ಸ್ವಾತಂತ್ರ್ಯ ಸಂಭ್ರಮಕ್ಕೆ ಬಿಎಸ್‌ಎನ್‌ಎಲ್‌ ಬಿಗ್ ಕೊಡುಗೆ..! ಟಾರ್ಗೇಟ್ ಜಿಯೋ..!

₹ 29 ಪ್ಲಾನ್‌

ಬಿಎಸ್‌ಎನ್‌ಎಲ್ ಲಾಂಚ್ ಮಾಡಿರುವ ₹ 29 ಪ್ಲಾನ್‌ನಲ್ಲಿ ಗ್ರಾಹಕರು ಅನಿಯಮಿತ ಉಚಿತ ಕರೆಗಳನ್ನು ಮತ್ತು ಅನಿಯಮಿತ ಡೇಟಾವನ್ನು ಪಡೆಯಲಿದ್ದಾರೆ. ಅದಲ್ಲದೇ ಪ್ರತಿದಿನ 100 ಉಚಿತ SMS ಪಡೆಯಲಿದ್ದು, ವ್ಯಾಲಿಡಿಟಿ 7 ದಿನಗಳಾಗಿದೆ. ದೆಹಲಿ ಮತ್ತು ಮುಂಬೈ ನಗರಗಳ ಗ್ರಾಹಕರಿಗೆ ವಾಯ್ಸ್ ಕರೆಗಳಲ್ಲಿ ವ್ಯತ್ಯಾಸವಿದೆ. ಈ ಪ್ಲಾನ್‌ನಲ್ಲಿ ದಿನಕ್ಕೆ ಕನಿಷ್ಟ FUP 2GB ಡೇಟಾ ಇದ್ದು, ನಂತರ ಇಂಟರ್‌ನೆಟ್‌ ವೇಗ 80Kbpsಗೆ ಇಳಿಯಲಿದೆ. ಅಲ್ಲದೇ ಉಚಿತ Personalised Ringback Tone ಅವಕಾಶವನ್ನು ಬಿಎಸ್‌ಎನ್‌ಎಲ್‌ ನೀಡಿದೆ.

₹9 ಪ್ಲಾನ್‌

₹ 9 ಪ್ಲಾನ್‌ನಲ್ಲಿ ಬಿಎಸ್‌ಎನ್‌ಎಲ್ ಗ್ರಾಹಕರು ಅನಿಯಮಿತ ಉಚಿತ ಕರೆಗಳನ್ನು ಮತ್ತು ಅನಿಯಮಿತ ಡೇಟಾವನ್ನು ಪಡೆಯಲಿದ್ದಾರೆ. ಅದಲ್ಲದೇ ಪ್ರತಿದಿನ 100 ಉಚಿತ SMS ಪಡೆಯಲಿದ್ದು, ದೆಹಲಿ ಮತ್ತು ಮುಂಬೈ ನಗರಗಳ ಗ್ರಾಹಕರಿಗೆ ವಾಯ್ಸ್ ಕರೆಗಳಲ್ಲಿ ವ್ಯತ್ಯಾಸವಿದೆ. ವ್ಯಾಲಿಡಿಟಿ ಒಂದು ದಿನ. ಈ ಪ್ಲಾನ್‌ನಲ್ಲಿಯೂ ದಿನಕ್ಕೆ ಕನಿಷ್ಟ FUP 2GB ಡೇಟಾ ಇದ್ದು, ನಂತರ ಡೇಟಾ ವೇಗ 80Kbpsಗೆ ಇಳಿಯಲಿದೆ.

ಫ್ರೀಡಂ ಆಫರ್‌

ಈ ಎರಡು ಆಫರ್‌ಗಳನ್ನು ಬಿಎಸ್‌ಎನ್‌ಎಲ್‌ ಸ್ವಾತಂತ್ರ್ಯ ಸಂಭ್ರಮವನ್ನು ಹೆಚ್ಚಿಸಲು ನೀಡಿದ್ದು, ಆಗಸ್ಟ್‌ 10 ರಿಂದ 25ರವರೆಗೆ ಮಾತ್ರ ಲಭ್ಯವಿರಲಿದೆ. ನಂತರ ಡೇಟಾ ಪ್ರಮಾಣದಲ್ಲಿ ಇಳಿಕೆಯಾಗಲಿದೆ. ಅವಧಿ ಮುಗಿದ ನಂತರ ₹ 29 ಪ್ಲಾನ್‌ನಲ್ಲಿ ಗ್ರಾಹಕರು ವಾರದ ವ್ಯಾಲಿಡಿಟಿಯಲ್ಲಿ 1GB ಡೇಟಾ ಹಾಗೂ 300 ಉಚಿತ SMSಗಳನ್ನು ಪಡೆಯಲಿದ್ದಾರೆ. ₹9 ಪ್ಲಾನ್‌ನಲ್ಲಿ ಡೇಟಾ ಪ್ರಮಾಣವನ್ನು ಇಳಿಸುವ ಸಾಧ್ಯತೆ ಹೆಚ್ಚಿದೆ. 15 ದಿನದ ಆಫರ್‌ನ್ನು ಹೆಚ್ಚು ಸ್ವಾತಂತ್ರ್ಯದಿಂದಲೇ ಎಂಜಾಯ್ ಮಾಡಿ.

