99 ರೂ.ಗೆ ವಿಮಾನ ಟಿಕೆಟ್ ರದ್ದು!..ಏನಿದು Paytm Checkin ನಿಂದ ಹೊಸ ಸೌಲಭ್ಯ?

ನಮ್ಮ ವಿಮಾನದ ಪ್ರಯಾಣದ ಯೋಜನೆಗಳು ಹಠಾತ್ತಾಗಿ ಯಾವಾಗ ಬೇಕಾದರೂ ಬದಲಾಗಬಹುದು. ವಿಶೇಷವಾಗಿ ಹಬ್ಬದ ಸೀಸನ್, ಮದುವೆ ಕಾರ್ಯಕ್ರಮಗಳು, ಕಚೇರಿ ಕೆಲಸಗಳು ಅಥವಾ ಹಠಾತ್ ವೈಯಕ್ತಿಕ ಕಾರಣಗಳಿಂದಾಗಿ ವಿಮಾನ ಪ್ರಯಾಣವನ್ನು ರದ್ದುಪಡಿಸುವ ಪರಿಸ್ಥಿತಿ ಸಾಮಾನ್ಯ. ಇಂತಹ ಅನಿಶ್ಚಿತತೆಯನ್ನು ಕಡಿಮೆ ಮಾಡುವ ಉದ್ದೇಶದಿಂದ Paytm Checkin ಇದೀಗ ಕೇವಲ ರೂ. 99 ಕ್ಕೆ ವಿಮಾನ ಟಿಕೆಟ್ ರದ್ದುಪಡಿಸುವ ವಿಶೇಷ ಆಯ್ಕೆಯನ್ನು ಪರಿಚಯಿಸಿದೆ. ಇದು ಪ್ರಯಾಣಿಕರಿಗೆ ನೆಮ್ಮದಿ ಮತ್ತು ಹಣದ ಭದ್ರತೆ ಎರಡನ್ನೂ ಒದಗಿಸುತ್ತದೆ.!

ಹೌದು, Paytm ಸಂಸ್ಥೆ Paytm Checkin ಮೂಲಕ 99 ರೂ. ಬೆಲೆಯ ಹೊಸ ಯೋಜನೆಯನ್ನು ಪರಿಚಯಿಸಿದೆ. ವಿಮಾನ ಟಿಕೆಟ್ ಬುಕ್ ಮಾಡುವ ಸಮಯದಲ್ಲಿ ಗ್ರಾಹಕರು ಟಿಕೆಟ್ ದರದ ಜೊತೆಗೆ 99 ರೂ. ಹೆಚ್ಚುವರಿ ಮೊತ್ತವನ್ನು ಪಾವತಿಸಿ ತಮ್ಮ ರದ್ದುಪಡಿಸುವ ಹಕ್ಕನ್ನು ಪಡೆದುಕೊಳ್ಳಬಹುದು. ಈ ರೀತಿ ಮಾಡಿದಾಗ, ವೈಯಕ್ತಿಕ ಕಾರಣಗಳಿಂದಾಗಿ ವಿಮಾನ ಪ್ರಯಾಣವನ್ನು ರದ್ದುಪಡಿಸುವ ಪರಿಸ್ಥಿತಿ ಎದುರಾದರೆ, ನೀವು ಟಿಕೆಟ್ ಅನ್ನು ರದ್ದುಪಡಿಸಬಹುದು. ಬಳಿಕ ಸಂಪೂರ್ಣ ಹಣ ಮರುಪಾವತಿ ಪ್ರಕ್ರಿಯೆ ಸ್ವಯಂಚಾಲಿತವಾಗಿ ಆರಂಭವಾಗುತ್ತದೆ.

Paytm ತಿಳಿಸಿರುವಂತೆ, 99 ರೂ. ಹೆಚ್ಚುವರಿ ಮೊತ್ತ ಆ ನಿರ್ದಿಷ್ಟ ಬುಕ್ಕಿಂಗ್‌ಗೆ ಮಾತ್ರ ಅನ್ವಯವಾಗುತ್ತದೆ. ಈ ಸಣ್ಣ ಮೊತ್ತದ ಮೂಲಕ, ಮುಂದಿನ ದಿನಗಳಲ್ಲಿ ವಿಮಾನ ಕಂಪನಿಗಳ ಗೋಜಿಗೆಡುವ ರಿಫಂಡ್ ನಿಯಮಗಳು, ಕಟ್‌ಡೌನ್ ಶುಲ್ಕಗಳು ಅಥವಾ ದೀರ್ಘ ಪ್ರಕ್ರಿಯೆಗಳ ಬಗ್ಗೆ ಚಿಂತಿಸಬೇಕಾಗಿಲ್ಲ. ಎಲ್ಲವೂ ಮುಂಚಿತವಾಗಿಯೇ ಸ್ಪಷ್ಟವಾಗಿರುತ್ತದೆ. ಆದರೆ, ಇದು ಡಿಫಾಲ್ಟ್ ಆಗಿ ಸಕ್ರಿಯವಾಗಿರುವುದಿಲ್ಲ. ಬುಕ್ಕಿಂಗ್ ಪ್ರಕ್ರಿಯೆಯ ಚೆಕ್‌ಔಟ್ ಹಂತದಲ್ಲಿ, ನಿಮ್ಮ ಆಯ್ದ ವಿಮಾನ ಟಿಕೆಟ್‌ಗೆ ಈ ಸೌಲಭ್ಯ ಲಭ್ಯವಿದೆಯೇ ಎಂಬುದನ್ನು ಆಪ್ ಸ್ಪಷ್ಟವಾಗಿ ತೋರಿಸುತ್ತದೆ.

