ಬಹು ಅಪೇಕ್ಷಿತ 'ಕಾಲ್ ಆಫ್ ಡ್ಯೂಟಿ ಮೊಬೈಲ್' ಗೇಮ್ ಇದೀಗ ಲಭ್ಯ!
ಯುವಜನತೆಯ ಬಹು ಅಪೇಕ್ಷಿತ ಆನ್ಲೈನ್ ಆಟಗಳಲ್ಲಿ ಒಂದಾಗಿರುವ 'ಕಾಲ್ ಆಫ್ ಡ್ಯೂಟಿ' ಇದೀಗ ಮೊಬೈಲ್ ಗೇಮ್ ಬಳಕೆದಾರರಿಗೆ ಅಂತಿಮವಾಗಿ ಸಿಕ್ಕಿದೆ. ಜಗತ್ತಿನಾದ್ಯಂತ ಐಒಎಸ್ ಮತ್ತು ಆಂಡ್ರಾಯ್ಡ್ ಸಾಧನಗಳಿಗೆ 'ಕಾಲ್ ಆಫ್ ಡ್ಯೂಟಿ ಮೊಬೈಲ್' ಗೇಮ್ ಅನ್ನು ಡೌನ್ಲೋಡ್ ಮಾಡಲು ಅವಕಾಶವನ್ನು ಕಲ್ಪಿಸಲಾಗಿದ್ದು, 1.1 GB ಗಾತ್ರದಲ್ಲಿರುವ ಹೊಸ ಅಪ್ಡೇಟ್ ಸ್ಥಿರ ಆವೃತ್ತಿ ಗೇಮ್ ಅನ್ನು ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪಲ್ ಆಪ್ ಸ್ಟೋರ್ನಿಂದ ನಿಂದ ಡೌನ್ಲೋಡ್ ಮಾಡಬಹುದಾಗಿದೆ.

ಕಾಲ್ ಆಫ್ ಡ್ಯೂಟಿ ಮೊಬೈಲ್ ಆಟವು PUBG ಮತ್ತು Fortnite ನಂತಹ ವೈಶಿಷ್ಟ್ಯಗಳೊಂದಿಗೆ ಬಂದಿದೆ. ಕಾಲ್ ಆಫ್ ಡ್ಯೂಟಿ ಮೊಬೈಲ್ ಪ್ರಸಿದ್ಧ ಕಾಲ್ ಆಫ್ ಡ್ಯೂಟಿ: ಬ್ಲ್ಯಾಕೌಟ್ ಮೋಡ್ನ ಸ್ವರೂಪದೊಂದಿಗೆ ಬರುತ್ತದೆ. ಇದರಲ್ಲಿ ಪಂದ್ಯವನ್ನು ಗೆಲ್ಲಲು 100 ಆಟಗಾರರನ್ನು ಗನ್ಫೈಟ್, ವಾಹನಗಳು ಮತ್ತು ಹೆಚ್ಚಿನವುಗಳೊಂದಿಗೆ ನಕ್ಷೆಯಲ್ಲಿ ಇಳಿಸಲಾಗುತ್ತದೆ.ನೀವು ಏಕವ್ಯಕ್ತಿ, ಜೋಡಿ ಮತ್ತು ನಾಲ್ಕು ವ್ಯಕ್ತಿಗಳ ತಂಡವನ್ನು ಆಡಬಹುದು. ಕೊನೆಯ ವ್ಯಕ್ತಿ ಅಥವಾ ತಂಡ ನಿಂತಿರುವುದು ಪಂದ್ಯದ ವಿಜೇತರಾಗುತ್ತಾರೆ.

