ರೂ.29ರ ಪ್ಲಾನ್ ನಲ್ಲಿ ಶೇ.50 ರಷ್ಟು ಡಾಟಾ ಕಡಿಮೆಗೊಳಿಸಿದ ಬಿಎಸ್ಎನ್ಎಲ್

ಬದಲಾದ ರೂ.29 ಬಿಎಸ್ಎನ್ಎಲ್ ಪ್ಲಾನ್:

ಹೊಸದಾಗಿ ಬದಲಾವಣೆ ಮಾಡಿರುವ ಈ ಪ್ಲಾನಿನ ಪ್ರಕಾರ ಬಿಎಸ್ಎನ್ಎಲ್ ಸ್ಥಳೀಯ ಮತ್ತು ರಾಷ್ಟ್ರೀಯ ಕರೆಗಳನ್ನು ಅನಿಯಮಿತವಾಗಿ ನೀಡುತ್ತಿದ್ದು ಯಾವುದೇ ಎಫ್ ಯುಪಿ ಲಿಮಿಟ್ ಇರುವುದಿಲ್ಲ. ದರೆ ದೆಹಲಿ ಹಾಗೂ ಮುಂಬೈ ಸರ್ಕಲ್ ನಲ್ಲಿರುವವರಿಗೆ ಸಾಮಾನ್ಯ ಶುಲ್ಕಗಳನ್ನು ವಿಧಿಸಲಾಗುತ್ತದೆ. ಈ ಪ್ಲಾನ್ 7 ದಿನಗಳ ಅವಧಿಯನ್ನು ಹೊಂದಿದ್ದು 300 ಎಸ್ಎಂಎಸ್ ಗಳನ್ನು ಉಚಿತವಾಗಿ ನೀಡುತ್ತದೆ. ಈ ಪ್ಲಾನ್ ನ ಅಡಿಯಲ್ಲಿ ಗ್ರಾಹಕರಿಗೆ 1ಜಿಬಿ ಡಾಟಾ ಕೂಡ ಉಚಿತವಾಗಿ ಲಭ್ಯವಾಗುತ್ತದೆ.

ಹಳೆಯ ಪ್ಲಾನ್ ನಲ್ಲಿ ಏನಿತ್ತು?

ಈ ಬದಲಾವಣೆಗೂ ಮುನ್ನ 29 ರುಪಾಯಿ ಬಿಎಸ್ಎಲ್ಎಲ್ ಪ್ಲಾನ್ ನಲ್ಲಿ 100ಎಸ್ಎಂಎಸ್ ಪ್ರತಿದಿನ ಉಚಿತವಾಗಿರುತ್ತಿತ್ತು ಮತ್ತು 2ಜಿಬಿ ಡಾಟಾ ಪ್ರತಿ ದಿನ ಬಳಸಲು ಅವಕಾಶವಿತ್ತು, ಅನಿಯಮಿತ ಸ್ಥಳೀಯ ಮತ್ತು ರಾಷ್ಟ್ರೀಯ ಕರೆಗಳು 7 ದಿನಗಳ ಅವಧಿಗೆ ಈ ಪ್ಲಾನ್ ನ ಅಡಿಯಲ್ಲಿ ಲಭ್ಯವಾಗುತ್ತಿತ್ತು. ಈಗ ಮಾಡಿರುವ ಬದಲಾವಣೆಯ ನಂತರ ಬಿಎಸ್ಎನ್ಎಲ್ ಕಡಿಮೆ ಲಾಭವನ್ನು ಗ್ರಾಹಕರಿಗೆ ನೀಡುತ್ತಿದೆ.

