BSNLನಿಂದ ಇತಿಹಾಸದ ಭರ್ಜರಿ ಆಫರ್ ಪ್ರಕಟ!..ಈಗಲೇ ಬುಕ್ ಮಾಡ್ತೀರಾ!

ಭಾರತದ ಟೆಲಿಕಾಂ ಪ್ರಪಂಚದಲ್ಲಿ ಪಾತಾಳಕ್ಕಿಳಿದಿರುವ ಸರ್ಕಾರಿ ಸಾಮ್ಯದ ಬಿಎಸ್​ಎನ್​ಎಲ್​ ಸಂಸ್ಥೆ ಇದೀಗ ಇತಿಹಾಸದ ಭರ್ಜರಿ ಆಫರ್ ಒಂದನ್ನು ಪ್ರಕಟಿಸಿದೆ. ತನ್ನ ಲ್ಯಾಂಡ್​ಲೈನ್​ ಫೋನ್​ ಬಳಸುವವರಿಗೆ ಬಿಎಸ್‌ಎನ್‌ಎಲ್ ಉಚಿತ ಬ್ರಾಡ್​ಬ್ಯಾಂಡ್​​ ಸೇವೆಯನ್ನು ಒದಗಿಸಲು ಸಂಸ್ಥೆ ಮುಂದಾದ್ದು, ಈ ಆಫರ್ ಬಗ್ಗೆ ನೀವು ಕೇಳಿದ್ರೆ ಅದನ್ನು ಬುಕ್ ಮಾಡುವುದು ಖಂಡಿತ.

ಹೌದು, ಇತಿಹಾಸದಲ್ಲೇ ಮೊದಲ ಬಾರಿಗೆ ಬಿಎಸ್‌ಎನ್‌ಎಲ್‌ ತನ್ನ ಲ್ಯಾಂಡ್‌ಲೈನ್ ಬಳಕೆದಾರರಿಗೆ ಭರ್ಜರಿ ಉಚಿತ ಡೇಟಾ ನೀಡಲು ಮುಂದಾಗಿದೆ. ಇದೀಗ ಬಿಎಸ್‌ಎನ್‌ಎಲ್ ಲ್ಯಾಂಡ್​ ಲೈನ್​ ಗ್ರಾಹಕರು ಉಚಿತವಾಗಿ ಹೈಸ್ಪೀಡ್​ ಹೋಮ್​ ವೈಫೈ ಸೇವೆಯನ್ನು ಪಡೆಯಬಹುದಾಗಿದ್ದು, 10 ಎಂಬಿಪಿಎಸ್​ ವೇಗದಲ್ಲಿ ಪ್ರತಿದಿನ 5 ಜಿಬಿ ಡೇಟಾವನ್ನು ಸಂಸ್ಥೆ ಉಚಿತವಾಗಿ ನೀಡುತ್ತಿದೆ.

10 ಎಂಬಿಪಿಎಸ್​ ವೇಗದಲ್ಲಿ ಪ್ರತಿದಿನ 5 ಜಿಬಿ ಡೇಟಾ ಜೊತೆಗೆ​ ಸಂಸ್ಥೆ ತನ್ನ ಲ್ಯಾಂಡ್​ ಲೈನ್​ ಮತ್ತು ಮೊಬೈಲ್​ ಗ್ರಾಹಕರಿಗೆ 'ಫ್ರಿ ವಾಯ್ಸ್​ ಕಾಲಿಂಗ್​ ' ಸೇವೆಯನ್ನು ಒದಗಿಸುತ್ತಿದೆ. 'ವಿಂಗ್ಸ್​' ವಿಒಐಪಿ ಪ್ಲಾಟ್​ಫಾರಂ ಮೂಲಕ ಈ ಸೇವೆ ದೊರಕಲಿದೆ. ಈ ಸೇವೆಯಲ್ಲಿ ಬಹುತೇಕ ದೇಶಗಳಿಗೆ ಅಂತರಾಷ್ಟ್ರೀಯ ಕರೆಗಳನ್ನು ಕೇವಲ.1.20 ರೂ.ಗಳಲ್ಲಿ ಮಾಡಬಹುದು ಎಂದು ತಿಳಿಸಿದೆ.

ಲ್ಯಾಂಡ್​ಲೈನ್​ ಫೋನ್ ಗ್ರಾಹಕರು ಈ ವೈಫೈ ಸೇವೆಯನ್ನು ಪಡೆಯಲು ಕೇವಲ ಒಂದು ಕರೆ ಮಾಡಿದರೆ ಸಾಕಿದ್ದು, ಬಿಎಸ್​ಎನ್​ಎಲ್ ಸಂಸ್ಥೆ​​ ನೀಡಿರುವ 18003451504 ಸಂಖ್ಯೆಗೆ ಕರೆ ಮಾಡುವ ಮೂಲಕ ಈ ಯೋಜನೆಯನ್ನು ಪಡೆಯಬಹುದಾಗಿದೆ. ಇನ್ನು ಹೋಮ್​ ವೈಫೈ ಇನ್ಸ್ಟಾಲ್​​ ಮಾಡಲು ಯಾವುದೇ ಶುಲ್ಕವಿಲ್ಲ ಎಂಬುದನ್ನು ಸಹ ಬಿಎಸ್​​ಎನ್​ಎಲ್​​ ಸಂಸ್ಥೆ ತಿಳಿಸಿದೆ.

ಈ ಬ್ರಾಡ್ಬ್ಯಾಂಡ್ ಅನುಸ್ಥಾಪನೆಗೆ ಗ್ರಾಹಕರಿಗೆ ಚಾರ್ಜ್ ಮಾಡಲಾಗುವುದಿಲ್ಲ. ಉಚಿತ ಕೊಡುಗೆ ಅಡಿಯಲ್ಲಿ, ದಿನಕ್ಕೆ 10 ಎಂಬಿಪಿಎಸ್ ವರೆಗೆ ವೇಗವನ್ನು ಹೊಂದಿರುವ 5 ಜಿಬಿ ಡೇಟಾ ಹಾಗೆಯೇ, ಈಗಾಗಲೇ ಈ ಲ್ಯಾಂಡ್​ಲೈನ್​ ಸೇವೆಯನ್ನು ಪಡೆಯುತ್ತಿರುವ ಗ್ರಾಹಕರಿಗೆ ವರ್ಷಕ್ಕೆ 25% ಕ್ಯಾಶ್‌ಬ್ಯಾಕ್ ಮತ್ತು ಅಮೆಜಾನ್ ಚಂದಾದಾರಿಕೆಯನ್ನು ನೀಡುವುದಾಗಿ ಸಂಸ್ಥೆ ಹೇಳಿದೆ.