ಒಂದು ವೇಳೆ ನಿಮ್ಮ ಪ್ರಯಾಣದ ಯೋಜನೆ ಬದಲಾಗಿದರೆ, Paytm Checkin ಆಪ್‌ನಲ್ಲೇ ಸುಲಭವಾಗಿ ಟಿಕೆಟ್ ರದ್ದುಪಡಿಸಬಹುದು. ಇದಕ್ಕಾಗಿ ವಿಮಾನ ಕಂಪನಿಯ ಗ್ರಾಹಕ ಬೆಂಬಲವನ್ನು ಸಂಪರ್ಕಿಸುವ ಅಗತ್ಯವಿಲ್ಲ.99 ರೂ.ರದ್ದುಪಡಿಸುವ ಆಯ್ಕೆಯಡಿ ಬುಕ್ ಮಾಡಿದ ಟಿಕೆಟ್‌ಗಳಿಗೆ, ರದ್ದುಪಡಿಸಿದ ಬಳಿಕ ಸಂಪೂರ್ಣ ಹಣ ಮರುಪಾವತಿ ಪ್ರಕ್ರಿಯೆ ಸ್ವಯಂಚಾಲಿತವಾಗಿ ಆರಂಭವಾಗುತ್ತದೆ. ಇದು ಸಮಯ ಉಳಿಸುವುದರ ಜೊತೆಗೆ ಅನಗತ್ಯ ಒತ್ತಡವನ್ನೂ ಕಡಿಮೆ ಮಾಡುತ್ತದೆ ಎಂದು ಕಂಪೆನಿ ತಿಳಿಸಿದೆ.

Paytm Checkin ನಲ್ಲಿ ಲಭ್ಯವಿರುವ ಸೀಸನಲ್ ಡಿಸ್ಕೌಂಟ್‌ಗಳು, ಹಬ್ಬದ ಆಫರ್‌ಗಳು ಅಥವಾ ಹನಿಮೂನ್ ಪ್ರಯಾಣಕ್ಕೆ ಸಂಬಂಧಿಸಿದ ರಿಯಾಯಿತಿಗಳು ಈ ರದ್ದುಪಡಿಸುವ ಆಯ್ಕೆಯಿಂದ ಪ್ರತ್ಯೇಕವಾಗಿವೆ. ಅಂದರೆ, ನೀವು ಡಿಸ್ಕೌಂಟ್ ಬಳಸಿದರೂ ಅಥವಾ ಬಳಸದೇ ಇದ್ದರೂ, ರೂ. ರದ್ದುಪಡಿಸುವ ಶುಲ್ಕವು ವಿಭಿನ್ನವಾಗಿರುತ್ತದೆ. ಜೊತೆಗೆ, ಎಲ್ಲ ಫ್ಲೈಟ್‌ಗಳಿಗೆ ಇದು ಅನ್ವಯಿಸುವುದಿಲ್ಲ, ಆದ್ದರಿಂದ ಆಯ್ಕೆ ಕಾಣಿಸಿದರೆ ಮಾತ್ರ ಅದನ್ನು ಬಳಸಬಹುದು. ಹಾಗಾಗಿ, ಅಂತಿಮ ಪಾವತಿ ಮಾಡುವ ಮೊದಲು ದರ ವಿವರವನ್ನು ಗಮನದಿಂದ ಪರಿಶೀಲಿಸುವುದು ಉತ್ತಮ.

99 ರೂ.ಬೆಲೆಯ ರದ್ದುಪಡಿಸುವ ಆಯ್ಕೆ ಉತ್ತಮವೇ?
ಖಂಡಿತ ಹೌದು. ನಿಮ್ಮ ಪ್ರಯಾಣದ ದಿನಾಂಕ ಮತ್ತು ಉದ್ದೇಶ ಸಂಪೂರ್ಣವಾಗಿ ನಿಶ್ಚಿತವಾಗಿದ್ದರೆ, ಇದು ಅನಗತ್ಯವೆನಿಸಬಹುದು. ಆದರೆ ಸ್ವಲ್ಪ ಅನುಮಾನವಿದ್ದರೆ, ಕಡಿಮೆ ಮೊತ್ತವನ್ನು ಮುಂಚಿತವಾಗಿ ಪಾವತಿಸಿ, ನಂತರದ ಹಣದ ನಷ್ಟ ಮತ್ತು ಮಾನಸಿಕ ಒತ್ತಡವನ್ನು ತಪ್ಪಿಸಿಕೊಳ್ಳುವುದು ಬುದ್ಧಿವಂತಿಕೆಯ ನಿರ್ಧಾರ. ಕೆಲವು ತಿಂಗಳುಗಳ ಮೊದಲೇ ಟಿಕೆಟ್ ಬುಕ್ ಮಾಡುವ ಗ್ರಾಹಕರಿಗೆ ಇದು ಅತ್ಯುತ್ತಮ ಆಯ್ಕೆ ಎಂಬುದು ನಮ್ಮ ಅಭಿಪ್ರಾಯ. ವಿಶೇಷವಾಗಿ ಭಾರತೀಯ ಪ್ರಯಾಣಿಕರಿಗೆ, ಸರಳ, ವೇಗದ ಮತ್ತು ಪಾರದರ್ಶಕ ರದ್ದುಪಡಿಸುವ ವ್ಯವಸ್ಥೆಯು ದೊಡ್ಡ ಲಾಭವಾಗಬಹುದು. ಈ ಕುರಿತಂತೆ ನಿಮ್ಮ ಅನಿಸಿಕೆ ಏನು ಎಂಬುದನ್ನು ಕಾಮೆಂಟ್ ಮಾಡಿ ತಿಳಿಸಿ.