ಬೌಲ್ಟ್‌ W50 ಮತ್ತು ಬೌಲ್ಟ್‌ W20 ಇಯರ್‌ಬಡ್ಸ್‌ ಅನ್ನು ಬಿಡುಗಡೆ ಮಾಡಿದೆ. ಈ ಮೂರು ಇಯರ್‌ಬಡ್ಸ್‌ಗಳು ಕೂಡ ಬಜೆಟ್‌ ಬೆಲೆಯಲ್ಲಿ ಲಭ್ಯವಾಗಲಿದೆ. ಇದರಲ್ಲಿ ಬೌಲ್ಟ್‌ Y1 ಪ್ರೊ ಇಯರ್‌ಬಡ್ಸ್‌ ಬೌಲ್ಟ್ Y1 ಇಯರ್‌ಬಡ್ಸ್‌ನ ಉತ್ತರಾಧಿಕಾರಿಯಾಗಿದೆ. ಇದು ವೇಗದ ಚಾರ್ಜಿಂಗ್‌ ಅನ್ನು ಬೆಂಬಲಿಸಲಿದೆ. ಇನ್ನುಳಿದಂತೆ ಈ ಮೂರು ಹೊಸ ಇಯರ್‌ಬಡ್ಸ್‌ಗಳು ಯಾವೆಲ್ಲಾ ಫೀಚರ್ಸ್‌ ಒಳಗೊಂಡಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಬೌಲ್ಟ್ Y1 ಪ್ರೊ ಫೀಚರ್ಸ್‌ ಹೇಗಿದೆ?
ಬೌಲ್ಟ್ Y1 ಪ್ರೊ ಇಯರ್‌ಬಡ್ಸ್‌ 13mm ಆಡಿಯೋ ಡ್ರೈವರ್ ಅನ್ನು ಹೊಂದಿದೆ. ಇದು ಯುಎಸ್‌ಬಿ ಟೈಪ್-ಸಿ ಪೋರ್ಟ್‌ನೊಂದಿಗೆ ಬರಲಿದ್ದು, ಬ್ಲೂಟೂತ್ 5.3 ಸಂಪರ್ಕ ಆಯ್ಕೆಯನ್ನು ಹೊಂದಿದೆ. ಈ ಇಯರ್‌ಬಡ್ಸ್‌ ಕ್ವಾಡ್ ಮೈಕ್, 45 ಎಂಎಸ್ ಲೇಟೆನ್ಸಿ ಮತ್ತು ಇಎನ್‌ಸಿಯೊಂದಿಗೆ ಬರಲಿದೆ. ಇದು ಟಚ್‌ ಕಂಟ್ರೋಲ್‌, ವಾಯ್ಸ್‌ ಅಸಿಸ್ಟೆಂಟ್‌ ಮತ್ತು IPX5 ವಾಟರ್‌ ರೆಸಿಸ್ಟೆನ್ಸಿಯನ್ನು ಒಳಗೊಂಡಿದೆ. ಜೊತೆಗೆ ಇಯರ್‌ಬಡ್ಸ್‌ 60 ಗಂಟೆಗಳ ಬ್ಯಾಟರಿ ಅವಧಿಯನ್ನು ಹೊಂದಿದೆ. ಈ ಬಡ್ಸ್‌ ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸಲಿದ್ದು, 10 ನಿಮಿಷಗಳ ಚಾರ್ಜಿಂಗ್‌ನಲ್ಲಿ 2 ಗಂಟೆಗಳ ಬಾಳಿಕೆಯನ್ನು ನೀಡಲಿದೆ.

