ಇನ್ನುಮುಂದೆ ಬಿಎಸ್ಎನ್ಎಲ್ ನ ಈ ಎರಡು ಡಾಟಾ ಪ್ಲಾನ್ ಗಳು ಲಭ್ಯವಿಲ್ಲ!

ಬಿಎಸ್ಎನ್ಎಲ್ ಪ್ರಿಪೇಯ್ಡ್ ಪ್ಲಾನ್

ಬಿಎಸ್ಎನ್ಎಲ್ ಎಂಟ್ರಿ ಲೆವೆಲ್ ನ ಪ್ರಿಪೇಯ್ಡ್ ಪ್ಲಾನ್ ಗಳಾಗಿರುವ ರುಪಾಯಿ 10 ಮತ್ತು ರುಪಾಯಿ 20 ರ ಆನ್ ಲೈನ್ ಪ್ಲಾನ್ ಗಳನ್ನು ಕೂಡ ಸ್ಥಗಿತಗೊಳಿಸಿದೆ. ಅಂದರೆ ಇನ್ನು ಮುಂದೆ ಆನ್ ಲೈನ್ ನಲ್ಲಿ ಬಿಎಸ್ಎನ್ಎಲ್ ಗ್ರಾಹಕರು 10 ರುಪಾಯಿ ಮತ್ತು 20 ರುಪಾಯಿಯ ರೀಚಾರ್ಜ್ ಗಳನ್ನು ಮಾಡಿಕೊಳ್ಳುವುದಕ್ಕೆ ಅವಕಾಶವಿರುವುದಿಲ್ಲ. ಆದರೆ ಫಿಸಿಕಲ್ ವೋಚರ್ ಗಳ ರೂಪದಲ್ಲಿ ಈಗಲೂ ಕೂಡ ಈ ಪ್ಲಾನ್ ಗಳನ್ನು ಕಂಪೆನಿಯು ಮಾರಾಟ ಮಾಡುತ್ತಿದೆ.

ಬೇಸಿಕ್ ರೀಚಾರ್ಜ್ ಪ್ಲಾನ್

ಏರ್ ಟೆಲ್, ವಡಾಫೋನ್ ಗಳು ಕೂಡ ಕೆಲವು ಬೇಸಿಕ್ ರೀಚಾರ್ಜ್ ಪ್ಲಾನ್ ಗಳನ್ನು ಸ್ಥಗಿತಗೊಳಿಸಿದೆ. ರುಪಾಯಿ 10, ರುಪಾಯಿ 20, ರುಪಾಯಿ 30, ರುಪಾಯಿ 50, ರುಪಾಯಿ 100 ಮತ್ತು ರುಪಾಯಿ 500 ರ ಪ್ಲಾನ್ ಗಳು ಲಭ್ಯವಿರುವುದಿಲ್ಲ. ಆದರೆ ನಂತರ ಎರಡೂ ಆಪರೇಟರ್ ಗಳು 50 ರುಪಾಯಿ ಮತ್ತು 500 ರುಪಾಯಿ ರೀಚಾರ್ಜ್ ಪ್ಲಾನ್ ಗಳನ್ನು ಪ್ರಸಿದ್ಧತೆಯ ಆಧಾರದಲ್ಲಿ ಪುನಃ ಮಾರುಕಟ್ಟೆಯಲ್ಲಿ ಲಭ್ಯಗೊಳಿಸಿದೆ. ಇದೀಗ ಬಿಎಸ್ಎನ್ಎಲ್ ಕೇವಲ ರುಪಾಯಿ 10 ಮತ್ತು ರುಪಾಯಿ 20 ಪ್ಲಾನ್ ಗಳನ್ನು ಮಾತ್ರವೇ ನಿಲ್ಲಿಸಿದೆ ಮತ್ತು ಇತರೆ ಬೇಸಿಕ್ ರೀಚಾರ್ಜ್ ಪ್ಲಾನ್ ಗಳಾಗಿರುವ ರುಪಾಯಿ 50, ರುಪಾಯಿ 100 ಮತ್ತು ರುಪಾಯಿ 110 ರ ಪ್ಲಾನ್ ಗಳು ಲಭ್ಯವಿರುತ್ತದೆ.

ಕ್ಯಾಷ್ ಬ್ಯಾಕ್ ಆಫರ್

ವಾರ್ಷಿಕ ಬ್ರಾಡ್ ಬ್ಯಾಂಡ್ ಪ್ಲಾನ್ ನ 25% ಕ್ಯಾಷ್ ಬ್ಯಾಕ್ ಆಫರ್ ನ್ನು ಗಡುವನ್ನು ಬಿಎಸ್ಎನ್ಎಲ್ ಮೇ 31,2019 ರ ವರೆಗೆ ವಿಸ್ತರಿಸಿದೆ. ಈ ಕ್ಯಾಷ್ ಬ್ಯಾಕ್ ಆಫರ್ ಹೊಸ ಮತ್ತು ಈಗಾಗಲೇ ಇರುವ ಬಿಎಸ್ಎನ್ಎಲ್ ನ ಲ್ಯಾಂಡ್ ಲೈನ್, ಬ್ರಾಡ್ ಬ್ಯಾಂಡ್ ಮತ್ತು ಭಾರತೀಫೈಬರ್ ಕಸ್ಟಮರ್ ಗಳಿಗೆ ಲಭ್ಯವಿರುತ್ತದೆ. ಈ ಕ್ಯಾಷ್ ಬ್ಯಾಕ್ ಆಫರ್ ನ್ನು ಮೊದಲ ಬಾರಿಗೆ ಡಿಸೆಂಬರ್ 2018 ರಲ್ಲಿ ಪ್ರಕಟಿಸಲಾಯಿತು. ಭಾರತದಲ್ಲಿರುವ ವಾರ್ಷಿಕ ಮತ್ತು ಅರ್ಧವಾರ್ಷಿಕ ಬ್ರಾಡ್ ಬ್ಯಾಂಡ್ ಪ್ಲಾನ್ ಗಳು, ಬ್ರಾಡ್ ಬ್ಯಾಂಡ್ ನ ವೈ-ಫೈ ಚಂದಾದಾರರು, ಲ್ಯಾಂಡ್ ಲೈನ್ ಮತ್ತು ಬ್ರಾಡ್ ಬ್ಯಾಂಡ್ನ ಹೊಸ ಮತ್ತು ಈಗಾಗಲೇ ಲಭ್ಯವಿರುವ ಬಿಎಸ್ಎನ್ಎಲ್ ಗ್ರಾಹಕರಿಗೆ ಇದು ಅನ್ವಯಿಸುತ್ತಿತ್ತು.