ಜಿಯೋ ಜೊತೆಗೆ ಸ್ಪರ್ಧೆ:

ರೂಪಾಯಿ 29 ರ ಬಿಎಸ್ಎನ್ಎಲ್ ಪ್ಲಾನ್ ರಿಲಯನ್ಸ್ ಜಿಯೋ ನೀಡುವ 52 ರುಪಾಯಿ ಪ್ಲಾನ್ ಗೆ ಸ್ಪರ್ಧೆಯೊಡ್ಡುತ್ತದೆ. ರಿಲಯನ್ಸ್ ಜಿಯೋ 70 ಉಚಿತ ಎಸ್ಎಂಎಸ್,1.05ಜಿಬಿ ಡಾಟಾ ಜೊತೆಗೆ ಪ್ರತಿದಿನ ಎಫ್ ಯುಪಿ ಲಿಮಿಟ್ 150ಎಂಪಿ ಯನ್ನು ನೀಡುತ್ತದೆ.ಜಿಯೋ ಪ್ಲಾನ್ ನ ಅಡಿಯಲ್ಲಿ ಅನಿಯಮಿತ ಕರೆಗಳ ಲಾಭ ಮತ್ತು ಜಿಯೋ ಆಪ್ ಗಳಿಗೆ ಆಕ್ಸಿಸ್ ಉಚಿತವಾಗಿರುತ್ತದೆ. ಬಿಎಸ್ಎನ್ಎಲ್ ಪ್ಲಾನ್ ನಂತೆಯೇ ಜಿಯೋ ಪ್ಲಾನ್ ನ ಅವಧಿ ಕೂಡ 7 ದಿನಗಳೇ ಆಗಿದೆ.

ಹೊಸ ಮೆಗಾ ಪ್ಲಾನ್:

ಇತ್ತೀಚೆಗೆ ಬಿಎಸ್ಎನ್ಎಲ್ ಹೊಸ ಪ್ಲಾನ್ ವೊಂದನ್ನು ಪರಿಚಯಿಸಿದ್ದು ಮೆಗಾ ಆಫರ್ ನ್ನು ನೀಡಿದೆ. ಇದರ ಅಡಿಯಲ್ಲಿ ಸ್ಪೆಷಲ್ ತಾರಿಫ್ ಪ್ಲಾನ್ ಗಳ ವೋಚರ್ ಗಳಿದ್ದು ರೂಪಾಯಿ 399 ಕೇವಲ 100 ರೂಪಾಯಿ ಬೆಲೆಯಲ್ಲಿ ಲಭ್ಯವಿದೆ. ಬಿಎಸ್ಎನ್ಎಲ್ ನೀಡುವ ಈ ಮೆಗಾ ಆಫರ್ ಪ್ರೀಪೇಯ್ಡ್ ಗ್ರಾಹಕರಿಗೆ ಕೇವಲ ದಿನಕ್ಕೆ 1.35 ರೂಪಾಯಿಯಲ್ಲಿ 74 ದಿನಗಳ ಅವಧಿಗೆ ಸಿಗುವ ಅತ್ಯುತ್ತಮ ಆಫರ್ ಆಗಿದೆ ಎಂದು ಬಿಎಸ್ಎನ್ಎಲ್ ನ ಸಿಎಂಡಿ ಅನುಪಮ್ ಶ್ರೀವಾತ್ಸವ್ ತಿಳಿಸಿದ್ದಾರೆ. ಇದು ಹೊಸದಾಗಿ ಸಿಮ್ ಕಾರ್ಡ್ ಖರೀದಿಸುವ ಗ್ರಾಹಕರಿಗೆ ಲಭ್ಯವಾಗುವ ಬೆಸ್ಟ್ ಆಫರ್ ಆಗಿರುತ್ತದೆ. ಹತ್ತಿರದ ಯಾವುದೇ ಬಿಎಸ್ಎನ್ಎಲ್ ಸ್ಟೋರ್ ಗಳಲ್ಲಿ ನೀವು ಈ ಸೌಲಭ್ಯದ ಆಫರ್ ನ್ನು ಪಡೆದುಕೊಳ್ಳಬಹುದಾಗಿದೆ.