ಬೌಲ್ಟ್‌ W50 ಫೀಚರ್ಸ್‌ ಹೇಗಿದೆ?
ಬೌಲ್ಟ್‌ W50 ಇಯರ್‌ಬಡ್ಸ್‌ ಬೂಎಕ್ಸ್ ತಂತ್ರಜ್ಞಾನದೊಂದಿಗೆ 13 ಎಂಎಂ ಆಡಿಯೋ ಡ್ರೈವರ್ ಸೆಟಪ್‌ ಹೊಂದಿದೆ. ಈ ಇಯರ್‌ಬಡ್ಸ್‌ ENC ಜೊತೆಗೆ ಕ್ವಾಡ್ ಮೈಕ್ ಸೆಟಪ್ ಅನ್ನು ಹೊಂದಿದೆ. ಇದು ಬ್ಲೂಟೂತ್ 5.2 ಬೆಂಬಲದೊಂದಿಗೆ ಬರಲಿದ್ದು, ಇಯರ್‌ಬಡ್ಸ್ ಮೊಗ್ಗುಗಳು SBC ಮತ್ತು AAC ಕೊಡೆಕ್‌ಗಳಿಗೆ ಬೆಂಬಲವನ್ನು ನೀಡಲಿದೆ. ಇನ್ನು ಇಯರ್‌ಬಡ್ಸ್‌ ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸಲಿದ್ದು, ಕೇವಲ 10 ನಿಮಿಷಗಳ ಚಾರ್ಜ್‌ನಲ್ಲಿ 150 ನಿಮಿಷಗಳ ಬಾಳಿಕೆ ನೀಡಲಿದೆ. ಇನ್ನು ಯುಎಸ್‌ಬಿ ಟೈಪ್-ಸಿ ಪೋರ್ಟ್, ಐಪಿಎಕ್ಸ್ 5 ರೇಟಿಂಗ್, ಟಚ್ ಕಂಟ್ರೋಲ್‌ಗಳು ಮತ್ತು ವಾಯ್ಸ್ ಅಸಿಸ್ಟೆಂಟ್ ಅಪ್ಡೇಟ್‌ ಅನ್ನು ಒಳಗೊಂಡಿದೆ.

ಬೌಲ್ಟ್ W20 ಫೀಚರ್ಸ್‌ ಹೇಗಿದೆ?
ಬೌಲ್ಟ್ W20 ಇಯರ್‌ಬಡ್ಸ್‌ ಸಿಂಗಲ್‌ ಚಾರ್ಜ್‌ನಲ್ಲಿ 32 ಗಂಟೆಗಳವರೆಗೆ ಬ್ಯಾಟರಿ ಅವಧಿಯನ್ನು ನೀಡಲಿದೆ. ಇದು BoomX, ENC ಮೈಕ್ ಮತ್ತು SBC ಮತ್ತು AAC ಗೆ ಬೆಂಬಲದೊಂದಿಗೆ 13mm ಡ್ರೈವರ್ ಸೆಟಪ್‌ ಅನ್ನು ಒಳಗೊಂಡಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಬ್ಲೂಟೂತ್ 5.3, ಟಚ್‌ ಕಂಟ್ರೋಲ್‌ಗಳು ಮತ್ತು ವಾಯ್ಸ್ ಅಸಿಸ್ಟೆಂಟ್‌ ಬೆಂಬಲವನ್ನು ಪಡೆದುಕೊಂಡಿದೆ. ಈ ಇಯರ್‌ಬಡ್ಸ್ LED ಲೈಟ್‌ಗಳೊಂದಿಗೆ ಗೇಮಿಂಗ್-ಕೇಂದ್ರಿತ TWS ಅನ್ನು ಹೊಂದಿದೆ. ಜೊತೆಗೆ ಈ ಇಯರ್‌ಬಡ್ಸ್ 48 ಗಂಟೆಗಳ ಬ್ಯಾಟರಿಯನ್ನು ಪಡೆದುಕೊಂಡಿದೆ.

ಭಾರತದಲ್ಲಿ ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ ಬೌಲ್ಟ್ Y1 ಪ್ರೊ ಇಯರ್‌ಬಡ್ಸ್‌ 1,099 ರೂ ಬೆಲೆಯನ್ನು ಹೊಂದಿದೆ. ಇನ್ನು ಬೌಲ್ಟ್‌ W50 ಇಯರ್‌ಬಡ್ಸ್‌ 999ರೂ. ಬೆಲೆಯನ್ನು ಹೊಂದಿದೆ. ಬೌಲ್ಟ್‌ W20 ಇಯರ್‌ಬಡ್ಸ್‌ 899ರೂ. ಬೆಲೆಯಲ್ಲಿ ಲಭ್ಯವಾಗಲಿದೆ. ಈ ಮೂರು ಇಯರ್‌ಬಡ್ಸ್‌ಗಳು ಆಶ್ ಬ್ಲಾಕ್, ಬ್ಲೂ ಲುಸ್ಟ್ರೆ, ಸಿಲ್ವರ್ ಸ್ಯಾಂಡ್ ಮತ್ತು ರೂಬಿ ಬ್ರೋಂಜ್ ಕಲರ್‌ ಆಯ್ಕೆಗಳಲ್ಲಿ ಬರಲಿದ್ದು, ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿ ಲಭ್ಯವಿರಲಿದೆ.