ಜಿಯೋ ಬೆಸ್ಟ್, BSNL ಬೇಡ ಅಂದವರೆಲ್ಲ ರಿಚಾರ್ಜ್ ಮಾಡಿಸಿಕೊಳ್ಳುವ ಪ್ಲಾನ್..!

30 ದಿನಗಳ ವ್ಯಾಲಿಡಿಟಿ:

BSNL SVT 171 ಆಫರ್ ನಲ್ಲಿ ಬಳಕೆದಾರರಿಗೆ ಸಾಕಷ್ಟು ಲಾಭಗಳು ಆಗಲಿದೆ. ರೂ.171 ಪಾವತಿ ಮಾಡಿದರೆ 30 ದಿನಗಳ ವ್ಯಾಲಿಡಿಟಿಯನ್ನು ಪಡೆದುಕೊಳ್ಳಬಹುದಾಗಿದೆ. ಆದರೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಬೇರೆ ಟೆಲಕಾಂ ಕಂಪನಿಗಳು ಕೇವಲ 28 ದಿನಗಳ ಪ್ಲಾನ್ ಅನ್ನು ನೀಡುತ್ತಿದೆ. ಈ ಸಂದರ್ಭದಲ್ಲಿ BSNL ವಿಭಿನ್ನವಾಗಿ ಹೆಚ್ಚಿನ ವ್ಯಾಲಿಡಿಟಿ ನೀಡುತ್ತಿದೆ.

ನಿತ್ಯ 2GB ಡೇಟಾ:

ಇದಲ್ಲದೇ BSNL SVT 171 ಪ್ಲಾನ್‌ನಲ್ಲಿ ಬಳಕೆದಾರರಿಗೆ ನಿತ್ಯ 2GB ಡೇಟಾವನ್ನು ನೀಡಲಿದೆ ಎನ್ನಲಾಗಿದೆ. ಇದು ಒಟ್ಟಾಗಿ 60GB ಡೇಟಾ ಬಳಕೆದಾರರಿಗೆ ಲಭ್ಯವಿರಲಿದೆ. ಇದೇ ಬೇರೆ ಟೆಲಿಕಾಂ ಕಂಪನಿಗಳ ಪ್ಲಾನ್‌ನಲ್ಲಿ ಇಷ್ಟು ದೊಡ್ಡ ಮಟ್ಟದಲ್ಲಿ ಡೇಟಾ ಲಭ್ಯವಿಲ್ಲ ಎನ್ನಲಾಗಿದೆ. ಇದರಿಂದಾಗಿ ಬಳಕೆದಾರರಿಗೆ ದೊಡ್ಡ ಮಟ್ಟದ ಲಾಭವಾಗಲಿದೆ.

ಅನ್‌ಲಿಮಿಟೆಡ್ ಕರೆಗಳು:

ಮಾರುಕಟ್ಟೆಯಲ್ಲಿ ಜಿಯೋ ಬಿಟ್ಟರೇ BSNL ಮಾತ್ರವೇ ಯಾವುದೇ ಷರತ್ತು ಇಲ್ಲದೇ ಅನ್‌ಲಿಮಿಟೆಡ್ ಕರೆಗಳ ಸೇವೆಯನ್ನು ಬಳಕೆದಾರರಿಗೆ ಉಚಿತವಾಗಿ ನೀಡುತ್ತಿದೆ. ಬೇರೆ ಎಲ್ಲಾ ಟೆಲಿಕಾಂ ಕಂಪನಿಗಳು ದಿನಕ್ಕೆ ಇಷ್ಟು ಇಲ್ಲವೇ ವಾರಕ್ಕೆ ಇಷ್ಟು ಎಂದು ನಿಗಧಿ ಪಡಿಸುತ್ತಿವೆ, ಈ ಹಿನ್ನಲೆಯಲ್ಲಿ BSNL ಆಫರ್ ಇದು ಬೆಸ್ಟ್.

ಉಚಿತ SMS:

ಸೋಶಿಯಲ್ ಮೀಡಿಯಾ ಹೆಚ್ಚಾದ ಮೇಲೆ SMS ಕೇಳುವವರು ಇಲ್ಲದಾಗಿದೆ. ಆದರೆ ಕೆಲವು ವಿಷಯಗಳಿಗೆ SMS ಬೇಕಾಗುತ್ತದೆ. ಇದರಿಂದಾಗಿ ಬಳಕೆದಾರರಿಗೆ BSNL ಉಚಿತ SMS ಸೇವೆಯನ್ನು ನೀಡುವ ಕ್ರಮಕ್ಕೆ ಮುಂದಾಗಿದೆ. ಇದರಿಂದಲೂ ಗ್ರಾಹಕರಿಗೆ ಲಾಭವಾಗಲಿದೆ.

ಬೇರೆ ಟೆಲಿಕಾಂ:

ಇದಲ್ಲದೇ ಬೇರೆ ಟೆಲಿಕಾಂ ಕಂಪನಿಗಳು ಇದೇ ಮಾದರಿಯ ಆಫರ್ ಗಳನ್ನು ನೀಡಿವೆ. ಆದರೆ ಇಷ್ಟು ಪ್ರಮಾಣದ ಡೇಟಾ ಮತ್ತು ವ್ಯಾಲಿಡಿಟಿಯನ್ನು ನೀಡಿಲ್ಲ. ಎಲ್ಲಾ ಪ್ಲಾನ್‌ ಗಳು ರೂ.199ಕ್ಕಿಂತ ಮೇಲಿದೆ ಮತ್ತು ಡೇಟಾ ಸಹ ಕಡಿಮೆಯನ್ನು ನೀಡುತ್ತಿವೆ. ಈ ಹಿನ್ನಲೆಯಲ್ಲಿ BSNL ಉತ್ತಮ ಎನ್ನವ ಮಾತು ಕೇಳಿ ಬಂದಿದೆ.