ಗ್ರಾಮೀಣ ಗ್ರಾಹಕರ ಟಾರ್ಗೇಟ್

ಬಿಎಸ್‌ಎನ್‌ಎಲ್‌ ಹೇಳಿರುವಂತೆ ಈ ಫ್ರೀಡಂ ಆಫರ್‌ಗಳನ್ನು ಗ್ರಾಮೀಣ ಗ್ರಾಹಕರಿಗಾಗಿಯೇ ಹಾಗೂ ದೈನಂದಿನ ಲೆಕ್ಕಾಚಾರದಲ್ಲಿ ಡೇಟಾ ಬಳಸುವವರಿಗಾಗಿ ತಂದಿದೆಯಂತೆ. ಅಲ್ಲದೇ ಈ ಆಫರ್ ಮೂಲಕ ಟೈಯರ್ 2 ಹಾಗೂ ಟೈಯರ್‌ 3 ನಗರಗಳ ಗ್ರಾಹಕರನ್ನು ಸೆಳೆಯಲು ಬಿಎಸ್‌ಎನ್‌ಎಲ್ ಮುಂದಾಗಿದೆ.

ಟಾರ್ಗೇಟ್ ಜಿಯೋ

ಬಿಎಸ್‌ಎನ್‌ಎಲ್ ಘೋಷಣೆ ಮಾಡಿರುವ ಹೊಸ ಪ್ಲಾನ್‌ನಲ್ಲಿ ಜಿಯೋವನ್ನು ಟಾರ್ಗೇಟ್ ಮಾಡಿರುವುದು ಸ್ಪಷ್ಟವಾಗಿ ಕಾಣುತ್ತಿದೆ. ಸದ್ಯ ಜಿಯೋ ₹ 52ಕ್ಕೆ ಅನಿಯಮಿತ ಕರೆ, 1.05GB ಡೇಟಾ ಹಾಗೂ 70 ಉಚಿತ SMSಗಳನ್ನು 7 ದಿನದ ಅವಧಿಗೆ ನೀಡುತ್ತಿದೆ. ಅದಲ್ಲದೇ ಜಿಯೋದ ಇನ್ನೊಂದು ಆಫರ್‌ ₹ 49 ಪ್ಲಾನ್‌ನಲ್ಲಿ ಅನಿಯಮಿತ ಕರೆ, 1GB ಡೇಟಾ ಹಾಗೂ 50 ಉಚಿತ SMSಗಳನ್ನು ನೀಡುತ್ತಿತ್ತು. ಈ ಎರಡು ಪ್ಲಾನ್‌ಗಳನ್ನು ಬಿಎಸ್‌ಎನ್‌ಎಲ್ ಒವರ್‌ಟೆಕ್ ಮಾಡಿದೆ. ಇನ್ನೊಂದು ಪ್ಲಾನ್‌ನಲ್ಲಿ ₹ 19ಕ್ಕೆ ಜಿಯೋ ದಿನಕ್ಕೆ 150MB ಡೇಟಾವನ್ನು ನೀಡುತ್ತಿತ್ತು. ಈ ಪ್ಲಾನ್‌ನ್ನು ಬಿಎಸ್‌ಎನ್‌ಎಲ್‌ ತನ್ನ ₹ 9 ಪ್ಲಾನ್‌ ಮೂಲಕ ಸ್ಪಷ್ಟವಾಗಿ ಟಾರ್ಗೇಟ್ ಮಾಡಿದೆ.

ಏರ್‌ಟೆಲ್‌, ವೊಡಾಫೋನ್‌ಗೂ ಪೆಟ್ಟು

ಫ್ರೀಡಂ ಪ್ಲಾನ್‌ಗಳಿಂದ ಬಿಎಸ್‌ಎನ್‌ಎಲ್‌ ಏರ್‌ಟೆಲ್ ಮತ್ತು ವೊಡಾಫೋನ್‌ಗಳಿಗೂ ಬಿಸಿ ಮುಟ್ಟಿಸಿದೆ. ಏರ್‌ಟೆಲ್‌ನ ₹ 47ರ ಪ್ಲಾನ್‌ನಲ್ಲಿ ಗ್ರಾಹಕರಿಗೆ 150 ನಿಮಿಷ ಸ್ಥಳಿಯ, ಎಸ್‌ಟಿಡಿ, ರಾಷ್ಟ್ರೀಯ ಹಾಗೂ ರೋಮಿಂಗ್ ಕರೆಗಳು, 50 ಸ್ಥಳೀಯ ಹಾಗೂ ಎಸ್‌ಟಿಡಿ SMSಗಳು ಹಾಗೂ 500MB 3G/4G ಡೇಟಾ ದೊರೆಯುತ್ತಿತ್ತು. ಇನ್ನು ವೊಡಾಫೋನ್‌ನಲ್ಲಿ ಆರಂಭಿಕ ಪ್ಲಾನ್‌ ಆಗಿರುವ ₹ 47ರ ಪ್ಲಾನ್‌ ಗ್ರಾಹಕರಿಗೆ 7500 ಸೆಕೆಂಡ್‌ಗಳು ಅಥವಾ 125 ನಿಮಿಷ ಸ್ಥಳೀಯ ಹಾಗೂ ಎಸ್‌ಟಿಡಿ ಕರೆಗಳು, 50 ಸ್ಥಳೀಯ ಹಾಗೂ ಎಸ್‌ಟಿಡಿ SMSಗಳು ಹಾಗೂ 500MB 3G/4G ಡೇಟಾವನ್ನು 28 ದಿನಗಳ ವ್ಯಾಲಿಡಿಟಿಯೊಂದಿಗೆ ನೀಡುತ್ತಿತ್ತು. ಈಗ ಬಿಎಸ್‌ಎನ್‌ಎಲ್‌ನ ಫ್ರೀಡಂ ಆಫರ್‌ಗಳು ಈ ಎಲ್ಲಾ ಆಫರ್‌ಗಳನ್ನು ಹಿಂದಾಕಿವೆ.