BSNL ಧಮಾಕ: 1,999 ರೂ.ಗೆ 365 ದಿನ ವ್ಯಾಲಿಡಿಟಿ, ಅನ್‌ಲಿಮಿಟೆಡ್ ಸೇವೆ!

ಭಾರತದಲ್ಲಿ ಅತಿ ಕಡಿಮೆ ಬೆಲೆಗೆ ಅತಿ ಹೆಚ್ಚು ಪ್ರಯೋಜನಗಳನ್ನು ನೀಡುವ ಟೆಲಿಕಾಂ ಕಂಪನಿಗಳಲ್ಲಿ ಮೊದಲನೆಯದಾಗಿ ಹೊರಹೊಮ್ಮಿರುವ ಸರ್ಕಾರಿ ಸೌಮ್ಯದ ಟೆಲಿಕಾಂ ಸಂಸ್ಥೆ BSNL (ಬಿಎಸ್ಎನ್ಎಲ್) ಇದೀಗ ಒಂದು ಅತ್ಯುತ್ತಮ ವಾರ್ಷಿಕ ರೀಚಾರ್ಚ್ ಪ್ಲಾನ್ ಒಂದರ ಮೂಲಕ ಮತ್ತೆ ಗಮನಸೆಳೆದಿದೆ. ವರ್ಷಪೂರ್ತಿ ಯಾವುದೇ ತೊಂದರೆ ಇಲ್ಲದೆ ಅನ್ಲಿಮಿಟೆಡ್ ಕರೆಗಳು ಮತ್ತು ಭಾರೀ ಡೇಟಾವನ್ನು ಆನಂದಿಸಿವಂತಹ BSNL ಪ್ರೀಪೇಡ್ ಪ್ಲಾನ್ ಒಂದು ಇದೀಗ ಕೇವಲ 1,999 ರೂ. ಬೆಲೆಯಲ್ಲಿ ಲಭ್ಯವಾಗುತ್ತಿದ್ದು, ಗ್ರಾಹಕರು ಒಂದು ವರ್ಷ ಪೂರ್ತಿ ಯಾವುದೇ ಅಡೆತಡೆ ಇಲ್ಲದಂತಹ ಸೇವೆಯನ್ನು ಅನುಭವಿಸಬಹುದು.!

ಹೌದು, ತನ್ನ ಬಳಕೆದಾರರಿಗೆ ಕೈಗೆಟಕುವ ಬೆಲೆಗೆ ಮತ್ತು ಅಗತ್ಯಗಳಿಗೆ ಅನುಗುಣವಾಗಿ BSNL ನಿಂದ ₹1,999 ರೂಗಳ ರಿಚಾರ್ಜ್ ಯೋಜನೆಯು ಲಭ್ಯವಿದೆ. ಈ ಯೋಜನೆಯಲ್ಲಿ ಬರೋಬ್ಬರಿ 365 ದಿನಗಳ ವ್ಯಾಲಿಡಿಟಿಯೊಂದಿಗೆ ಬಳಕೆದಾರರಿಗೆ ಅನ್ಲಿಮಿಟೆಡ್ ವಾಯ್ಸ್ ಕರೆಗಳೊಂದಿಗೆ ಬರೋಬ್ಬರಿ 600GB ಡೇಟಾವನ್ನು ಸಹ ಕಂಪನಿ ನೀಡುತ್ತಿದೆ. ಇಷ್ಟೇ ಅಲ್ಲದೇ, ಈ ಯೋಜನೆಯಲ್ಲಿ ದಿನಕ್ಕೆ 100 SMS ನಂತೆ ಪೂರ್ಣ ವರ್ಷದ ಮಾನ್ಯತೆಯನ್ನು ಅನುಭವಿಸಬಹುದು ಎಂದು BSNL ಸಂಸ್ಥೆ ತಿಳಿಸಿದೆ. ಹಾಗಾದರೆ, BSNL ನ ಈ ಹೊಸ 1999 ರೂ. ರಿಚಾರ್ಜ್ ಪ್ಲಾನ್ ಏನೆಲ್ಲಾ ಲಾಭಗಳನ್ನು ಹೊಂದಿದೆ ಎಂಬುದನ್ನು ನೋಡೋಣ ಬನ್ನಿ.

BSNL ನ 1999 ರೂ. ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯು ಈ ಕೆಳಗಿನ ಪ್ರಯೋಜನಗಳೊಂದಿಗೆ ಲಭ್ಯವಿದೆ.
12 ತಿಂಗಳ ಮಾನ್ಯತೆ - ಮಾರ್ಚ್ 2026 ರವರೆಗೆ ರೀಚಾರ್ಜ್ ಮಾಡುವ ಅಗತ್ಯವಿಲ್ಲ.
ಅನಿಯಮಿತ ಕರೆ - ಎಲ್ಲಾ ನೆಟ್‌ವರ್ಕ್‌ಗಳಲ್ಲಿ ಉಚಿತ ಸ್ಥಳೀಯ ಮತ್ತು STD ಕರೆಗಳು.
600GB ಒಟ್ಟು ಡೇಟಾ - ದೈನಂದಿನ ಮಿತಿಯಿಲ್ಲ, ನಿಮ್ಮ ಅಗತ್ಯಕ್ಕೆ ಅನುಗುಣವಾಗಿ ಅದನ್ನು ಬಳಸಿ.
ದಿನಕ್ಕೆ 100 SMS - ಹೆಚ್ಚುವರಿ ಶುಲ್ಕಗಳಿಲ್ಲದೆ ಸಂಪರ್ಕದಲ್ಲಿರಿ.