ಮೂಲ ಆವೃತ್ತಿಯಂತೆ, ಕಾಲ್ ಆಫ್ ಡ್ಯೂಟಿ ಮೊಬೈಲ್ ಆಟಗಾರರು ತಮ್ಮ ವೇಷಭೂಷಣಗಳು, ಶಸ್ತ್ರಾಸ್ತ್ರಗಳು ಮತ್ತು ಹೆಚ್ಚಿನದನ್ನು ಬದಲಾಯಿಸುವ ಮೂಲಕ ತಮ್ಮ ಪಾತ್ರಗಳನ್ನು ಕಸ್ಟಮೈಸ್ ಮಾಡಲು ಅನುಮತಿಸುತ್ತದೆ. ಯುದ್ಧ-ರಾಯಲ್ ಮೋಡ್ ಅನ್ನು ಆಡಲು ಆಟಗಾರರು ಕನಿಷ್ಠ ಪ್ರೊಫೈಲ್ ಮಟ್ಟ 7 ಅನ್ನು ತಲುಪಬೇಕು, ಅದು ಅವರಿಗೆ ಮೋಡ್ಗೆ ಪ್ರವೇಶವನ್ನು ನೀಡುತ್ತದೆ. ಸ್ಮಾರ್ಟ್ಫೋನ್ನಲ್ಲಿ ನಾನು ಕಾಲ್ ಆಫ್ ಡ್ಯೂಟಿ ಆಟವನ್ನು ಆಡಿದ್ದು, ಆಟದ ಪ್ರಾರಂಭವು ಬಹಳಷ್ಟು ಸುಸೂತ್ರವಾಗಿದೆ.

ಡೆವಲಪರ್ಗಳು ಮೊಬೈಲ್ ಪ್ಲಾಟ್ಫಾರ್ಮ್ಗೆ ಹೆಚ್ಚು ಪ್ರಿಯವಾದ ಕಾಲ್ ಆಫ್ ಡ್ಯೂಟಿ ಆಟವನ್ನು ತರಲು ಒಂದು ವರ್ಷ ಸಮಯ ತೆಗೆದುಕೊಂಡಿದ್ದಾರೆ. ಈ ಮೊದಲು ರಾಯಲ್ ಬ್ಯಾಟಲ್ ಆಟವು ಬೀಟಾ ರೂಪದಲ್ಲಿ ಲಭ್ಯವಿತ್ತು ಮತ್ತು ಈಗ ಸ್ಥಿರ ಆವೃತ್ತಿ ಮುಗಿದಿದೆ. ಆಟದ ಇಂಟರ್ಫೇಸ್ ಪಿಸಿ ಆವೃತ್ತಿಯನ್ನು ಹೋಲುತ್ತದೆ. ಇದು ನಿಮಗೆ ಗೊತ್ತಿಲ್ಲದಿದ್ದರೆ, 'ಕಾಲ್ ಆಫ್ ಡ್ಯೂಟಿ ಎಫ್ಪಿಎಸ್ (ಫಸ್ಟ್ ಪರ್ಸನ್ ಶೂಟರ್) ಆಟವಾಗಿದ್ದು, ಆಟವನ್ನು ಡೌನ್ಲೋಡ್ ಮಾಡಲು ನೀವು ಏನನ್ನೂ ಪಾವತಿಸುವ ಅಗತ್ಯ ಕೂಡ ಇಲ್ಲ'.

ಕಾಲ್ ಆಫ್ ಡ್ಯೂಟಿ ಮೊಬೈಲ್ ಅನ್ನು ಹೇಗೆ ಸ್ಥಾಪಿಸುವುದು ಎಂಬುದನ್ನು ನಾನಿಲ್ಲಿ ತಿಳಿಸಿಕೊಡುತ್ತಿದ್ದೇನೆ. ಮೊದಲಿಗೆ, ನೀವು ಪ್ಲೇ ಸ್ಟೋರ್ ಅಥವಾ ಆಪ್ ಸ್ಟೋರ್ಗೆ ಹೋಗಬೇಕು. ನಂತರ ಕಾಲ್ ಆಫ್ ಡ್ಯೂಟಿ ಮೊಬೈಲ್ ಎಂದು ಹುಡುಕಿ. ಆಟ ತೆರೆದ ನಂತರ ನೀವು ಸ್ಥಾಪನೆಯನ್ನು ಟ್ಯಾಪ್ ಮಾಡಬೇಕು ಮತ್ತು ಡೌನ್ಲೋಡ್ ಪ್ರಕ್ರಿಯೆಯು ಪ್ರಾರಂಭವಾಗುತ್ತದೆ.ಒಮ್ಮೆ, ಆಟವನ್ನು ಡೌನ್ಲೋಡ್ ಮಾಡಿದ ನಂತರ ಅದು ಸ್ವಯಂಚಾಲಿತವಾಗಿ ಸ್ಥಾಪಿಸಲು ಪ್ರಾರಂಭಿಸುತ್ತದೆ. ನಂತರ ಲಾಗ್ ಇನ್ ಮಾಡಿ ಮತ್ತು ಆಟವನ್ನು ಆನಂದಿಸಿ.


Click it and Unblock the Notifications