ಜಿಯೋಗೆ ಸೆಡ್ಡು, ತಿಂಗಳಿಗೆ 1500GB ಡೇಟಾ ಪ್ಲಾನ್ ಘೋಷಿಸಿದ ಕಂಪನಿ...!

ಫೈಬರ್ ಟು ಹೋಮ್:

ಜಿಯೋ ಗಿಗಾ ಫೈಬರ್ ಮಾದರಿಯಲ್ಲಿ ಬ್ರಾಡ್ ಬ್ಯಾಂಡ್ ಸೇವೆಯನ್ನು ನೀಡುತ್ತಿರುವ BSNL, ತನ್ನ ಫೈಬರ್ ಟು ಹೋಮ್ ಸೇವೆಯ FUP ಲಿಮಿಟ್ ಅನ್ನು ಹೆಚ್ಚು ಮಾಡಲು ಮುಂದಾಗಿದೆ. ಬಳಕೆದಾರರಿಗೆ ತಿಂಗಳಿಗೆ 1.5TB ಡೇಟಾವನ್ನು ನೀಡುವ ಪ್ಲಾನ್ ಘೋಷಣೆ ಮಾಡಿದೆ. ಈ ಮೂಲಕ ಬಳಕೆದಾರರಿಗೆ ಹೆಚ್ಚಿನ ಪ್ರಮಾಣದ ಡೇಟಾವನ್ನು ಬಳಕೆಗೆ ನೀಡುವ ಪ್ರಯತ್ನ ಮಾಡುತ್ತಿದೆ. ಹೆಚ್ಚಿನ ಡೇಟಾ ಅಗತ್ಯವಿರುವ ಬಳಕೆದಾರರನ್ನು ಸೆಳೆಯುವ ಪ್ರಯತ್ನ ಇದಾಗಿದೆ.

100Mbps ವೇಗದ ಸೇವೆ:

ಫೈಬರ್ ಟು ಹೋಮ್ ಸೇವೆಯಲ್ಲಿ BSNL ತನ್ನ ಬಳಕೆದಾರರಿಗೆ 1.5TB ಡೇಟಾವನ್ನು ಅತ್ಯಂತ ವೇಗದಲ್ಲಿ ನೀಡಲಿದ್ದು, ಇದು 100Mbpsನಲ್ಲಿ ಕಾರ್ಯನಿರ್ವಹಿಸಲು ಶಕ್ತವಾಗಿದೆ ಎನ್ನಲಾಗಿದೆ. ಈ ಪ್ಲಾನ್ ನಲ್ಲಿ ಬಳೆದಾರರು ಹೆಚ್ಚಿನ ಡೇಟಾವನ್ನು ಮತ್ತು ಹೆಚ್ಚಿನ ವೇಗದ ಸೇವೆ ಎರಡನ್ನು ಪಡೆದುಕೊಳ್ಳಲಿದ್ದಾರೆ ಎನ್ನಲಾಗಿದೆ.

ರೂ.4999:

ಫೈಬರ್ ಟು ಹೋಮ್ ಸೇವೆಯನ್ನು ಬಳಸುವವರಿಗೆ 15 TB ಡೇಟಾವನ್ನು ಹಾಗೂ 100Mbps ವೇಗದ ಸೇವೆಯನ್ನು ನೀಡಲಿರುವ BSNL ಇದಕ್ಕಾಗಿ ರೂ4999 ದರವನ್ನು ವಿಧಿಸಲಿದೆ. ಈ ಮೊದಲು ಇದೇ ಪ್ಲಾನ್ ನಲ್ಲಿ ಬಳಕೆದಾರರಿಗೆ ಕೇಲವ 1TB ಡೇಟಾವನ್ನು ಮಾತ್ರವೇ ನೀಡುತಿತ್ತು. ಆದರೆ ಈ ಬಾರಿ ಅದಕ್ಕಿಂತ ಅರ್ಧದಷ್ಟು ಪ್ರಮಾಣದ ಡೇಟಾವನ್ನು ಉಚಿತವಾಗಿಯೇ ನೀಡಲಿದೆ.

ಉಚಿತ ಕರೆ:

ಇದಲ್ಲದೇ ರೂ.4999 ಪ್ಲಾನ್ ಬಳಕೆ ಮಾಡಿಕೊಳ್ಳುವವರಿಗೆ ಮತ್ತೊಂದು ಆಫರ್ ನೀಡಿರುವ BSNL ಒಂದು ಇಮೇಲ್ ಐಡಿಯನ್ನು ಉಚಿತವಾಗಿ ನೀಡಲಿದೆ. ಇದರೊಂದಿಗೆ ಉಚಿತವಾಗಿ ಅನ್‌ಲಿಮಿಟೆಡ್ ಕರೆ ಮಾಡುವ ಅವಕಾಶವನ್ನು ಮಾಡಿಕೊಟ್ಟಿದೆ. ಇದರಿಂಧಾಗಿ ಬಳಕೆದಾರರು ಒಂದೇ ಪ್ಲಾನ್ ನಲ್ಲಿ ಸಾಕಷ್ಟು ಹೆಚ್ಚಿನ ಪ್ರಮಾಣದ ಲಾಭವನ್ನು ಪಡೆದುಕೊಳ್ಳಬಹುದಾಗಿದೆ.