ಬಜೆಟ್ ಪ್ರಜ್ಞೆಯ ಬಳಕೆದಾರರಿಗೆ ಅತ್ಯುತ್ತಮ ಯೋಜನೆ

ನೀವು BSNL ಬಳಕೆದಾರರಾಗಿದ್ದರೆ ಮತ್ತು ನಿಮ್ಮ ಪ್ರಿಪೇಯ್ಡ್ ಸಂಖ್ಯೆಯನ್ನು ಆಗಾಗ್ಗೆ ರೀಚಾರ್ಜ್ ಮಾಡುವುದರಿಂದ ಬೇಸತ್ತಿದ್ದರೆ, ಮಾಸಿಕ ರೀಚಾರ್ಜ್‌ಗಳ ಅಗತ್ಯವನ್ನು ನಿವಾರಿಸುವ BSNL ನ 1999 ರೂ. ಯೋಜನೆಯು ಹಣಕ್ಕೆ ಮೌಲ್ಯದ ಆಯ್ಕೆಯಾಗಿದೆ.ಈ ಯೋಜನೆಯ ಒಂದು ವರ್ಷದ ಮಾನ್ಯತೆ, ಅನಿಯಮಿತ ಕರೆ ಮತ್ತು ಹೊಂದಿಕೊಳ್ಳುವ ಡೇಟಾ ಬಳಕೆಯೊಂದಿಗೆ, ಈ ಯೋಜನೆಯು ಕೈಗೆಟುಕುವ ಬೆಲೆಯಲ್ಲಿ ನಿರಂತರ ಸಂಪರ್ಕವನ್ನು ಖಚಿತಪಡಿಸುತ್ತದೆ. ಬಳಕೆದಾರರು ತಮ್ಮ ಅನುಕೂಲಕ್ಕೆ ತಕ್ಕಂತೆ ಡೇಟಾ ಸೌಲಭ್ಯಗಳನ್ನು ಯಾವುದೇ ಸಮಯದಲ್ಲಿ ಬಳಸಬಹುದು. ಆದರೆ, 600GB ಡೇಟಾ ಬಳಕೆ ನಂತರ ಇಂಟರ್ನೆಟ್ ವೇಗ 80Kbps ಇಳಿಯುತ್ತದೆ ಎಂಬುದನ್ನು ಗಮನಿಸಿ.

BSNL ಗ್ರಾಹಕರಾಗಲು ಮುಂದಾದ ಜನತೆ!

ಜಿಯೋ, ಏರ್‌ಟೆಲ್ ಮತ್ತು ವಿಐ ನಂತಹ ಪ್ರಮುಖ ಖಾಸಾಗಿ ಟೆಲಿಕಾಂ ಆಪರೇಟರ್‌ಗಳು ಜುಲೈ 2024 ರಲ್ಲಿ ತಮ್ಮ ರೀಚಾರ್ಜ್ ಬೆಲೆಗಳನ್ನು ಹೆಚ್ಚಿಸಿದ್ದರೂ, BSNL ಮಾತ್ರ ಹಳೆಯ ದರಗಳಲ್ಲಿ ಬಜೆಟ್ ಸ್ನೇಹಿ ಯೋಜನೆಗಳನ್ನು ನೀಡುವುದನ್ನು ಮುಂದುವರೆಸಿದೆ. ಇದರ ಪರಿಣಾಮವಾಗಿ, ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಪೂರೈಕೆದಾರ ಇತ್ತೀಚಿನ ತಿಂಗಳುಗಳಲ್ಲಿ 50 ಲಕ್ಷಕ್ಕೂ ಹೆಚ್ಚು ಹೊಸ ಚಂದಾದಾರರನ್ನು ಪಡೆದುಕೊಂಡಿದೆ.ಆದರೆ, ಕೆಲ ಗ್ರಾಹಕರು ನೆಟ್‌ವರ್ಕ್ ಸಮಸ್ಯೆಗಳನ್ನು ಅನುಭವಿಸುತ್ತಿದ್ದಾರೆ. ಆದಾಗ್ಯೂ, BSNL ಬಳಕೆದಾರರಾಗಿದ್ದರೆ, ಈ ಯೋಜನೆಯನ್ನು ಉತ್ತಮ ಆಯ್ಕೆಯಾಗಿ ಪರಿಗಣಿಸಬಹುದು.